[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الأقسام العامة ساحة كلية الصيدلة --> المواضــيــع المتمــيزة
    بتبقى ذكرى ما بتنتسى..
عنوان البريد :  
كلمة المرور :  
                    تسجيل جـديد


صفحة 1 من 7  1 2 3->

.بتبقى ذكرى ما بتنتسى..


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

بتبقى ذكرى ما بتنتسى..

23-03-2010 09:43 PM




السلام عليكم ورحمة الله..

يا جماعة الخير..
بدي نزل موضوع... بس مالي عرفانة شو بدي نزل.. ولا شو بدي احكي

بصراحة المنتدى صار لازمو مواضيع خصوصي لنحس إنو نحنا بني آدمين إلنا روح ولازم نروح عنها مو نقضيها هم ونكد ودراسة.. وصيدلة..

ومالي عرفانة شو بدي اكتب.. رح طئئئئئئئئ.. وين أيام المنتدى؟؟؟.. أيام كنا نتشوق بس لنشوف لون صفحة المنتدى أول ما تفتح.. ودغري عقسم الصيدلة وحلاوتو....
يرحم هديك الأيام..


بدي فش خلئيييييييييي  ... رح موووت من الملل..
وين أيام وين الهمة سنة تانية.. يرموك مزة أوتوستراد.. كليتنا حلوة بلا بنات.. حكاية القرود الخمسة..أبو القاسم الطنبوري يجد حلاً لحذائه في كلية الصيدلة.. وهلم جر
ولك آآآآآآآآآآآآآآآآخ......  آآآآآخ.. وينكن يا جماعة الصيدلة..
بلسم الآلام .. وين اختفى نورك ومشاغبتك.. عمو وسيم ولك شو صايرلك.. والله كان إلك كل نهفة وكل حضور أحلى من التاني .. وين متخبي ورا الإشراف؟.. آيرون مان.. مشرفنا الأول .. وين صولتك وجولتك؟فارماسي ( ألف مبارك)     .. وين مقالبك ومشاركاتك؟.. هارت ليس.. شو كل هالئد منهاجنا صعب حتى مو مبينة وحارمتينا إنسك .. لموش .. لعيون ميسي .. شو آخدك برشلونة منا ؟.. وكمان محمد "المشرف".. كنت عاطي الجو الوطني للمنتدى ... ORA  .. الكل..
ولك وينكن كلكوووون؟... والله وبكل صراحة اشتأت وحنيت لهديك الأيام   .. أيام العفوية والجو المميز اللذيذ يلي كنتو خالقينو..
شو عملت الدنية فيكن.. اللي غاب.. واللي ما عاد شارك غير بإثبات وجود الاسم.. واللي واللي واللي..
********************
مابعرف شو بدي احكي.. بس المهم إني نزلت موضوع وفشيت خلئي.. 
وفكرت بأيام الماضي بصوت عالي.. وحبيت شارككن بأفكاري..

بس أكيد هالشي ما بينسينا روعة وجود الأعضاء الجدد (نسبياً).. وياريتن شاركونا أيام الماضي لكانت أحلى..
*******************

وهي موضوع جديد انضاف لأرشيف وصفحات هالمنتدى...واعتبروها فشة خلئ   






اللهم أكرمنا بنور الفهم، وافتح علينا بمعرفة العلم، وسهّل أخلاقنا بالحلم ، واجعلنا ممن يستمعون القول فيتبعون أحسنه.

شاركنا بمشروع الترجمة الجماعي لطلاب الصيدلة.. من خلال صفحة الموقع
تنسيق الترجمة التعاونية للموسوعة التقنية الصيدلانية


ملفاتي المنتهية: الاستشراب الغازي
                            الدوارئ
                            أخطاء المداواة                     


أنت غير مسجل لدينا.. يمكنك التسجيل الآن.

مشاركة : 2


نور الهداية

عضــو فضـي





مسجل منذ: 22-03-2009
عدد المشاركات: 1859
تقييمات العضو: 374
المتابعون: 47

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 11:02 AM




الغالية نانون

   

والله حسيت كلامك طالع من صميم قلبك

بس الدنيا هيك دائماً يوم مشرق و يوم مظلم و إذا بتتأملي خلق الله في الكون بتلاقي إنو التقلب سنة كونية يعني الليل بجي بعده نهار و الشتاء بجي بعده صيف .................الخ

و كمان مشاغل الدنيا كبيرة
والله الواحد بتمر عليه أيام بحس حاله متل الآلة اللي عم تشتغل ليل نهار بدون راحة أو ترويح عن النفس
بس أكيد الثمرة مستحيل تضيع...........

يلا يمكن هالموضوع يرجع يحرك الأعضاء شوي........

بس ما عرفت ليش عم تباركي لفارمسي


اقتباس
بس أكيد هالشي ما بينسينا روعة وجود الأعضاء الجدد (نسبياً)..

مافهمتها هي ( نسبياً )!!!!!!!!
يعني نحنا رائعين نسبياً؟؟؟؟؟؟؟؟






الحياة مليئة بالحجارة فلا تتعثر بها، بل اجمعها و ابنِ بها سلماً تصعد به نحو النجاح.....

لا تنحنِ لأحد مهما كان الأمر ضرورياً، فقد لا تواتيك الفرصة لتنتصب مرة أخرى.....

إن الموت ليس هو الخسارة الكبرى، الخسارة الأكبر هو ما يموت فينا ونحن أحياء.....

مراقبة الألم من وراء الزجاج شيء مضحك كالأطرش الذي يسمع موسيقا.....

إذا كان البحر هادئاً فإن السفن كلها تظهر براعة في الإبحار..
وإذا كان النجاح رخيصاً تخلى عنه أصحابه..
وإذا كان الجميع حولك ناجحاً فأين تميزك؟!




الأمل

تلك النافذة الصغيرة التي مهما صغر حجمها إلا أنها تفتح آفاقاً واسعة في الحياة...

تلك النافذة التي من خلالها يدخل إلى قلوبنا نور التفاؤل ليضيء لنا الدروب المعتمة التي قد تخلفها نوائب الدهر...






أنت غير مسجل لدينا.. يمكنك التسجيل الآن.

مشاركة : 3


pha*Hanan

عضــو فضـي





مسجل منذ: 30-06-2009
عدد المشاركات: 1071
تقييمات العضو: 0
المتابعون: 20

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 03:44 PM





اقتباس
عمو وسيم ولك شو صايرلك.. والله كان إلك كل نهفة وكل حضور أحلى من التاني


       
لك حتى أنا عم اتخانق مع رؤى وخايفة يطردني   


اقتباس
آيرون مان.. مشرفنا الأول

هي معلومة جديدة ماكنت أعرفها



اقتباس
وياريتن شاركونا أيام الماضي لكانت أحلى..


شكراً نانون 

نشالله المنتدى يرجع متل ما قلتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


بلسم الآلام

عضــو فضـي

كن جميلا ً ترى الوجود جميلا....




مسجل منذ: 14-11-2008
عدد المشاركات: 1112
تقييمات العضو: 21
المتابعون: 16

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 05:49 PM




السلام عليكم

والله يا أم النيه زكرتينا بأيام قديمة كتير

وكمان إنتي مازكرتي حالك والله كمان كان إلك وجود كتير حلو بس اختفى فجأة

بس متل ماقلتي هو المنتدى صاير بصراحة بملل يعني كلو دراسة يعني صارو الأعضاءيطلعو من المنتدى ليروحوا عن نفسون بعكس أيام زمان كانو الأعضاء يدخلو عالمنتدى ليروحوا عن نفسون بس طبعا الأعضاء الحاليين ماشاالله عنهم والله قمة بالإبداع والروعة الله يوفقهم جميعا

سلااااااااااااااااااااااااااااام       




الحزن: عالمي المتجدد

الانتظار: أملي المتبدد

الدموع: ملجأي المتردد


السعادة: لا أبحث عنها

الكراهية:لايوجد أكره منها

المحبة: سعادتي التي أبحث عنها


التسامح:نقطة ضعف أحيابها

الذكرى:نقطة ضعف أموت بها

الصداقة:فرحتي الوحيدة بها 

الصمت:راحتي وسعادتي التي أظهربها


ربي الرحمن الرحيم: من عنده كل شيء في حياتي :حزني وسعادتي فرحتي ومسامحتي حبي وكراهيتي دموعي وبسمتي فكل شيء من عنده هو خير لي
   
قال تعالى: ((وأنه هو أضحك وأبكى * وأنه هو أمات وأحيا))

أنت غير مسجل لدينا.. يمكنك التسجيل الآن.

مشاركة : 5


phmab

عضــو فضـي





مسجل منذ: 04-02-2008
عدد المشاركات: 1215
تقييمات العضو: 368
المتابعون: 59

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 07:09 PM




والله معك حق ...

مرت أيام كنت فوت عالمنتدى كل نص ساعة مشان شوف شو في شي جديد ...

هلأ بتمر 5 أيام وما بيتحرك ولا موضوع بالمنتدى ,,,,,,,,

ايه ....

شو بدنا نساوي ... !؟؟





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 07:37 PM




نور الهداية... والله إنتي الغالية..
أي والله يا نور.. هالكلام طالع من صميم صميمو للقلب.. لو ما كان هيك ما كنت كتبتو..

اقتباس
و إذا بتتأملي خلق الله في الكون بتلاقي إنو التقلب سنة كونية

بس لإيمتى ؟.. يعني هالوضع والله صار له زمان.. منقول الترجمة ما إلنا غنى عن مواضيعها.. بلشت الدراسة.. لازمنا مواضيع للمواد... إجا الويكي .. ما بيصير ما نخبر عنو... طيب وغير هيك؟.. ليش انتسى شي اسمو حياتنا العادية.. بعيداً عن صخب الدراسة.. كان في مواضيع مع إنها إلها علاقة مباشرة بالكلية بس كانت طريقة النقاش والأفكار المطروحة غير...وحتى في مواضيع كانت تخصنا كبني آدمين ونقاشات حلوة وسؤال وجواب..  يعني كان في شي نلجأ له لما نحس بملل الدراسة.. بس هلأ لأ.. هلأ دراسة المنتدى أصعب من دراسة الجامعة..
وبيبقى نفس السؤال.. لييييش هيييك عملنا بحالنا؟؟؟؟؟

اقتباس
مافهمتها هي ( نسبياً )!!!!!!!!
يعني نحنا رائعين نسبياً؟؟؟؟؟؟؟؟

لاااااا.. الله يسامحك مو هيك قصدت... هي الـ نسبياً عائدة لكلمة جدد مو لكلمة رائعين.. يعني مع إنكن أعضاء من فترة طويلة إلا إنكن ما كنتو بهديك الفترة.. مشان هيك قلت جدد نسبياً..  لكن الروعة هي بتلبقلها كلمة روعة مُطلقة...
حبيبتي ما تقليلي هلأ مين هي روعة المطلَّقة 

انبسطت كتيير بمرورك نور خانم .. وان شاء الله عنجد يرجع يتحرك المنتدى بحركتو القديمة..
#@#@#@#@#@#@#@#@#@#@#@#
الآنسة حنون .. والله شرفتينا ..

اقتباس
لك حتى أنا عم اتخانق مع رؤى وخايفة يطردني

    مين يطردك؟؟.. وسيم؟!!  
لااا .. وكلي الله... الله يسامحك والله وسيم ما في أطيب منو.. بس هالكم يوم (كم أسبوع) عم يجرب التقل... بس طولي بالك إلا ما يعقل  ويرجع لطبيعتو..

وبالنسبة لآيرون مان.. كان مشرف متميز بكل معنى الكلمة ولما صار النشاط كبير بالصيدلة رشح معو محمد .. بعدين مدري ليش ترك الإشراف.. وبالتالي محمد رشح معو وسيم.. وهيك صرنا متل ما نحنا هلأ.. "هدا التاريخ الإشرافي"

تونسنا بطلتك البهية خانم.. موفقة..
#@#@#@#@#@#@#@#@#@#@#@#

الغالية بلسمو .. مليون أهلا ومليون سهلا ومليون يقولو للمليون التاني مرحبا..
إييه يا بلسم.. كانت أيام ما عرفنا روعتها لمرقت وراحت.. بس إن شاء الله تنعاد ولو كان بوجوه وأعضاء جديدة بالإضافة للقديمة.. لأنو كلن مميزين وكلن عندن إبداع متل ما قلتي.. بس حبيت اذكر الماضي مشان الكل يعرف شو كان منتدى الصيدلة وكيف كان جوه.. وإن شاء الله بيصير أحلى..

اقتباس
صارو الأعضاءيطلعو من المنتدى ليروحوا عن نفسون

يحرء حريشك يابلسم.. والله ضحكتيني..
بس ملعوبة    
نورتينا خانم.. 
#@#@#@#@#@#@#@#@#@#@#@#
شكراً لمروركن جميعاً.. هيي بالنهاية متل ما ذكرت.. مجرد فشة خلئ.. وإن شاء الله يكون إلها صدى
لكم تحيتي واحترامي..





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 07:47 PM




أهلا وسهلا فيكي مها..

اقتباس
مرت أيام كنت فوت عالمنتدى كل نص ساعة مشان شوف شو في شي جديد ...

هلأ بتمر 5 أيام وما بيتحرك ولا موضوع بالمنتدى ,,,,,,,,

والله نفس الحالة... كنت حتى إذا فاتحة المنتدى ما اتزحزح ولا ارضى افصل الخط وكأنو عندي شي كتير مهم.. لأنو فعلاً بين لحظة والتانية ممكن تصير شي شغلة جديدة..
بس هلأ.. والله لو بغيب أسبوعين ما بشتاء للجو أو المواضيع .. لكن الصراحة.. بشتاء بس للأعضاء..
شكراً لمرورك آنستي.. نورتينا
**************************

يا جماعة في عضو واحد نسيت إني اذكرو.. وعنجد قلة زوء مني إني نسيتو.. هالعضو هو FARES..
كان أكتر عضو متألق صاحب أكبر عدد من المواضيع المميزة والمشاركات الغنية سواء داخل أو خارج الصيدلة.. كنت كلما فوت عموضوع لاقيه رادد قبلي برد وازن.. وكمان التاني فجأة انطفى.. لييش؟؟.. والله مالي عرفانة.. مع إنو عم يفوت عالمنتدى بس ما عم يشارك .. والله إلك حضور متميز فارس.. لا تحرمنا منو





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


pha*Hanan

عضــو فضـي





مسجل منذ: 30-06-2009
عدد المشاركات: 1071
تقييمات العضو: 0
المتابعون: 20

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 09:01 PM




شكراً نانون

أنا بعرف كل شي قلتيه بس عم امزح   

وشكراً عاللمحة التاريخية الموجزة 

بصراحة مع احترامي للكل حسيتكن مزودينها حبتين   

مو لهدرجة المنتدى واقف بالعكس

وأنا كل نص ساعة بفوت ويادوبني ملحقة

ما بعرف   





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

24-03-2010 09:11 PM





اقتباس
بصراحة مع احترامي للكل حسيتكن مزودينها حبتين   

مو لهدرجة المنتدى واقف بالعكس

المنتدى مو واقف .. بالعكس بقمة نشاطو.. بس كلها مواضيع علمية بحتة ومتعبة بصراحة.. حتى إذا في موضوع مغاير بيكون عن آخر إنجازات العلم.. يعني ما بعرف في شي مفقوود بروح المنتدى وجوّه..


اقتباس
وأنا كل نص ساعة بفوت ويادوبني ملحقة

إذا هلأ هيك.. لو كنتي قبل وبوقتها شو كنتي عملتي؟.. يمكن الحكي غير الشوف (متل ما بيقولو)...
وعفكرة.. يمكن لأنو بوقتها كنا جداد عهالجو ولقينا الوضع بقمة روعته مشان هيك اتاخدنا زيادة.. وهلأ تعودنا عليه من جهة ومن جهة تانية خف جمال المنتدى.. فصار الوضع مش ولا بد..

وكمان أنا ما بعرف!!





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


HaSSaN))

عضــو فضـي

ليتنا مثل الاسامي لايغيرنا الزمن




مسجل منذ: 20-09-2009
عدد المشاركات: 1275
تقييمات العضو: 0
المتابعون: 11

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

25-03-2010 06:05 PM




مساء الفل

هلأ أنا سنة أولى وماشالله كلكن من سنين متقدمة وهي أول مرة بشارك مع الكبار


اقتباس
هلأ بتمر 5 أيام وما بيتحرك ولا موضوع بالمنتدى ,,,,,,,,


لا والله ..... هلأ بيجوز بغير ساحات بس عنا بالسنة الأولى يخزي العين   .... روحو شوفو عدد الردود  والزيارات وقارنوها بساحات سنين تانية بتنصدمو

هلأ أنا مو شاطر كتيييييييييير ... ومالي مكرب... بالعكس بحب الضحك والنقاش العام والفرفشة بس ليش كل هلأد مزعوجين من العلم والدراسة

الدراسة ممكن ينمل منها...ممكن أكيد ....بس العلم والثقافة لا غنى عنهم أبد وبالعكس كتيييييييير شي حلو أنو طلاب جامعة عبيتناقشو بشي علمي حديث وكمان بالإضافة للمرح وعدم النكد

ما بعرف إذا فهمتو قصدي ......يعني فينا نحافظ علتنين سوا بدون ما نلغي حدا منهن

طولت عليكن ولعيتلكن ألبكن بس قريحتي مفتوحة للغر

سلام




من لا يقبل بي كحلا لعينيه .. فلا أقبله نعلا لقدمي
...   ...
وليعلم إن كان أنفه فوق النجوم .. فإن النجوم تحت قدمي


أنت غير مسجل لدينا.. يمكنك التسجيل الآن.
صفحة 1 من 7  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة