صحيح انو موقف شنيع..وغريب

صحيح انو هل ختيار المعتر عم ينطوط من ميكرو للتاني
ويزتزت أرقام يمكن مو بس للبنات للحجات اللي أد بناتو

بس اذا فكرت بالمقلوب شوي
ما بعرف ليش بحب فكر بطريقة نقض الفرض كتير
انو لو كان هل ختيار شب حلو ووازن ومتقل مصاري
بس حب الزلمة يركب بالباص أو الميكرو
لأنو في صيدات هونيك
ساعتها كان رح ينسب وينذل ويطلع بخفي حنين
ولا كان رح ينال على صيدو وينزل رجلو عرجلا

يمكن أحد الأسباب الي خلت هل ختيار يتصرف هيك
انو وقت كان شب كان يعمل هيك وتزبط معو الطريقة
واستحلا الطريقة عكبر...بيجوز بعد ما صفي بالبيت لحالو

شو رأيكن؟

والله يا لونا ضحكتيني على القصة اللي صارت معك ..

وبعدين عادي .. ليش مستغربة .. هالأيام الختايرة أكتر من الشباب عم يشتغلو هالشغلة ..

لإنهم بيكونو فاضيين وبدهم يتسلو .. يا أما بيكونو جهلانين ..

الحمامة البيضا

dr.bashari

يعني اذا بدي قلكون انو في ختيارية مصيفيين اكتر من الشباب بيجوووز مبتصدقوووني
يعني بعرف حديقة من طفولتي ما زرتها .....على علمي انو كانت حديقة عائلية  انصعقت لما عرفت انها تحولت لكافيتيريا بالمجان للقاء العشاق والمثير في الامر انو في  من كافة الاعمار  يعني في ختايرة  "لعمى طق شرش الحيا عندون" وفي شباب 
اختنا الكريمة في كثير من هالامراض المستعصية 
للأسف وعلى عينك يا تاجر 
هلئ بتعرفي لو انا موجود بالميكرو كنت بهدلتو  واذا كبر راس  كنت لحشتو من شباك الميكرو
هي ناس  مبتفهم بالحسنة
 
ملاحظة :
قلتيلي عم تطلعي مهاجرين صناعة >>>>>>>>> معناته عم تعاني متل ماعم عاني بالمواصلااااااات شو مشااان كل يوم عم بتأخر
مرة دكتور المنطقية قلعني

لد دخيلك شو بدنا نحكي لنحكي...صاير بزمن كثير غريب....وانا ياما صارت معي هيك شغلات والله واستغربت طبعا نحنا من المفروض واحد ختيار هو الي لازم يوجة الشباب وينصحهن ولا يغلطو يصلح غلطن...بس بما انو كلشي انقلب ماعدنا نعرف بمين بدنا نوثق ....وكل طبعا لغياااب الخوف من رب العالمين...والركض ورا الهوى
الله يسترنا يااارب
وشكرااا عطرح هيك موضوع الي مهما حكينا بيكون قليلي كثير

شبل العقيدة

Rourita

بصراحة لا تستغربي كتير انو في هيك تصرفات مقرفة من عمو الختيار لانو ان صارت معي نفس القصة بس اغرب شوي
مرة كنت قاعدة بالكافيتيريا بالجامعة بالهندسة المدنية بجامعة البعث (طبعا انا درست اول سنة بحمص) قام قعد مقابيلي واحد عمره شي 50 سنة وبلش يتبسم وينقلني رقم الموبايل بصراحة انا استغربت انو  هادا ليش ماشي فوق الارض ويا حرام عالمي اللي عم يشربا حوينة فيه
بعتقد هيك بكون واسيتك لا تتدايقي ولا على بالك المهم نحنا شو
صحيح عايشين ضمن هالمجتمع وبنزعل على هيك مناظر بس شو الحل لانو السبب هو التربية الصح وانو كل واحد يحط امو او اختو بهالموقف حتى يبطل يعملو