معلش أنا هلأ قرأت الموضوع..
وعفكرة قرأت بموضوع كشف الوجه للتعريف ومافيه شي أبدا..أنا منقبة ولما حدا بده يتعرف على هويتي بشي مكان حكومي بكشف وجهي وبكون أبي واقف جنبي ومافيها شي..

بالعكس هو عدم كشفنا لوجه عند ضرورة التعريف هو يلي عم يخلي الشبهات تصير حول المنقبات..

أنا مو ضد كشف الوجه للتعريف بس لما مراقب بيجي مثلا فوق راسك وقت الامتحان وقال شو بده يتأكد من البطاقة الجامعية وبوقف 10 عم يتفحص الصورة..هاي حقارة..

بس معلش توضيح ليللي قلته قبل شوي..علماء قالو سنة وعلماء قالوا فرض..ولا يجوز التحريم في موضع اختلاف ..يعني ما حدا رح يقنع حدا..

ولو كان النقاب عادة ..كل واحد إله حرية الاتزام بالعادات والتقاليد وانتهى الموضوع..

النقاب مو ظاهرة..
النقاب حرية

العري ظاهرة ممكن نقول سلبية مو النقاب..
وأنه نقول والله في ناس مجرمين بيتخبوا ورا النقاب ..لهيك النقاب عاطل..
غلط


بدهن يتخبو يتخبو ..فيه مية طريقة ممكن الواحد يتنكر فيها..إن شاء الله كل ما مجرم تنكر بزي بدنا نقول حرموا هالزي!!!

ما بعرف يعني أنا عندي حكي كتير بس مو فهمانة لشوبدكن توصلو بالضبط

اقتباس

أعتقد من يخاف على العفة والشرف فليضبط سلوك الرجل  فالمرأة الفتنة  بحاجة لرجل فتنة كذلك  ،ما أردت قوله  من يخاف على الشرف والكرامة فليؤدب الرجال  ويمنعهم من النظر لوجه المرأة أو جسدها  فلماذا تتحمل المرأة وزر ذلك بمفردها 

والله رب العالمين بخاف على عفتنا..
ورب الالمين قال للرجال قبل النساء غضو أبصاركن..

اقرأ معي أخي الآية التالية ولاحظ أنه رب العالمين خاطب الرجال أول..


"قل للمؤمنين يغضو من أبصارهم ويحفظو فروجهم ذلك أزكى لهم إن الله خبير بما يصنعون* وقل للمؤمنات يغضضن من أبصارهن ويحفظن فروجهن ولا يبدين زينتهن إلا ما ظهر منها وليضربن بخمرهن على جيوبهن.."

هيك الله قال..بس أنه المجتمع ما عم يغض البصر هاي بقا كل واحد من حاله..أنا بتعامل مع شباب والله مع نقابي ما بتحاكيني إلا وعينها بالأرض..بس للرجال يلي ما بغضو بصر..بقلهن اطلعو لتشبعو يعني شو رح تشوفو مني..

أنا مافيني اضمن كل الرجال بغضو بصر..لهيك آخدة احتياطي..وصلى الله وبارك