الطفل أو الولد هو وليد البيئة التي يعيش بها كان لزاما علينا أن نعيي أصول التربية الحديثة والواقعية وان نبعد عن كل ما يفسد تربيته ..



الإفراط في الدلال والشدة الغير مقبولة , وإليكم العوامل التي تساعد على العمل على أفساده ..

1- حين يُعطى كل ما يطلبه فلا يتعوَد على ضبط النفس.

2- حين يسمح له بقول ما يشاء بدون مراجعته

3- حين يُصرح أمامه بصفاته الحسنة الفاقدة النظير

4- حين ينوه أمامه بان من المستحيل أصلاح المعوج فيه

5- حين يختلف والداه أمامه على أمور تتعلق به

6- حين يحتقر والده والدته أمامه وتحتقر الوالدة الوالد

7- حين لاينتبه الوالدان إلى الأصدقاء الذين يعاشرهم ابنهما

8- حين يبقى الولد بلا رقيب في أوقات العطلة

9- حين يُعاقب الولد على سخافة ارتكبها ويصرف النظر عن رذائله

10- حين ينتصر له والداه أذا عاقبه أساتذته في المدرسة

فما رأيكم بالدلال الزائد للأطفال؟؟؟؟؟

انا ضد تمام الدلال للأولاد لانه للاسف بيخرب العقول الناميه وبينشىء جيل غير حامل للمسؤوليه

اكيد دور الام والاب كتير مهم بالمراقبه والانتباه للتصرفات الغريبه ومعالجة الموضوع دون اللجوء للمشاكل وضع الاتهام على كل من الطرفين

كل شي بيزيد عن حده بينقلب ضده

موضوع كتير مهم اسلوب تربية الاطفال

انا معك انو النقاط الي ذكرتا من اهم عوامل افساد الطفل

اقتباس

حين يُعطى كل ما يطلبه فلا يتعوَد على ضبط النفس.

لازم الطفل يعامل باعتدال من هالناحية يعني ما نحرمه من الاشياء الي بحبها مشان يحس باهميته عند اهله بس بالمقابل يتعود انو مو كل شي بيطلبو يحضر فورا
احيانا كتير الاطفال بيصرو على لعبة معينة مثلا وبيصيرو يبكوا ويصرخو .....انا هون برأيي لازم الاهل ما يجيبو هاللعبة للطفل ويعودو انو مو كل ما بكيت وصرخت بيتلبى طلبك لانو بتصير هي نقطة ضعف للاهل بنظر الطفل وبيصير يستغلها ......الاهل ما لازم يسمحو للطفل يستغلن ويفرض عليهن رغباته لانو الطفل اذكى مما بنتوقع و اذا اكتشف انو اهلو ام بيقدرو يرفضولو طلب اذا شافو عم يبكي
بيستعمل هاد الاسلوب  لتحقيق رغباته

وبوقت لاحق مثلا بعد ما يقتنع الولد انو مو قادر يفرض سلطتو ويحقق الي بدو ياه بالصراخ والبكاء
بيفاجئو بهدية مثلا وهيك بحس بمحبة اهلو الو وحنانن بس بنفس الوقت بيعرف حدوده

اقتباس

2- حين يسمح له بقول ما يشاء بدون مراجعته

هلا انا بعتقد انو كتير مهم الطفل ينعطى مساحة للتعبير عن نفسه ولازم يقول كل شي بيخطر على بالو بس بيتصحح الشي الي قالو اذا كان غلط بس اهم شي مو قدام العالم مشان ما يصير عندو ازمة بثقته بنفسو يعني التوجيه يكون بين الاهل والطفل اما هدول الناس الي بيكبتو الطفل او بيضربو قدام الناس بسببو عند الطفل مشكلة بالثقة وبيصير الطفل خجول وغير قادر مستقبلا على التعبير عن نفسه

اقتباس

3- حين يُصرح أمامه بصفاته الحسنة الفاقدة النظير

انا بشوف انو لازم الاهل يمدحو الطفل ويذكرولو صفاته المنيحة قدامه بس مو بطريقة مبالغ فيها او طريقة تصير تحسسه بتفوقه على الآخرين بالمعنى السلبي


والي رجعة تانية للموضوع ولبقية النقاط

الله يعطيك العافية عزيزي ميدو مواضيعك تستحق الاحترام

مرحبا

أنا بصراحة ضد الدلال للولد 

ومستحيل فكر دلل الولد ولما بشوف هيك ولاد وكيف عم يتدللو على أهلهم بطريقة غليظة كتير عنجد بتضايق كتير     وبشتهي عيط عليهم

لأنو ماكان ناقصنا غير الصغار يتحكمو فينا و للأسف كل هالجيل الطالع

مدلل زيادة ومافينا نعتمد عليه بشي.

دور الأهل كتير كبير بهالنقطة ولازم ينتبهولها منيح

و أنا برأي قليل من الشدة مع الأولاد بيطلعهم مرباين أكتر (طبعا مابقصد الشدة الفظيعة يلي بتخلي الولد مكبوت وماعم يقدر يقيم إيدو عن رجلو بدون أهلو)

مشكووووووووووووور ع الموضوع الحلو

الله يسلم إيديك لأنو الفكرة يلي طرحتها كتير مهمة ولازم ننتبهلها منيح


تقبل مروري

             

أطلالة رائعة  lodeee

فعلاً دور الوالدين لازم يتمحور حول تربية الولد


و تعليمة أصول دينه و أيضاً العطف و الرفق به


بعيداً عن الدلال الزائد الذي يجعل من الولد


طفيلي يعتمد على والديه في كل حاجلته

منورة ميس

ردودك مميزة


مو متل كل الردود


بحسك بتهتمي لكل موضوع بتردي عليه


شكراً على الأضافات الجميلة يلي أغنت الموضوع


    مع حبي    

منورة الموضوع أميرة سورية


ذكرتيني بدرس قراءة بالمرحلة الأبتدائية


يتصور كان معنون بْْْْ{ رفقاً بالقوارير} 


و القوارير كانت هي الأطفال الصغار يلي لمى بينشعروا


يعني بتنجرح مشاعرهم بالصغر صعب يصلحوا


و أنا بشبه الدرس للفكرة المطروحة بالموضوع


يعني لما نعلم أولادنا الأعتماد علينا بالصغر صعب


يعتمدوا على نفسهم في كبرهم

مرحبا medo2020
يعني هذذ الموضوع حلو ولازم نطرق الو عاجلا ام اجلا لانو كلنا ان شاء الله راح نصبح اهل لاطفال
اما بالنسبي لدلال الاولاد فأني بعتقد انو وضع الطفل هو بيفرض على الاهل يدللو أو لا مثل الطفل الوحيد
واني ما بنافي تدليع الاطفال و تليلن طالما انو هالشي ما بيضر فيهن

تحياتي  haitham_shirazi


الموضوع بحاجة لشوية دقة


أي التدليع مطلوب في بعض الأحيان أو اذا ممكن نسميه


غريزة الوالدين نحو العطف على أولادهم


بس لازم نحد من هالغريزة شوي


لأنو بس نعبي الكاس مي زيادة بكبب و بطوف المكان



أي ما زاد عن حده أنقلب ضده