[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         الكلية التطبيقية       آخر رد : abd alkafi  ]        استفسار       آخر رد : muh.  ]        شكر وتقدير - سلسلة من الكتب لاختصاص التبريد والتكييف       آخر رد : مبروك يونس  ]        شكر - اسـئـلـة دورات دارت مـنـطـقـيـة سـنـة ثـالـثـة الـكـتـرون       آخر رد : عوض الزامل  ]        ماجستير ؟؟       آخر رد : **ماسة.**  ]        سجل حضورك بالصلاة عل النبي       آخر رد : مارية.  ]        كاريكاتير .... ,, متجدد ,,       آخر رد : Compelling dark  ]        صـور مـن سـوريـا الـواقـع .....مـتـجـدد       آخر رد : Compelling dark  ]        مشاريع التخرج - مشروع محطات/2/-رابعة طاقة       آخر رد : عبدالمجيد المهاب.  ]        thanksss - برنامج امتحان سنة 1+2+3+4+5 ميكانيك + س 1+2+3+4 كهرباء       آخر رد : okjamal  ]        مقهــ,,,ــى الهمــ,,,ـــك       آخر رد : شروق#  ]        استفسار عن....       آخر رد : Compelling dark  ]        عشرون طالباً من جامعة بنها يجتازون دورة اختبار البرمجيات       آخر رد : samir fayz  ]        بـرنـامـج امـتـحـان الـفـصـل الـثـانـي لـكـلـيـة الـهـمـك       آخر رد : شروق#  ]        الكترونيات القدرة - (¯`'•.¸, موسـوعـة ســـلالـم تصحيــح كليــة الهمــك ,¸.•'´¯)       آخر رد : awadalzamel  ]        مـسـودة بـرنـامـج امـتـحـان الـفـصـل الـثـانـي " كـلـيـة الـهـمـك "       آخر رد : Compelling dark  ]        الى طلاب الميكانك العام سنة تانية       آخر رد : شروق#  ]        دفتر المنطقية كامل ومرتب سنة 2010       آخر رد : قتيبة الحبيب  ]        محاضرات - سنة رابعة طاقة       آخر رد : abo muhmmad  ]        فحص المحولات الكهربائية       آخر رد : كهربجي  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث 18-01-2018



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الهندسة الميكانيكية و الكهربائية

مواضيع مميزة..






                                                                                                                      



  ملتقى طلاب جامعة دمشق --> كلية الهندسة الميكانيكية و الكهربائية --> الأقسـام العامــة --> ســــاحـة الــهـمـكـيـيـن
    المواقف اللي ممكن تتعرض إلها وانت بداخل السيرفيس
عنوان البريد :  
كلمة المرور :  
                    تسجيل جـديد


صفحة 1 من 2  1 2->

.المواقف اللي ممكن تتعرض إلها وانت بداخل السيرفيس


ABO-MRWAN

جامعـي مشــارك





مسجل منذ: 16-08-2010
عدد المشاركات: 89
تقييمات العضو: 2
المتابعون: 1

غير موجود
اشــترك بالتحديثات
رسالة مستعجلة

المواقف اللي ممكن تتعرض إلها وانت بداخل السيرفيس

17-11-2010 07:30 PM






المواقف اللي ممكن تتعرض إلها وانت بداخل السيرفيس

وانت طالع ممكن يخبط راسك بالباب لأن متل ما زكرنا .. ارتفاعو غلط
فاذا كنتي بنت رح تسمعي : الله الله خير صرلك شي ؟؟؟؟ من كل الركاب و نظرات العالم كلها شفقة و وكلن رح يضربو الشوفير لأن الحق عليه ما اشترا سيرفيس الو اكياس هوا مشان الصدمات
واذا كنت شب فرح تسمع العالم عم تضحك وتقول العما ضربو مانو شايف !!!!!!! يالله بيستاهل ..شوف وين كان عم يبصبص

وقت بتسكر الباب بهدوء تبعا لتعليمات الاعلان اللي موضوع عالباب وما بيتسكر
اذا كنت بنت … دخيل الله شو هالأنوثة ليك وحتى عالباب مالها نفس تخبطو
اذا شب …. ليك التشتوش ليك مالو حيل يسكر الباب تفه عهالجيل

وقت بتسكرو بقوة
اذا كنت بنت … يا حرام اكيد معصبة من شي شغلة الله يعينها
اذا شب …. هشششش فهمنا انك قبضاي خلعت الباب

وانت قاعد ممكن يجيك اتصال
اذا كنت بنت ….. ياخ مأحلا صوتها نيالو المحظوظ ... ومعها اريكسون يا اخي مزوقة
اذا كنت شب …. تضرب انت واللي داير عليك وطي صوتك صرعتنا والله فهمنا معك موبايل

وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس الشوفير
اذا شب دبر حالك عالدولاب وازا ما عجبك روح مشي شهههه نحنا بعمركن كنا نروح عالحسكة مشي


وقت بيكون معك اغراض
اذا بنت في مين يطالعلك ياهن وينزلن ويحطن بحضنو اذا بدك والناس شو بتقول بقلبا : يا حرام!! وين اخواتها الشباب يجيبو الاغراض
واذا كنت انت اخوها وجبنت الاغراض شو رح يقولو ؟؟ هوهوووووووو تعا حطن بحضننا !!! كلو مشان ما تاخد تاكسي لعما البخل


وقت بتطلع غنية بشعة والصوت قوي
اذا بنت الك الحق تقوليلو وطي الصوت ازا بتريد او غير المحطة والعالم رح تقول اي اي غيرا (اكيد في الها ذكرى حزينة بقلبها)
اما اذا شب رح يلتفت عليك الشوفير ويقوي الصوت حبة تانية ورح يقول : ليك هالعالم ليك بدو يشترينا بالخمس ليرات تبعيتو !!!


وقت بدك تعطي الاجار
ما بتفرق بدك تحط ال 7 ازا بتكون جاي من جزر القمر وهاي الشغلة الوحيدة اللي ما فيها تفرقة عنصرية

وقت بدك تنزل وتقول للشوفير على مهلك وما يسمع بسبب الاغاني اللي حكينا عنها من شوي
اذا كنت شب بيتطلع فيك اللي حدك وبيقلك بنظرة فوقية : ما سمع صوتك
وبينط التاني بعد ما بتمر جنب بيتك وانت مستغرب انو السرفيس ما عم يفكر يوقف وبيقلك نازل ؟؟
واذا بنت ما عليكي الا انو تفكري تفكير بالنزلة او تهمسي همس بينك وبين حالك نزلني واسمعي الشباب كلن بصوت واحد :على مهلك على مهلك ….. نزلها …. شو مانك سامع ؟ …. عاليمين … نزلاااااااااااااااااااااا







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


مجد91

جامعـي جديــد





مسجل منذ: 13-11-2009
عدد المشاركات: 8
تقييمات العضو: 0
المتابعون: 15

غير موجود
اشــترك بالتحديثات
رسالة مستعجلة

بس في شي ناقص

17-11-2010 07:44 PM




مرحبا يمكن نسيتوا شي بالنسبة للقعدة جوا السرفيس يعني ازا كنتي بنت وقاعدة بالسرفيس وفي شب قاعد بالمقعد يلي قدام وطلع شب فاكيد رح يقعد جنبك  ويترك هداك الشب لحالو 
وبعد شوي (في حال عدم التهزيب) ازاكن الطريق طويل بيرخي هاد الشب حالو ونعد شوي بيعمل حالو غفي ومال عجنب    ومن ناحية اخرى لمى بدك تدفعي اجرة السرفيس فيلي بدو ياخد منك المصاري بيمسك كل ايدك بحجة ياخد المصاري وخدي بقا ليتركها وهد الشي باكدلكن انو صاير لانو بصراحة صايرة معي 
وشكرا         





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


أبـو حمــزة

عضــو فضـي

لن نركع الا لله




مسجل منذ: 24-09-2007
عدد المشاركات: 1407
تقييمات العضو: 8
المتابعون: 15

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 07:44 PM




هههههههههههههههههههههههههههههههه




يحرء حريشك والله ضحكت من كل قلبي و أكيد كل الحكي صحيح 100% ومافي شك بنوووووووب     


يسلموا الأياي

وبإنتظار مزيدك


تحيتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


eng.adnan

جامعـي مبـدعـ





مسجل منذ: 13-07-2010
عدد المشاركات: 222
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 08:19 PM




أخ علي موضوعك بيستاهل ينطرح ويكون موضع نقاش

طبعاً أكيد دوم البنت بالسرفيس مدللة , بمجرد ماتفكر تطلع بالمكروا ولو مافي مكان بتنزل كل الركاب لك وبيتخانقوا كمان مين بدوا يأعدها مكانوا ...

لك ياعمي بحئلهم والله بحئلهم

على كل حال الموضوع كتير حلو وهلأ منشوف شو راي البنات بهاد الشي







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


حسناء

جامعـي اســتثنائي





مسجل منذ: 08-07-2009
عدد المشاركات: 559
تقييمات العضو: 0
المتابعون: 7

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 08:32 PM




طيب شو مشان لما ما يكون في سرافيس والعالم فوق بعضها
ما شاء الله عليكم يا شباب ..الله يحرسكم.
اول شي بتصفوا بالدور وبتطلعو البنات وبعدين بتطلعوا واحد واحد بكل ادب واحترام
"وابداً ما بتصير مطاحشة وتدفيش" وهي أخر عبارة خليها بين قوسين وبعدها شي خمسين علامة تعجب
   
طبعاً في مستثني بالا من هل القاعدة ...."من رحم ربي "


    ..............حسناء...........

                         





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


مشروع مهندسة

جامعـي مبـدعـ





مسجل منذ: 26-08-2010
عدد المشاركات: 283
تقييمات العضو: 0
المتابعون: 6

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 08:40 PM





اقتباس
و أكيد كل الحكي صحيح 100% ومافي شك بنوووووووب


لاااااااااااا أبو حمزة بدك تسمحلي والله.........  

كلامك صحيح إذااااااااااااا...............إذاااااااااااااا............إذا استثنيت منه
الهمكيين..........

لاتزعل بس وحياتك هي الحقيقة........شوف مثلاً


اقتباس
وقت بيوقفلك الشوفير وما بيكون في معو محلات أصلاً
اذا كنت بنت ما عليك الا انو تنظري نظرة وحدة لأي شب من اللي قاعدين بتلاقيه نط وقعد عالسفنجة اللي بعكس


والله يمكن بتصير بسرافيس المهاجرين........بس بالكراجات    

روح وقف بعد النفق قبل الزبلطاني تحت الجسر الساعة 8إلاربع وشوف
الهمكيين الأفاضل
الحق يقال كتير محترمين الشباب.......مابيدفش البنات بئيده......لك ولابكتفه........بس بيحط الشنطة حاجز مؤقت لبين مايطلع ويتكلبش بالكرسي!!

وإذا طلعنا بعد حين ومين منطلع عالواقف.........وشوف الشطارة كيف بتكفت عليهن كفت
كل واحد بيدحش راسه بين صفحتين تقول مفجوع دراسة......!!

طبعاً تقريباً نفس الموقف بيتكرر على ضفاف الطبالة بالرجعة......وبشكل أكبر وبالصيف خاصة لأنو الشمس حارقة وبتعرف بيخافوا على شقارهن.........الواه الواه

هلأ مشان مانظلم الكل مارح نعمم.........بس هي الحقيقة
والله بحس الشب عم يقول لحاله وقت بتطلع بنت عالواقف أو بيدافشها عالسرفيس
"متلك متلنا"........مدري عنجد هالهمكيين ماعم يعترفوا بوجودنا كإناث معهن بالكلية؟!
منرجع لفكرة سعيد الحناوي الله يذكره بالخير

آسفة عالمداخلة أخي أبوحمزة.......بس حبيت حط لمسة أنثوية مشان ماتنفشوا ريشكن
لأنكن شاطرين كتيربالمسكنة ولسه مابتسمعوا بسيرة البنات إلا وبتنكشوا مآسيكن وتاريخ الاستضعاف والظلم.........ياحراااااااام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


الوسام الذهبي

جامعـي مبـدعـ





مسجل منذ: 17-12-2009
عدد المشاركات: 227
تقييمات العضو: 1
المتابعون: 7

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 09:33 PM




يعني هو الحكي في شي من الصحة
بس اذا استثنينا الطبالة و الزبلطاني متل ما اتفضلت الأخت مهندسة "كبري و يخزي العين حلك اتصيري مهندسة"
و كمان اذا استثنينا الزحمة متل ما اتفضلة حسناء خانم
و كمان اذا استثنينا كل شي اسمه باصات متل
قدم عسالي ابن النفيس
لك الله وكيلكن
الشباب آعدين وعين الله عليهن
و البنات وائفين
لا و الاحلى وئتا بيطلع شي زلمة كبير بالعمر شو بصير ياحزركن
البنت بتأوم لانوألبها حنون يعليي
و الشب بضل أعد
يمكن عم بالغ
بس
أأأأأأأأأأأأأأأأأأأأأأأأأأأأأأأأأأأأأأأه
شكرا على الموضوع
و بنتظار مناقشة موضوع الباصات
و سلام من وسام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


Bnt Al $ham

عضــو ماسـي


اللـهــم انّــا مستضعـفون فانتــصر لــنـــا




مسجل منذ: 10-07-2010
عدد المشاركات: 3947
تقييمات العضو: 609
المتابعون: 19

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 10:22 PM





اقتباس
و البنات وائفين
لا و الاحلى وئتا بيطلع شي زلمة كبير بالعمر شو بصير ياحزركن
البنت بتأوم لانوألبها حنون يعليي


اي والله العظيم وانا صارت معي شخصيا
والله كان زلمة ختيار وحامل غراض
لك ولا شب اتحسوس ع دمه وقعدو مكانو

والله انا اجيت قمت لحتى شب من الشباب اتذكر انو ئال يعني عندو نخوةوئعدو محلوو

هالحكي كان يمكن من سنتين او تلاتة

اما هلألألألألألل لاااااااااااااااا

لان والله منطاحش مطاحشة حتى يطلعلنا دور او مكان

يمكن لانو  المشكلة من الشباب ولا المشكلة من تزايد السكان بشكل فظيع وخصوصي بالشام

ولييييييييييييييييييييييييييييي القتللللللللل


بس انو في شي مشترك بيناتنا ما ذكرتو

مالكن حئ ها

انو عند الدفع الكل لازم يدفع 77 او 9 ليرات والا الشوفير بينبحت عليه هههههههههههههههههههه

كلشي الا الجيبة تبع الشوفير ما حدا يئرب عليها ان كنت شب او بنت

ههههههههههه

يلاااا سلاااموو

وحااااااج تظلموناااا اااااااااااييييييييي

مابقي الا تطالبو بمنظمة لحقوق الرجل

شي حلو والله

يلاااا سلااامو حكيت كتير انا موووووو؟؟





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


eng.adnan

جامعـي مبـدعـ





مسجل منذ: 13-07-2010
عدد المشاركات: 222
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 10:47 PM




شوي تانية رح يصيروا البنات هنن الرجال ونحنا رح نصير نطالب نقعد مشان تقوم البنت وتركب عالواقف (شو هالدرجة مظلومين   يا بنات) يالله بتلاقي البنت دايماً واصلة عالموعد بدون تأخير والشباب دوم متأخرين ليش؟ زحمة , مافي كراسي فاضية بالمكاري , ماشالله عليهم البنات معبيين المكاري , وما بتسترجي تدافش مشان تركب بتخاف تاكل شي ضربة كعب , أو شي بوكس بالغلط , حاكم ماشالله حولهم بنات الهمك , ماشالله حولهم وحوليهم أخوات رجال وقد حالهم ومابينخاف عليهم , بتلاقي الوحدة منهم جاهزة لأي موقف لحتى تواجهوا  وتطلع منو بأقل الأضرار.

بعدين لأوي يابنات والله بعمري ماطلعت بمكروا وكانت بنت واقفة يعني هاد شي مستحيل , وبعمروا مافي رجال في نخوة فيه برضى توقف بنت بالمكروا أو بالباص أي شو ,يعني الرجال ماعاد فيهم ناموس , هيك زعلتونة منكم يا بنات , بس والله ببعض الأحيان بكون الواحد فصسان هلكان ومو مصدق إمتى يطلع بالباص مشان ينام بتقوم بتجيلها شي بنت وبتطلع عالواقف هون ممكن يتردد الواحد يقوم ولا لأ بس ما بظن أنو يضل قاعد , بس بخلوا حالوا أن احتمال, يعني بركي بيتحسس غيرو وبقوم .......





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


مشروع مهندسة

جامعـي مبـدعـ





مسجل منذ: 26-08-2010
عدد المشاركات: 283
تقييمات العضو: 0
المتابعون: 6

غير موجود
اشــترك بالتحديثات
رسالة مستعجلة

رد مشاركة : المواقف اللي ممكن تتعرض إلها وانت بداخل السيرفيس

17-11-2010 10:54 PM





اقتباس
والله بعمري ماطلعت بمكروا وكانت بنت واقفة يعني هاد شي مستحيل


والله يلي بيسمعك بيقول مقضي عمرك بالسرفيس........

إي لأ..........صدق ياعزيزي صدق بتصير كتيييييييييير........وصايرة معي إذا بدك

بقى حاجة ترمي غلبك هون وهون............اعترف وخلصنا





ملتقى طلاب جامعة دمشق




أنت غير مسجل لدينا.. يمكنك التسجيل الآن.

صفحة 1 من 2  1 2->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة