موضوع حلو كتييير

أنا كتير مرات اتمنيت فيا الأرض تنشق و تبلعني

بس الموقف اللي خطر ببالي هلأ هو أنو أنا بطبيعتي بحب المرح و الضحك بس أكيد ما بضحك بدون سبب 

المهم كان في عزا ببيت رفيقتي من سنتين ورحت عليه وياريتني ما رحت

كنت قاعدة بأمان الله .. سمعت وحدة من النسوان حكت كلمة بس خربطت باللفظ

هو الموقف عادي و ما بيضحك
بس يومها أنا متت من الضحك
ومو بس هيك
صرت بالأخير اضحك بصوت عالي
بعدين تركت الغرفة وطلعت لبرا و أنا ماسكة بطني من الضحك

و معد إل عين فوت مرة تانية

موقف ما بنساه بحياتي

كان الموقف اول يوم بيعملولنا استاجات بالمشافي وتحديدا بقسم عمليات مشفى المواساه
شفنا المشرف هونيك وقللنا ديرو بالكن اي شي اخضر لا تلمسوه (( آل مشان التعقيم ))
المهم والله لبسونا بجاماتنا الخضر والماسكات مدري شو كأني رايح لحفلة تنكر
انا كنت بغرفة الجراحة العامة وكانت غرفة كبيرة ومرتبة وكلو اجهزة ومحسوبكن اول مرة بفوت لجوا
وما بحب كتر الغلبة الا شوي وبدي اعرف كلش ...
وكان في كتير دكاترة وممرضين وكل ما تسأل واحد يعمل حالو مو دريان المهم قلت يا ولد اعتمد على حالك واستكشف شو هالقصص
قربت ع طاولة فيا شغلات شي بيشبه مقصات ومدري شو
رحت كامشن وعم بتمعنن وما بلاقي غير صوت صرخ فيي لك شوووووو عم تساااااااااااااااااااوي انت ؟؟؟؟؟؟؟
قلتلو ما عم ساوي شي
مالقيت غير الدكتور احمر وشو مدري اخضر قمت كمشت هالمقصات ورجعتن .....

ما طلعو هدول يلي بدن يساوو فيا عملية للمريض وحضرتي نزعتلن التعقيم  لا ورح اتخانق مع استاذ الجراحة بالمشفى .. بس  عنجد تمنيت الارض تنشق وتبلعني ....

حلوة فكرة هالموضوع .........بس بتخلي الواحد يتذكر موااااااااقف

انا مرة كنت حاضرة حفلة عرس لرفيقتي .....ومرت الايام واجتمعت  بجمعة بالكوافيرة الي عملتلا الميك اب والشعر 

قامت اجت سيرة العراس والعرايس وهي بتعرف انو العروس الي عملتلا شعرا رفيقتي بس ما انا ما بعرف انو هي هيي الكوافيرة واساسا ما بعرفا

سألتني : شو كيف طلع عرس فلانة ....(فلانة هي رفيقتي )
انا : والله ماشي حالو .....حلو
هي : منيح , وكيف لقيتي الشعر والمكياج , شاطرة الكوافيرة (شوفو هي شو خبيثة كيف وقعتني   )
انا : (احم احم ......وطبعا ما بعرف انو هي الكوافيرة )

































تررررررررررررررررم ...............الله ريتو يكسر ايديها على هالشغل , بممممم دججججججج طااااااخ
ههههههههههههههههههههههه

هي هون اصفرت واحمرت وازدردت وتشردقت بريقا المخلوقة ....بس حرام هي ما حكت شي
بس كانت واحدة بالجمعة بتعرف نكشتني وقالتلي : لك هي هيي



والله عنجد يا جماعة شعوري كان لا يوصف ..خجل على احساس بالذنب على ندم ..حسيت بمكس مشاعر رهيب ...وفعلا اتمنيت الارض تنشق وتبلعني

هههههههههههههه

موضوع حلو و الله و كوميدي

بس بالنسبة اللي و الله ولا مرة تمنيت انو تنشق الارض و تبلعني

ليش ما بعرف

تحياتي

الموقف صار معي السنة الماضية هلأ هوه ما كتير محرج بس دايقني طول النهار
كان بيوم من أيام الشتوية وكان شعري طويل وطالع ومسشور شعري ومظبط حالي فجأة وأنا واقف عم استنى ميكرو كبست هالمطر وما عاد فيي إرجع عالبيت لأني إتأخرت هلأ أنا قلت لحالي يلا عادي وأكيد ما اتبهدل منظري بس اتفاجأت لما فتت عالجامعة ولقيت رفقاتي عم يضحكو عشعراتي وهنن نافشين بالحقيقة كان بالنسبة لإلي أكبر حرج وطول النهار وأنا عم فكر بموديل شعري


ودمتم

السلام عليكم جميعا........يا ستي ملا انتي الموضوع كتيررر حلو ..وانا تمنيت الارض تنشء وتبلعني ... مرة كنت راكبة ميكرو ورايحة من الساعة 7 الصبح عالمعهد وكان كل الميكرو شباب وقت وصلنا على جسر الرئيس وبدي انزل ياويلي شو صار ...علق باب الميكرو ومعد فتح وانا بنت وحيدة بين الكل وههههههههههه تشوفو منظري والله بيفئع من الضحك وقت اطريت اني نط على كرسي وانزل من شباك الميكرو بنص جسر الرئيس لاوكنت لابسة أصفر ومركزة حالي عالأخير..

انا يا جماعة بشتغل مع واحد اسموا ابو حمزة وهاد ابو حمزة زلمة متدين وكان عنا بالبيت  (عزمتوا على العشا) بعد ما خلصنا العشا قمنا نصلي العشاء جماعة وكانت الايام بوقتها صيفية ونحنا عم نصلي على البرندة قدام المطبخ وشباك المطبخ  مفتوح  بتبلش امي واختي  نتف بريش ابو حمزة  هاد ابو حمزة زلمة كذاوكذا...................الخ...  وانا احمريت واخضريت  وصرت كذا لون  وبس خلصنا صلاة  اعتذرت منو وتركت الشغل معو  وساعتها تمنيت تنشء الارض وتبلعني  

                      آثااااااااااااااااري ولاااااااااااااااااااااكن

شوفو شو صار معي لكن .. موقف بخلي الواحد مكس ألوان

هاد يا جماعة الخير كنت رايح انا وواحد من رفئاتي ع محل ساعات

فتنا على هالمحل .. والمحل كبيـــــر .. وعم نتفتل ونتفتل وانا ما عم يعجبني شي

ونحنا التنين عم نحكي بصوت عالي ونشوبر لان المحل كان فاضي ما في زباين

ومو الظاهر بالأخير فاتو جماعة ع المحل وانا مو منتبه .. بس مو هون النهفة

النهفة انو انا لئيت ساعة كتيــــــــر عجبتني .. فدغري مسكت ايد رفيقي وشديتو لعندي

وئلتو : بشـــــرفك شو رأيك بهالساعة مو فخامــــــة ؟!

بس للأسف رفيقي ما رد 

مو طلعت مو ماسك ايد رفيقي .. طلعت ماسك ايد زبونة تانية فايتة تشتري   

وشوفوا الضحك .. رفيقي والبنت وأمها وصاحب المحل كلو عم يضحك

والله صرت أد الكمشة 

موقف جديد وتازة .... الموقف صار معي اليوم ئبل كم ساعة
كنت قاعد انا ورفقاتي باحد المطاعم بالشام وعم ناكل ومبسوطين
ما بحس غير واحد عم ينكشني
مررحبا ماجد .....
ولك هااد رفيقي وصلي شي سنتين مو شــــايفو .. 
المهم سلم علي وقعد شوي ... وكان مستعجل
استأذن وبدو يروح ..
وصار لازم سلم عليه وودعو وخصوصي هو دراستو برا سوريا
رحت وانا عم سلم عليه  اخدت كاسة اللبن بطريقي وصار من فوق لتحت لبن ...
وشو موقف انحطيت فيه ...  ووينك يا ارض تنشقي وتبلعيني ... 

مرحبا شباب
كنا طالعين مع عيلتي سيران والله وماشي أنا وأختي وقفنا جنب النهر  شوي وأنا صفنت بهالمي وكل بالي إنو أختي جنبي ورحت حاطط إيدي عكتفا وطلعت بوشا ولا بلاقيها وحدة تانية
هون أنا تمنيت تنشق الأرض وتبلعني وما عرفت كيف انسحبت وارجعت عند أهلي




ودمتم