[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الأقسام العامة ساحة كلية الصيدلة --> المواضــيــع المتمــيزة
    بتبقى ذكرى ما بتنتسى..
عنوان البريد :  
كلمة المرور :  
                    تسجيل جـديد


صفحة 3 من 7 <- 1 2 3 4 5->

مشاركة : 21


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

25-03-2010 09:26 PM




أهلين بالأمورة رغد (على قولة طيور الجنة)..

اقتباس
مسدئين الصيدلة زيادة وحاملين السلم بالعرض

شايفة بالله.. هو أكيد هنن قد هالحمل وبيلبيقلن.. بس يعني طولو بالكن.. شي منو ولا كلو.. يعني لو شو ما صرنا منتم بني آدمين.. مو؟

اقتباس
لهيك ماعاد حبيت شارك منووب

طولي بالك.. إذا كل واحد بدو يبطل يشارك.. فسلامتك.. خرب المنتدى.. ما مشاركاتك بتحليه.. ولو.
أحلى تحية للكبيرة رغد.. ع راسي حارتك..

$&$&$&$&$&$&$&$&$&$&$&$&$&$&$&

مين.. نور الهداية.. وعم قول هالموضوع كلما له عم يحلو.. تاري الحجة نور شخصياً هنا..
هلا ومراحب..

اقتباس
لاااااااا
مو معقول مخي سميك لهالدرجة و ما أعرف شو يعني روعة مُطلَقة!!!!

لا طبعاً مو سميك لهالدرجة الله يسامحك.. كلمة سميك ما بتكفي...
والله عم امزح معك.. أرق من النسيم ما شاء الله وكان..

اقتباس
شو رأيكم إنو نهى خانم  ( كونها المعارضة الأولى  ) تفتح موضوع متل الموضوع الموجود بالمنتدى العام اللي بعملوا فيه أسبوع لكل عضو و بسألوه أسئلة تعرف عن شخصية صاحبها أكتر و يكون هاد الموضوع  خاص بعيلة الصيدلة؟؟؟؟؟؟؟

والله يا نور أنا مو خرج أعمل هيك شي.. لأنو استقبلوني هنيك .. فمو حلوة نلطش الموضوع.. ما بعرف إذا حابين الفكرة بلشي فيها نور وهيك بيكون إلك حق الصيانة من هالمقلاية (متل ما عمل صاحب هداك الموضوع..د.ماجد)..
وحتى لو ما كان نفسو.. المفروض نبتكر شي جديد.. ولا شو؟

اقتباس
بس على شرط إنو تكون الأسئلة معقولة ( مو متل الأسئلة اللي بهداك الموضوع  )
( بس أنا لا تدخلوني بالموضوع  )

أي نور.. يعني بسألك.. جاوبي بصراحة.. كم صفحة تركتيها بدون دراسة الفحص الماضي؟
شو المواد اللي بتتمني تكون موجودة بالمنهاج..
عطينا شي مقال علمي لفت انتباهك..
مو هيك؟؟؟؟؟؟؟؟؟؟؟؟؟؟؟
أي لأ حبيبتي.. إذا بدو ينعمل هيك موضوع المفروض يتجاوب عكل الأسئلة.. وكل سائل وضميرو.. أيوا..
وصدقيني إذا بينعمل هيك شي لحطك أول وحدة.. وبتقولي نانون قالت... مو مشان شي.. بس مشان الكل يعرف شخصيتك الحلوة..
لا تواخذينا إذا تقلنا العيار بالمزح.. بس والله كلو من المحبة.. نورتينا آنستي..

$&$&$&$&$&$&$&$&$&$&$&$&$&$&$&

نسرين هنا.. لا أصدق عيناي..
والله تعطر وتبارك الموضوع.. أهلا وسهلا بالغالية..

اقتباس
صراحة أنا هالحقبة الزمنية يللي عم تحكي عنها (حذاء الطنبوري - ........) ما بوعاها.....يمكن لما أجيت أنا أجا النكد والهم 

له الله يسامحك.. إنتي الأصل ولو.. بالعكس إنتي اللي بتحلي القعدة..

اقتباس
وكمان لما تقرروا مشوار العمر (برئاسة نهى & رؤى) يللي ما كان يتقرر كمان أنا معكن ......
والله ما كنت عرفانة إنو عم تستنوني .. مع إنو رؤى قالتلي بس فكرتها كلمة وبتنقال..
بس مشاريع على مستوى المنتدى.. صار بدها تفكير.. حركولي حالكن صيادلة.. بدنا الجانب الآخر من شخصيتكن.. بدنا ألوان جديدة بالمنتدى.. ورجونا الإبداع..
وكمان فكرة.. حاولوا لا تحصروا كل شي من نفس النوع بموضوع واحد.. يعني الشعر كلو بموضوع.. والنقاشات كلها بموضوع.. خلوها مفردة مشان الواحد ينتبه لكل جديد أحسن...


اقتباس
ونسيت ذكرك يا فاقسة أني قايلتلكن من قبل الفصل التاني تحضرولي يوم أعزمكن فيه على قالب كيك أو صينية تارت ....... بس يا فاقسين ما حدا حددلي يوم وردلي خبر وكل ما قول لحدا بيكون الجواب (منشوف)!!! 

والله ما رح دفعكن حق شي......عزيــــــــــــــــــــــــــــــــمة

ههه.. الله يسامحك.. قلك إيمتى.. التلاتا الجاية قولاً واحداً.. صدقيني أزبط شي لأنو كل تلاتا عم نشوف الكل وكلو بيكون عندو فراغ..

اقتباس
شو هالمخ السميك هاد!!! مبينة يعين هي وحدة اسمها روعة المسكينة اتطلقت بدون سبب.........

أي لأ... خزيت العين حولك يا نسرين.. كيف فهمتيها.. مو معقول سرعة البديهة عندك (الله لا يعدينا)
والله انبسطت بحضورك عزيزتي.. كل يوم شرفينا..

الحمد لله إنو الموضوع لقى قبول.. مع إنو كان مجرد تعبير عن مشاعر مكبوتة.... وإن شاء الله نلحظ التغيير ..





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 22


بلسم الآلام

عضــو فضـي

كن جميلا ً ترى الوجود جميلا....




مسجل منذ: 14-11-2008
عدد المشاركات: 1112
تقييمات العضو: 21
المتابعون: 16

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

25-03-2010 09:42 PM




السلام عليكم

ماشاالله شغال الموضوع تمام

     

ها هيك أنا وعيت إنو أعضاء الصيدلة كلون حركين وروحون مرحة


اقتباس
التلاتا الجاية قولاً واحداً.


بعدين نهى خانم مسدئة حالك حبيبتي أصلا نسرين مابتعمل عزيمة بدون ماكون موجودة أناوشلة المراوي تبعي موهيك نسرين ونحنايوم التلاتا عنا عملي من 11 لل5 بس منخلص عالساعة 3 بئا مادخلني زبطوها بوقت مناسب      

ومشان فكرة نور الهداية حلوة كتير وانا من هلأ برشح نور الهداية    


وطبعا فينا نجمع بين المتعة والفائدة بهالمنتدى يعني أنا بصراحة ماحسيت إنو المنتدى صار بملل غير لما خلصت ترجمة قسمي لأنو ماعد في شي يجذبني لدخول المنتدى بعد ما خلصت ترجمة

المهم تبقى علية الصيدلة متل ماعرفناها دائما

سلاااااااااااااااااااااااااااام ياحلوين                          





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 23


golden pill

عضو ذهبي


~* اغتنم خمساً قبل خمس *~




مسجل منذ: 11-02-2009
عدد المشاركات: 2456
تقييمات العضو: 102
المتابعون: 19

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

25-03-2010 10:04 PM




يللا لنقلب الموضوع لموضوع خطط العزيمة....




اقتباس
بعدين نهى خانم مسدئة حالك حبيبتي أصلا نسرين مابتعمل عزيمة بدون ماكون موجودة أناوشلة المراوي تبعي موهيك نسرين ونحنايوم التلاتا عنا عملي من 11 لل5 بس منخلص عالساعة 3 بئا مادخلني زبطوها بوقت مناسب



طبعاً حبيتي ما بيصير شي بدونكن ولو كمان نسيتي (رؤى، هيما، كوكي، ريمي، رنا، طوق الياسمين،,سلام ، آية الرحمن,,,,,,,,,,,,,,,,,,) وأكيد رفقاتي.....



بس عملوها قبل الـ 11 شو رأيكن؟؟؟ نحن لها....
-----------

ييييييي......شو أني خرفانة!!!!!


لك بيجوز يكون في تدريب عالويكي بهالوقت....والله نسيت.....خلص حددوا وقت تاني..






ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 24


نور الهداية

عضــو فضـي





مسجل منذ: 22-03-2009
عدد المشاركات: 1859
تقييمات العضو: 374
المتابعون: 47

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

25-03-2010 10:54 PM





اقتباس
مين.. نور الهداية.. وعم قول هالموضوع كلما له عم يحلو.. تاري الحجة نور شخصياً هنا..
هلا ومراحب..

والله خرج نحطك بال reception بشي فندق تبع النجمتين بقوم بصير خمس نجوم من كتر ما رح يجيه زباين من ورا استقبالك
   
عم امزح ها... و شكراً لاستقبالك الرائع

اقتباس

اقتباس
لاااااااا
مو معقول مخي سميك لهالدرجة و ما أعرف شو يعني روعة مُطلَقة!!!!

لا طبعاً مو سميك لهالدرجة الله يسامحك.. كلمة سميك ما بتكفي...
والله عم امزح معك.. أرق من النسيم ما شاء الله وكان..


منيح إنك رتيتيها بعدين و إلا كنت


اقتباس
والله يا نور أنا مو خرج أعمل هيك شي.. لأنو استقبلوني هنيك .. فمو حلوة نلطش الموضوع.. ما بعرف إذا حابين الفكرة بلشي فيها نور وهيك بيكون إلك حق الصيانة من هالمقلاية (متل ما عمل صاحب هداك الموضوع..د.ماجد)..
وحتى لو ما كان نفسو.. المفروض نبتكر شي جديد.. ولا شو؟

لأ حبيبتي... الله يرضى عليكي أنا ما بنزل هالموضوع

اقتباس
أي لأ حبيبتي.. إذا بدو ينعمل هيك موضوع المفروض يتجاوب عكل الأسئلة.. وكل سائل وضميرو.. أيوا..
وصدقيني إذا بينعمل هيك شي لحطك أول وحدة.. وبتقولي نانون قالت... مو مشان شي.. بس مشان الكل يعرف شخصيتك الحلوة..

لأ معلش بلا ما حدا يعرف هالشخصية الفذة و خليني وراء الستائر أحسن....

اقتباس
لا تواخذينا إذا تقلنا العيار بالمزح.. بس والله كلو من المحبة.. نورتينا آنستي

ما قلتلك إنك فنانة بالترحيب
خرج نعطيكي شهادة دكتوراه بالترحيب و بلاها شهادة الصيدلة اللي رح تاخديها....
والله شايفة انا اللي تقلت معك بالمزح
بس والله كلو من المحبة...نورتينا آنستي....................

اقتباس
ومشان فكرة نور الهداية حلوة كتير وانا من هلأ برشح نور الهداية

لا بلسومة... الله يرضى عليكي رشحي حدا تاني





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 25


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

25-03-2010 11:01 PM




ياجماعة والله بدي رد عليكن بس عنجد خلص كازي أنا التانية..
وخصوصي إني بعد ماكتبت رد على 3 ردود تسكرت الصفحة لحالها وطاروا.. ولي عالحظ..

بس والله كلها مشاركات بتنحط عالراس وبتنكتب بالدهب..
والموضوع إنتو صحابو وخدو راحتكن فيه
إن شاء الله إلنا رجعة بس مو اليوم..
وأهلين فيكي نور





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 26


HaSSaN))

عضــو فضـي

ليتنا مثل الاسامي لايغيرنا الزمن




مسجل منذ: 20-09-2009
عدد المشاركات: 1275
تقييمات العضو: 0
المتابعون: 11

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

25-03-2010 11:30 PM




مراحب



اقتباس
و هنا أتوجه لطلاب الأولى...!!!!!!!

يعني أنتو فاضيين ما تنزلو مواضيع..؟؟؟؟؟؟؟؟؟

و للا عم تقولو أنكن صغار...!!!!!

بصراحة الصغير هو الذي يفكر بهذا التفكير...

مقياس الإنسان يا إخوتي علمه أولاً و فكره و نضج عقله ثانياً...

و ليس في أي سنة هو يدرس..!!!!!!!!

بقا اشتغلولنا بهالمنتدى الله يرضى عليكن..




اقتباس
شو مشان؟.. إن شاء الله مفكر حالك صغير؟.. أي والله أنا أحياناً بحس حالي أصغر من طلاب الأولى.. بس ما حدا صغير.. شو ما خلصت بكالوريا؟.. ما فتت عالجامعة؟.. أصبح wellcome to my world.. صرت كبير..


......أي والله كانت مزحة شبكن عصبتو علينا

بس ليش بتأولو أنو السنة الأولى ما بدها دراسة   أي والله رح جن لأنو عندي تقصير شي 300  صفحة(بكل المواد طيعا) وعبأركد وما لحق....أو ليش الكذب  والله ما عبيجي على بالي أفتح الكتاب بنووووووووووب بس انشالله أزمة وبتمر
.
.
.

اقتباس
وخلص يا سيدي بما إنك من محبي الفرفشة والضحك فورجينا مواهبك.. وكلنا جاهزين.. مابدنا الكل يستنى غيرو ليبلش.. حدا يشد الهمة والكل بيبدأ ساعتها...


والله ما فهمت شو بدكن نشتغل.......يعني نفتح مواضيع بالساحات العامة للتسلاية أو للشغلات العامة..بس المشكلة ما بنعرف حدا غير جماعتنا وموضوع تبع الشخصية مثلا مو حلوة نسأل مخلوقة ما بنعرف حتى أسمها مثلا (أيمتا طلعو سنانك....بأي شهر انفطمتي)..... بس إذا بدكن وصلني علميل نكت ماشي حالهنإذا بتحبو بحطها هون لكسر الحاجز  ......بس مو ظابطة مو هيك
.
.
.
منشان الرحلة تبعكن ....... حاسسها فاااااااااقسة من آخرها يعني

أجلوها لبعد الفحوصات إذا بدكن أحسنلكن   لأنو الأوقات كتير متضاربة بهالبرنامج العظيم
.
.
.

اقتباس
وخصوصي إني بعد ماكتبت رد على 3 ردود تسكرت الصفحة لحالها وطاروا.. ولي عالحظ..

معقول  صرتي سنة ما بعرف أديش (بصراحة لسا ما فتحت ملفك الشخصي ) وما اكتشفتي أنو منتدانا الفذ بدك تنسخي المشاركة قبل ما ترسليها

نحنا كلنا السنة الأولى بنساوي هيك   ... وصارت عادة ها..يعني أنا إذا بدي شارك بشي منتدى صرت بنسخ الرد قبل ما أعرضو ونست أنو في شي أسمو ترفيه

هلأ بصراحة اكتشفت انكن كتير ظراف و رواق ....بس كمان اكتشفت انكن شلة كتير مميزة

وبما أنكن كبار  ورح تتخرجو قريبا حافظو على بعضكن ولا تخلو الشغل ينسيكون هي الأيام الحلوة


سلاموز





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 27


.FARES.

عضــو فضـي





مسجل منذ: 14-10-2008
عدد المشاركات: 1346
تقييمات العضو: 0
المتابعون: 10

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

27-03-2010 01:21 PM




شكرا نانون على هاللفتة الحلوة منك


بس هية المشكلة بتصير كالتالي

أنو الواحد بينشغل كم يوم ومابيحسن يفتح النت

بيجي بيفتح المنتدى بلاقي مليون مشاركة جديدة

وماعاد يعرف العالم عن شو عم تحكي

فبيبطل يشارك





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 28


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

27-03-2010 06:25 PM




أهلا وسهلا بالباشا وسيم..

اقتباس
إلا أن ظرفاً منعني و اضطررت لتسكير النت فوراً..


اقتباس
أرجوكم اعتبروا هذا الموضوع إعلاناً أو نداءً لكل عيلة الصيدلة..

هلأ بصراحة اذا بدنا نحكي الواقع...

أحلى شي الفصحى مع العامية.. المهم..

هو كلامك مزبوط.. فعلاً كان في فصول ولدنة وخنايق .. وهلأ خافة كتييير .. بس كمان كان في روح مفقودة هلأ.. كان الكل يتعامل مع بعض متل الأخوات.. إذا حدا مزح ممكن التاني يعلق عليه ويمزح معو.. والتالت بيقفش اللي قبلو.. أو إذا حدا وقع بمشكلة أو لزمو مساعدة بتلاقي الكل مستعد يساعد ويعطي آراء ونقاشات على هيك بيصير وهيك ما بيصير ولأ هيك أحسن... يعني هالشي ما عدنا لقيناه هلأ... هلأ حاسة حالي قاعدة مو بس مع صيادلة.. إنما مع دكاترة بالصيدلة.. مو حلوة بحقن يحكو شي مو جدي وعلمي..

اقتباس
أو كمان يقولو " ما بدي اكتب شي مزوحي يقومو يقفشوني و تطلع بايخة"

هي هيييييي... إذا الواحد تنفس المفروض يتنفس بطريقة علمية منتظمة.. وكلو ما شاء الله مثال للركازة وبعيد عن السجالات....  على مهلكن يا جماعة .. شي منو ولا كلو... روحو القلوب ساعة فساعة..

اقتباس
بس جد اذا بدك في كتير ناس عندها خفة دم مو طبيعية..

السيد فارماسي و الخالة نهى و العم آيرون مان....................الخ

سمعانة بلسمو خانوم.. دمي خفيف.. تعلمي الحكي..
بس خالة ياعمو؟!!!.. إيه بسيطة..


اقتباس
و هنا أتوجه لطلاب الأولى...!!!!!!!

يعني أنتو فاضيين ما تنزلو مواضيع..؟؟؟؟؟؟؟؟؟

يعني إنتو المشغولين ما شاء الله حولكن؟؟... أي عيشو حياتكن.. لاحقين عالهم والنكد.. ماعندكن مادة بدها شد غير هالحيوية.. لسه ما شفتو شي..


اقتباس
بقا اشتغلولنا بهالمنتدى الله يرضى عليكن..

بس إيد لحالها ما بتصفق... مو؟

اقتباس
وعلى فكرة هاد أطول رد بكتبو من وقت اللي صرت مشرف..

دخيل الله.. شو عم تعمل هيبة هيبة يعني؟.. خير الكلام ما قل ودل؟.. سيدي الله ينفعنا من بركاتكن..
شرفتنا باشا.. انبسطنا بمرورك... بس المرة الجاية زبطلي هالعامية شوي..

=====================

والله ونور المنتدى بحضور الغالية طوق الياسمين.. أهلين فيكي..

اقتباس
بس بتعرفي الحق معك عن جد صاير الوضع مأساوي ما بعرف ليش

منيح أصبح مو بس أنا اللي عم عاني من هالشي.. يللا حركولنا ياه بخبراتكن..


اقتباس
بس و الله ما في وقت و لا حيل و لا خلق

خير خير... إن شاء الله ما في شي مهم؟... سلامتك ياسمينو.. لساتنا شباب ولو..
يللا ياسمين بدنا همتك.. موضوعك "لغتنا الجميلة بيجنن .. وكلما إجي لرد عليه بلاقي كلمة مو زابطة بس ما بعرف تصحيحها... يعني بيطلع معك أفكار رائعة.. كتريلنا منها هون..

اقتباس
ياريت يرجع النشاط بركي برجع بفيق و بتنشط

إن شاء الله.. هدا العشم.. بركي شوي شوي منبلش نرجع لحيويتنا..
نورتينا بمرورك المتألق ياغالية.. خلينا نشوفك.

======================

أهلين فيك سيد فارما..

اقتباس
وكان الجواب انو بجوز ما يكون في  رحل علمية.

أي بس من هون لنصير خامسة إلا ما يعملولن شي رحلة.. وطلاب الرابعة يصطفلو.. شايفين الإيثار..


اقتباس
هعو صحيح في هيك شي بس نوعا ما ، بس ما عاد تفرق لأنو ما معنا وقت

نوعاً ما؟؟؟؟؟؟؟!!!!!!!!!!!!!!!!... أي مبلا كتير..  مساكين يا طلاب الخامسة عنجد بتزعلو.. بس أنتم السابقون ونحن اللاحقون..


اقتباس
انتو ادعولنا الله يمضي هالفترة على خير لأنو أكتر فترة حاسمة بحياتنا (نوعا ما).

يللا سيدي إن شاء الله ربي بيوفقكن وييسر لكن كل أموركن ويهون عليكن الدراسة وغيرها سواء بالعلم أو بحياتكن العملية .. إنتو وكل السامعين.. واللي مو سامعين..
مشكور لمرورك فارما.. شرفت..






ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 29


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

27-03-2010 06:28 PM




بلسمو هنا... ياعيني عالرضا.. مية أهلا وسهلا بمرمر زماني..

اقتباس
بعدين نهى خانم مسدئة حالك حبيبتي أصلا نسرين مابتعمل عزيمة بدون ماكون موجودة أناوشلة المراوي تبعي

الله يسامحك إلهي.. والله قصدت لما تخلصي العملي الأول وقبل التاني.. يعني جلسة السموم ما بتاخد وقت كتير.. وخصوصي إنو مذاكرة.. وأنا بيكون عندي فراغ.. ودخيلك بلا هالعملي.. العزيمة أهم.. بس إذا ما بيمشي الحال التلاتا فيكن تساووها الخميس.. بعد ال 12.. لا تقولولي غير هيك.. موقفة أكلي من هلأ مشان هالعزيمة.. وأكتر من هيك ما بستحمل..

اقتباس
وطبعا فينا نجمع بين المتعة والفائدة بهالمنتدى يعني أنا بصراحة ماحسيت إنو المنتدى صار بملل غير لما خلصت ترجمة قسمي

ولو بلسم.. شو نسيتي.. إنتي الأصل والجو الحلو نحنا اللي منخلقو.. بس بدنا مساعدين..

اقتباس
المهم تبقى علية الصيدلة متل ماعرفناها دائما

أي مزبوط.. متل ما عرفناها.. روح قلبها الخناء والمشاكل..............
لا والله عم بمزح.. عيلة ظريفة لطيفة خفيفة دم... وأهم شي كلنا أخوات هون..
أسعدتينا حجة.. الله لا يحرمنا من بركاتك..

------*------*------*------*------*------*------

هلا والله بعكيدتنا نسرين (صاحبة العزيمة مو قليلة)....


اقتباس
كمان نسيتي (رؤى، هيما، كوكي، ريمي، رنا، طوق الياسمين،,سلام ، آية الرحمن,,,,,,,,,,,,,,,,,,) وأكيد رفقاتي.....

يعني حبيبتي ما بتعود بتكفي.. شو بدك تضحكي علينا بدهدورتين.. يعني مثلاً بلاها رؤى ما بتحب الحلو.. ورنا نفس الشي.. وسلام مو فاضية تجي.. ومين رفقاتك؟.. إذا قصدك نور مابينفعلها ..
وبلسم إذا بتلحق حالها بيكون حظها من السما...
شو رأيك؟.. والله عرض ممتاز... مشان يكفو...


اقتباس
ييييييي......شو أني خرفانة!!!!!

لا الله يسامحك.. عسلامتن...
خلص شوفي الخميس منيح؟؟... إذا غير هيك بتعملوا لي همتكن يوم الجمعة منروح سيران وبتعزمنا نسرين عالتارت وبلسم عالمشاوي ورؤى عليها الموالح والتسالي.. ونور بتجيب المي والعصير.. وأنا بجبلكن الشدة.. شلون بالله .. حلوة السلتة..
شو رأيك نسرين؟...
والله حتى وأنا عم رد ما قدرت احبس الضحكة..

------*------*------*------*------*------*------

يا مية أهلا وسهلا ومية يقولو لمية يا مرحبا بنور خانم.. أشرقت الأنوار وحلت البركات (شلون بالله هالترحيب)..
والله لو ما كنتو من الغوالي ما كنت رحبت .. ولو..

اقتباس
لأ حبيبتي... الله يرضى عليكي أنا ما بنزل هالموضوع

والله ما فهمت ليش؟.. عكل أحسن من هالشي إنو تلاقو غير هالفكرة.. شغلو لي إبداعكن..

اقتباس
لأ معلش بلا ما حدا يعرف هالشخصية الفذة و خليني وراء الستائر أحسن....

والله يا نور بيكون من حظو يلي بيعرف هالشخصية الروعة.. شو مستقلة بحالك؟..

اقتباس
والله شايفة انا اللي تقلت معك بالمزح 
بس والله كلو من المحبة...نورتينا آنستي....................

لا الله يسامحك.. منك كلو مقبول خانم.. النور منك وفيك




اللهم أكرمنا بنور الفهم، وافتح علينا بمعرفة العلم، وسهّل أخلاقنا بالحلم ، واجعلنا ممن يستمعون القول فيتبعون أحسنه.

شاركنا بمشروع الترجمة الجماعي لطلاب الصيدلة.. من خلال صفحة الموقع
تنسيق الترجمة التعاونية للموسوعة التقنية الصيدلانية


ملفاتي المنتهية: الاستشراب الغازي
                            الدوارئ
                            أخطاء المداواة                     


أنت غير مسجل لدينا.. يمكنك التسجيل الآن.

مشاركة : 30


nanon

عضــو فضـي

لا تحزن إنَّ الله معنا




مسجل منذ: 19-10-2008
عدد المشاركات: 1059
تقييمات العضو: 34
المتابعون: 18

غير موجود
اشــترك بالتحديثات
رسالة مستعجلة

رد مشاركة : بتبقى ذكرى ما بتنتسى..

27-03-2010 07:12 PM





أهلين من جديد بكبيرنا حسان بيك.. عودة حميدة

اقتباس
......أي والله كانت مزحة شبكن عصبتو علينا

والله حسستني بالذنب لما قرأت هالجملة.. لا عصبنا ولا شي.. ليش منقدر الله يسامحك


اقتباس
بس ليش بتأولو أنو السنة الأولى ما بدها دراسة

هيي بدها دراسة.. ما في شي سهل وكل واحد حملو على قدو.. بس لما تصير (ما رح قلك سنة تالتة) سنة تانية رح تضحك على حالك لأنك عم تقول إنو المواد صعبة.. لساتك بالإنداقة..
وحالة عدم فتح الكتب عاااااادية جداً.. ومتل ما قلت.. أزمة وبتمر..

اقتباس
والله ما فهمت شو بدكن نشتغل.......يعني نفتح مواضيع بالساحات العامة للتسلاية أو للشغلات العامة

فيك تفتحها وين ما بدك.. مواضيع عامة حتى ولو كانت عن الكلية.. يعني ولو كان نقاش صغير والأعضاء يشاركوا فيه وهنن بيكبروه..مثلاً موضوع أبو القاسم الطنبوري يجد حلا في كلية الصيدلة (لآيرون مان).. هدا موضوع كان بيحكي عن السرقات اللي عم تصير بكليتنا بطريقة جديدة وحلوة وبأسلوب لا يخلو من الفكاهة.. هدا مثال .. ومع إنو الفكرة جدية بس طريقة الطرح خلتو موضوع مميز.. وواحد تاني .. ثمن الإنسان العادي مقدرا بالليرات السورية (لوسيم).. افتحو وشوف كيف أسلوبو..(وحتى موضوع هل مررت يوماً بشارع الثورة (لإلي).. وفي مواضيع نهفة أو علمية جديدة.. يعني مو شرط يكون موضوع تنكيت ومألسة ليكون حلو .. (مع إنو موضوع نكت بالشهر أو الشهرين ما بيشكي من شي)... يعني ما شاء الله حولك مبين من كلامك إنو مو ناقصك دروس للتعلم كيف يعني نهفة ومميز... فابتكر يا رعاك الله

اقتباس
أيمتا طلعو سنانك....بأي شهر انفطمتي

يحرء حريشك والله ضحكتني..

اقتباس
منشان الرحلة تبعكن ....... حاسسها فاااااااااقسة من آخرها يعني

مو رحلة.. عزيمة بالكلية... وولا يهمك منزبطها.. عبالك؟..
أما الرحلة.. هديك رحلة علمية بيساووها بالكذا سنة مرة.. وهي الفاقسة.

اقتباس
معقول  صرتي سنة ما بعرف أديش (بصراحة لسا ما فتحت ملفك الشخصي  ) وما اكتشفتي أنو منتدانا الفذ بدك تنسخي المشاركة قبل ما ترسليها

سنة تالتة حجي.. والله بالعادة بكتب المشاركات الطويلة أوف لاين وبخليها عالمفكرة أو عالوورد مشان إذا صار ما صار تكون موجودة .. ودائماً بعمل نسخ قبل الإرسال.. بس هالمرة عم اكتبها أون لاين وتسكرت الصفحة قبل ما خلص كتابة الرد.. فراحت عليي... نصييب..

اقتباس
هلأ بصراحة اكتشفت انكن كتير ظراف و رواق  ....بس كمان اكتشفت انكن شلة كتير مميزة 

تسلم يارب .. وإنتو ما شاء الله عليكن مو ناقصكن شي.. ما إنتو كمالة الشلة ولو.. بس يعني شلة المنتدى مو الجامعة..

اقتباس
وبما أنكن كبار  ورح تتخرجو قريبا حافظو على بعضكن ولا تخلو الشغل ينسيكون هي الأيام الحلوة

كبار كبار متل ما بدك (مع إنو يمكن في طلاب أولى أكبر مني)... بس ذكرني إسألك لما تصير سنة تالتة كيف مرقو هال 3 سنين.. وحاسس حالك عنجد تالتة ولا كأنو مبارح فتت عالجامعة ونمت بمحاضرة الكيميا العامة؟...  والله متل لمح البصر.. بس عنجد كلامك مزبوط ويكتب بماء الذهب..
والله شرفتنا حسان أفندي.. بانتظار إبداعك..

********************************

فارس شخصياً هون وسمعنا صوتو من جديد.. والله مية أهلا وسهلا .. شرفتنا أستاذ..


اقتباس
أنو الواحد بينشغل كم يوم ومابيحسن يفتح النت

بيجي بيفتح المنتدى بلاقي مليون مشاركة جديدة

وماعاد يعرف العالم عن شو عم تحكي

فبيبطل يشارك

أي بتصير كتير.. ومو ضروري تشارك بكل المواضيع.. اقرأ شو ما بدك ورد عاللي بدك ياه.. أو في طريقة أحلى.. نزل موضوع مميز كالعادة وهيك بتكون بلشت من الصفر.. مشان ما تضيع.. ولو فارس يعني هي حجة؟.. بدنا نشوف حضورك من جديد.. وصولتك وجولتك ونهفاتك..
وهي دليل
http://pha.jamaa.net/art21792.html?&highlight=.FARES.


http://pha.jamaa.net/art18355.html?&highlight=.FARES.



سلام باشا.. منتظرين حركاتك..





ملتقى طلاب جامعة دمشق




أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 3 من 7 <- 1 2 3 4 5->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة