[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> الـمُـضــحـــك .. الـمُـبـــكـي
    يا ارض انشقي وابلعيني
عنوان البريد :  
كلمة المرور :  
                    تسجيل جـديد


صفحة 8 من 12 <- 6 7 8 9 10->

مشاركة : 71


مـــــــــلاك

جامعـي مبـدعـ





مسجل منذ: 14-10-2010
عدد المشاركات: 281
تقييمات العضو: 10
المتابعون: 7

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

16-02-2011 10:28 PM




هااادااا يااسيدااتي وساادتي مرره كنت راجعه اناا واختي من عند بيت جدي وكنت حاامله معي بالكيس حليب مشان وصلون لماما المهم وبلا طول سيره لسه اناا ما قربت من مدخل البيناييه  الالالا وازززز بتنطلي ئطه وومحسوبتكوون بتمووت رعبه من مخلوق اسمو ئطه المهم اناا صرخت صووت طلعت كل الحاره لتشوف شو صاير بس مو هون النهفه  النهفه انوو في بيااع خضرااا قااعد على هالسوزوكي تبعو وفرط من الضحك وصارت كل السياره تهز من كتر مانو فارط وكمان مو هون النهفه  النهفه انووو بهديك اللحظه كان نازل فيهاا ابن الجيراان والنطه الي نطيتهاا حضرتي صرت كتيير قريبه من الزلمه ووعئ مني الكيس تبع الحليبات وماا عدت اعرف شو سااوي لك صاار وشي احمر واخضر وزهري وكل الالوان الي بتعرفوهاا والي ما بتعرفوهاا وقتاا عنجد تمنيت الارض تنشق وتبلعني  واختي الجدبه عم تتطلع وتضحك مع العلم انو هيه ما بتخااف من القطط وطلعت الخانم شايفه القطه من بعيد بس حبت تشوف شو رح يصير


وبسسسسس


بس والله ضليت شهر خايفه يطلع بوشي ابن الجيرااان  





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 72


بسمة حزن

جامعـي جديــد





مسجل منذ: 18-02-2010
عدد المشاركات: 26
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

25-02-2011 07:15 PM





كان ياما كان ومو بقديم الزمان ومو بسالف العصر والأوان لحتى كان


كان في بنت يلي هي محسوبتكن واقفة عم تستنا المكرو ووقت اجا الميكرو الموعود كالعادة ومتلما بتعرفو تكرفتت هالناس كرفته وحطي راسك بين هالروس وقولي يارب وأنا عم اطلع بهالمكرو وإذ عمو الشوفير بيشفلكن عمو الشرطي وبيدعس بنزين وبيسحبا وأختكن بالله ايديها معربشين بالباب وعم تتشحتف ورجليها بالهوا والنسوان يلي بقلب المكرو عم تصرخ بس عمو الشوفير عيونو شايحة على عمو الشرطي خايف يخالفو والسمعان مو هوووووووون وبلشو هالنسوان الاكابر بعملية الشحط لحتى صرت جوات المكرو وعمو الشوفير مو دريان شو صاير وربكن حميد انو ماكان في ولا شب قاعد مشان ما انخزا اكتر من هييييييييييييييك لأ والنهفة ما كان في محل بالمكرو


اتخيلو بعد كل هالمعاناة قلت والللللللللللللله ما بنزل وقعدتلكن على جنب لأن ماحدا غريب خالاتي النسوان يعني اهلية بمحلية وضليت اسبوع كلما اتذكر بفرط من الضحك وبقول الحمدلله يلي ما صرت تحت الدولااااااااااب وتوته توته خلصت الحدوتة




أعد لي الأرض حتى أستريح فإني أحبــــــــــك حتى التعب




كنت أتصور أن الحزن يمكن ان يكون صديقا . . لكن لم اكن اتصور ان الحزن يمكن ان يكون وطننا نسكنه ونتكلم لغته ونحمل جنسيته...

أنت غير مسجل لدينا.. يمكنك التسجيل الآن.

مشاركة : 73


مـــــــــلاك

جامعـي مبـدعـ





مسجل منذ: 14-10-2010
عدد المشاركات: 281
تقييمات العضو: 10
المتابعون: 7

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

25-02-2011 08:19 PM




بزمتي انك فرطتيني من الضحك ياا بسمه حزن


قعدت اتخيل شكلك هههههههههههههههههه


انشالله ما بتكرر


وتعيشي وتاكيلي غيرااا


مــــــــــــــــلاكــــــ





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 74


lanoosh

جامعـي نشـيط





مسجل منذ: 26-09-2010
عدد المشاركات: 135
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

25-02-2011 09:06 PM




مساء الخير

والله هالموضوع كتييييير حلو ... عنجد الواحد بلاقي عنده كتير مواقف مضحكة


والله أكتر موقف قلت فيه يا ريت تنشق الارض وتبلعني :

كنت مرة قاعدة انا ورفقاتي بالجامعة عالحفة وفوقنا شبابيك ... وكنت أنا لابسة كنزة بيضا (( مع اني بهداك اليوم  ما كنت بدي البسها الله وكيلكن .. بس اخواتي اقنعوني البسها ))
المهم ...

فجأة وبدون سابق انذار .. ما بلاقي غير شي أسود نزل من فوق ووقع عالكنزة البيضا وصار لونها أسود    

طلعت يلي عم تشطف فوق ماسكيتلك هالوسخ وكابيته (( الله لا يعطي شيطانها العافية ))


واجو  عالكنزة         


طبعا اجو رفقاتي وقالولي تعي لننضفلك ياها شوي بالمي .. قبل ما تتطلعي من الجامعة ... وانا عم اطلع عالدرج مشان نفوت وننضفها .. تفركشت عالدرج ورحت أوقع

وهيييييييك ... وبس فشلت محاولات رفقاتي بالتنضيف .. حملت حالي وبوجهي عالبيت

بس والله اكلتلها كم مسبة هالمزوقة يلي عم تشطف


           




هذه البلاد كلها مزرعة شخصيه لعنتره
سمائها،هوائها،نسائها، حقوله المخضوضره


كل الشبابيك عليها صوره عنتره
كل الميادين هنا تحمل إسم عنتره




ما من جديد فى حياة هذه المدينة المستعمرة
فحزننا مكرر
وموتنا مكرر
ونكهة القهوة فى شفاهنا مكرره
فمنذ أن ولدنا ونحن محبوسين فى زجاجة الثقافة المدونه واللغة المدونه
فمنذ أن دخلنا المدرسه
ونحن لا نَدرُس إلا سيره ذاتيه واحده
تخبرنا عن عضلات عنتره
ومكرمان عنتره
ومعجزات عنتره


أنت غير مسجل لدينا.. يمكنك التسجيل الآن.

مشاركة : 75


*ـMEDـ*

عضو ذهبي






مسجل منذ: 17-07-2009
عدد المشاركات: 2695
تقييمات العضو: 82
المتابعون: 140

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

25-02-2011 10:21 PM




السلام عليكم


موضوع حلو وظريف


وهي أول مشاركة إلي وهي كالتالي، لكن قبل البداية مو أنا اللي تمنيت الأرض تنشق وتبلعني


المسكينة اللي أكلت كفين هية اللي تمنت الأرض تبلعها


المهم، كنت واقف عند محل جارنا مع الشباب وكنت ماسك بإيدي حديدة الغلق


وعم روح يمين شمال فجأة رفيقي اللئيم شاف بنت جاية على المحل فبدال ما ينبهني استناها لحتى تقرب مني ودفشني بقوة جهتها


أنا كنت ماسك الغلق بإيد وحدة والتانية حرة فعلى أثر الدفعة إيدي الحرة بتجي كف مسنطر على خد البنت اليمين


أنا ما عرفت شو أعمل فضليت ساكت والبنت مشان تلمل القصة فاتت على المحل


أنا ما لقيتها على حالي؛ كيف رفيقي علّم عليي وخلاني أضربها للبنت!!!


فتركت المكان أنا ومشيت


بعدين قلت إني غلطت بالروحة ورجعت على المحل لعند الشباب وإذ صاحبنا ماسك الحديدة


أنا قلت بقلبي هي الفرصة الدهبية


إجى ليهرب فطمنته أنو لو حكن شي البنت كنت بهدلتك بس ضلت ساكتة


فضل على الحديدة


أنا استنيت البنت لتطلع وأول ما طلعت دفشت رفيقي جهتها


الشب قام مسك الحديدة وصارت ايده التانية حرة


وطج على خدها اليسار


(يعني خلال ربع ساعة كفين متل فراق الوالدبن)


البنت ورفيقي كانو مذهولين فكانت فرصتي بالهرب


ملاحظة 1: أنا إلى الآن ما بعرف ليش ما عاد شفت البنت بالحارة (حدى بيعرف) ^_^


ملاحظة 2: لا تاخدو فكرة غلط، كان عمري 13 سنة. *_^.


سلام








فَانتَظِرُواْ إِنِّي مَعَكُم مِّنَ الْمُنتَظِرِينَ 










أنت غير مسجل لدينا.. يمكنك التسجيل الآن.

مشاركة : 76


اسيل

جامعـي اســتثنائي





مسجل منذ: 11-07-2008
عدد المشاركات: 509
تقييمات العضو: 0
المتابعون: 22

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

25-02-2011 10:46 PM




بتعرف حسيت ونار شاعلة فيني  لبين ماخلصت القصة


انو شو ذنباااااااااااااا هالبنت تعملو فيها هيك


منيح انك كتبت اديش عمرك


اوخ شكرا


هههههههههه


 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 77


*ـMEDـ*

عضو ذهبي






مسجل منذ: 17-07-2009
عدد المشاركات: 2695
تقييمات العضو: 82
المتابعون: 140

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

25-02-2011 11:15 PM




ولي


يا خوفي اتطفي النار فيني


ههههههههههههههههههههههههههه


والله كل ما بذكر القصة بزعل على البنت


بالفعل كانت حركة لئيمة وكنت ناوي أعتذر منها بس ما عاد شفتها أبداً


ما بعرف ليش والله


تذكير: القصة عمرها 10 سنين


كان عمري 13 سنة ^_^


 








فَانتَظِرُواْ إِنِّي مَعَكُم مِّنَ الْمُنتَظِرِينَ 










أنت غير مسجل لدينا.. يمكنك التسجيل الآن.

مشاركة : 78


ستضيء المدى جمراتي

جامعـي مبـدعـ





مسجل منذ: 13-12-2010
عدد المشاركات: 283
تقييمات العضو: 1
المتابعون: 10

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

25-02-2011 11:27 PM




و الله الموضوع كتير حلو لدرجة إني قرأته من الأول ...


 


هلأ الموقف يلي صار معي إني بمرة من المرات كنت ماشية مع رفيقتي و كانت الباصات الكبيرة الخضرا لسا موضة جديدة ...


قام قالتلي رفيقتي و الله أنا مو طالعة بهالباص ولا مرة .. الله يوفقك ركبيني فيه ..و أنا مرة وحدة بس طالعة فيه و السبب إنو أختي الكبيرة هية يلي ركبتني و هية يلي دفعت و قطعت ... وأنا كنت طالعة عم إضحك و إلعب ...


قام شفقت على رفيقتي قلتلها يلا ماشي ..اطلعي و كان الطريق أساسا مو طريقنا بنوب ... بس إلنا يلا هية مغامرة ...


وقفنا عالموقف بكل إحترام و زوق .. ثم لاح في الأفق خيال باص أخضر .. وهيك يا معلم ما لاقيلكم غير أفواج أفواج عم تتوافد ناحنا ونحنا التنتين متل الهبلان واقفين مو فهمانين شي ...


المهم مدري ليش الباص ما وقف إلا ناحنا بالضبط { يمكن عجبوا شكلنا الهبلاني } و فتحلكم هالباب ... و طلعنا و التدفيش من ورانا إشتغل و نحنا وقفنا عالباب بدنا نقطع و ربكم حميد يلي تذكرته من الطلعة مع أختي إنو قطعت بس كرت واحد لأنو إلي و إلها ... قلت لحالي بدي فرجي رفيقتي إني بفهم و شاطرة ... قام قلتله للواقف قدام الشوفير و ماسك البطاقات : بدي بطاقة وحدة ... عطاني البطاقة عالسريع و هوة مستعجل لأنو القبيلة كلها كانت ورايي و كلو عم يدفش و أنا بكل شآم واقفة عم إستنى ... قطعت هالكرت التحفة من الجنبين .. قام أنا الذكية ما كنت منتبهة وقت كنت مع أختي شو ساوت بالكرت ...


قام بعد ما قطعته رجعتله ياه للزلمة ... و عينكم ما تشوف ... إحمر وشه و عبأ و جحظوا عيوني ... قاللي : و أنا شو بدي ساوي فيه يعني ...


وقتها عنجد اشتهيت الأرض تنشق و تبلعني ..


 


                                                                                سلامي للجميع








                                                {"""^"""_"""^"""}

أنت غير مسجل لدينا.. يمكنك التسجيل الآن.

مشاركة : 79


طيف نور الهدى

جامعـي جديــد





مسجل منذ: 20-02-2011
عدد المشاركات: 5
تقييمات العضو: 0
المتابعون: 6

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

16-03-2011 10:00 PM




 


على فكرة الموضوع كتير حلو

مرة كنت جاية عالمحاضرة متأخرة
وكانت المادة كتير حلوة وأنا بحبها والدكتور بيفوت المتأخرين
وكنت أناورفيقتي بس هية غير سنة
وبعد ما وصلت كان الدكتور فايت ومسكر الباب
وأنا بدي فوت!!!
ووقتها دقيت الباب !!!!!!!!
آم الدكتور ما فتح الباب !!!!
أمت قلت لحالي يا بنت طلعي من مكان المفتاح تبع الباب وشوفي الكتور شو عم يعمل
وإذ !!!!!!!!!
الدكتور بيفتح الباب وأنا عم طلع وبينخبط راسي هديك الخبطة
والدكتور حس عليي وقلي أنا مادخلني أنت دقيت الباب
وقتها تمنيت تنشق الأرض وتبلعني
وقلي الدكتور تفضلي
ورفيقتي عم تفرط عليي ضحك
والمهم أنا بدي أحضر المحاضرة وفتت
وجلست بها المقعد وطلعت دفتري لأكتب
وكمالتها الدكتور أجا لعندي عالمقعد وقلي
إن شاء الله أجت سليمة
قلت له لاء مو مشكلة دكتور

وهي هية قصتي شو رأيك



.........................سلام .........................




تعصي الإله وتدعي حبه                                هذا لعمري في القياس شنيع
لو كان حبك صادقا لأطعته                                        إن المحب لمن يحب مطيع






                                  (  الشجاعة أن تبتسم في وجه من ينتظر بكائك )


أنت غير مسجل لدينا.. يمكنك التسجيل الآن.

مشاركة : 80


EvAn efo

جامعـي نشـيط





مسجل منذ: 21-02-2011
عدد المشاركات: 129
تقييمات العضو: 0
المتابعون: 5

غير موجود
اشــترك بالتحديثات
رسالة مستعجلة

رد مشاركة : يا ارض انشقي وابلعيني

18-03-2011 08:48 PM




هايات شباب و صبايا
سمعو هل قصة يلي صارت معي و مع ابن خالتي
بس ابن خالتي يلي اتمنى الأرض تنشق و تبلعو ههههههههههه


هاد بلا طول سيرة كنا راجعين على بيتي
و كنا بالمكرو (مهاجرين صناعة)
و آعدين كنا جنب بعض
و طبعا متل العادي ديديديديديدي
يعني لعي لعي لعي ههههههههههههه
المهم وصلنا و بدنا ننزل
وقفنا السيرة
و نزل ابن خالتي و اجيت بدي انزل ورا
بس كان في شب بدو ينزل معنا
و الزلمة كان كتير زوق و ما استناني انزل
و راسو و ألف تيس بدو ينزل قبلي
تقولو خايف المكرو يمشي و ما ينزل
المهم أنا ضليت آعد و نزلت بعدو
بس ابن خالتي المسكين فكر أنو هداك الشب هو انا
و مشي معو و مكمل بالسيرة العينتين
أنا نزلت طلعت هيك
لعما وينو هاد؟   لقيتو ماشي مع الشب و عم يحكيلو قصة أبو زيد الهلالي
و صرت ناديلو ولك عبــــــــــــــــــــدو
عبــــــــــــــــد
و ما يسمعني و ماشي
و الشب مو منتبهلو حتى أنو عم يحكي معو
حتى ركضت لعندو و شديتو
قلتلو وين رايح
اطلع فيني باستغراب
و بعدين اطلع بالشب بغباء   و تركو و مشي معي
و هداك ما حس بالسيرة كلها
و بعدها ضليت جمعة اضحك عليه من هل موقف





ملتقى طلاب جامعة دمشق




أنت غير مسجل لدينا.. يمكنك التسجيل الآن.
التعليق باستخدام الفيسبوك
صفحة 8 من 12 <- 6 7 8 9 10->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة