مرحبا شباب وصبايا كيفكن ؟
حابة احكي واتناقش معكن على موضوع المباريات والكلاسيكو والتشجيع وبالأخص رح نحكي عن النزاع والمعارك اللي بتصير بين العالم لسبب وهو انت مع مين رياال ولا برشاا؟؟
بصراحة انا ما بعرف ازا حدا كتب عن هالموضوع بس حبيت آخد آراءكن وشوف مين بتشجعو وهيك منتعرف على بعض أكتر وأكتر
رح بلش بحالي
انا بصراحة ما كتير كان إلي مراق بالكرة والفرق ومدري شو بس ماشاالله عندي عيلة مهووووسة بشي اسمو كرة وأولهن أخواتي وعمومي وشوي شوي صرت اتفرج معهن على المباريات ومباراة ورا مباراة صرت شبه مهووسة لحد ما وصلت لمرحلة الجنان بالتشجيع
ضليت لفترة منيحة عم شجع تشيلسي بعدين بين يوم وليلة قلبت على ريال مدريد طبعا عمومي كلهن ريال مدريد وهاد كان السبب الأكبر اللي خلاني اقلب
وبعد بكم مباراة لقيت حالي لا شعوريا عم شجع برشلونة لأنو بصراحة لعبهن بجننن
يعني عنجد اللاعبين مالهن حلة وخصوصا "ميسي" عنجد كان يبهرني بحركاتو
كتير حكولي اني خاينة ومالي ثابتة على رأي بس عنجد أنا هلأ ثابتة على برشلونة
وهلأ حابة اعرف انتو مع مين ... ريال ولا برشا ؟؟؟