[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> المنتديــات العــامــة --> الـمُـضــحـــك .. الـمُـبـــكـي
    سياسة التطنيش الغير موروثة !
عنوان البريد :  
كلمة المرور :  
                    تسجيل جـديد


.سياسة التطنيش الغير موروثة !


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

سياسة التطنيش الغير موروثة !

29-10-2009 08:34 AM




السلام عليكم ورحمة الله وبركاته

سياسة التطنيش الغير موروثة  هي عبارة عن كوكتيل مشاعراو مزيج من التنبلة و البرادة اللاتي يتوجهن الكسل.... كما يتوج الابطال في الالعاب الاولمبية ) يعني بجدارة ساحقة !(

وتمتاز هذه المشاعر -عزيزي /تي القارئ/ة -  بسرعة المباغة  الفتاكة ...

فاذا كنت ناوي تقوم تفتح الكتاب وتدرسلك كم صفحة ينفعوك بيوقت الامتحان....... وإذا بالمشاعر بتنتابك فجأة وبتهاجملك  فكرة الدراسة في الفص الجبلي من قشرة دماغك المطنش وبتقتلعها من جذورها............... اي تقتلعها اقتلاعا نهائيا لا رجعة فيه  .....

او ممكن تكون شخص مطنش مرضيا .....


مثلا : اليوم فقت من النوم تعبان وراسك عم يوجع وبدنك متل البوظ وحاسس صدرك طابق  (سلامتك! ) فقلت لحالك اكيد هي من اثر هزات  البدن يلي اكلتها مبارح والتي تتراوح بين خسارة برشلونة او تغيب رونالدو عن لقاء ميلانو و الريال اويمكن تكون زعلت على  بورتسموث يلي  ممنوع من التعاقد مع أي لاعب بسبب تراكم الديون...

يعني كما يقال .....تختلف  هزات البدن والزعل واحد ....

وبتقوم بتحمل درب طريقك  و بوشك يلي ما عم يتفسر بتوصل  على الشغل  وإذ بيجي شي واحد من رفقاتك الحبابيبن او الموحبابين او خلونا نقول بيجيلك شي جحا من عند هل الصبح مشان نكون حيادين بالسرد ......

وبيقلك  شو رئيك باخبارالرياضة ؟؟والاحداث يلي عم عم تصير على الساحة الرياضية ؟؟!!  ..........
وانت هون وبهل اللحظة بالذات بيرتفع ضغطك , بيتسرعو دقات قلبك ... بيجيك عرق بارد ..

وبيبلش لونك  يزرق او يصفر ...واذ طب غم بتلاقي حالك بالمشفى!!!

قال شو تعرضت لجلطة او لسكتة قلبية .....(معافى يا رب)

وهو ن الدكتور بيجي بيعطيك نصائح وارشادات وانو يا اخي ما بيصير تزعل .....ما بيصير تنهم..... ما بيصير يفور دمك كل هل القد لك يا اخي ما بيصير تحط رجل بالقبر بسبب زعلة على شوية احداث رياضية .....

لك اخي طنش شبك انت ليش ما بتطنش ......نصيحتي الك انك تطنش..........

وبالفعل بتطلع من الشمفى وبتروح علبيت واول ما بتصل ......... بتنطش كلام الدكتور!!! لا ومو بس هيك

بتروح وبتجدد اشتراكك بالاوربيت وبتفتح الجزيرة الرياضية وبتقعد 24/24 لا توقف (باعتبار انك اخد اجازة مرضية من الشغل!!)

اما انك تكون شخص مطنش عمليا (اي على صعيد العمل ) فهذا شي تاني تماما لانك ساعتها رح تكون شخص داهية ذكي ونبيه وبتعرف تسكلش امورك وتتهرب من مسؤلياتك ,على الشكل التالي  :

اليوم 29 الشهر وبعد 3 ايام بيكون عيد الجيبة وانت حضرتك لهلق مانزلت الجداول وطالعت المعاشات وعم تقول لسى بكير ...

ايه طبعا بكير......... لانو بيل غتس بنفسو مصصمملك برنامج حارق خارق مخصوص الك وكافة حقوق النشر محفوظة على الابتوب  تبعك يلي نسيتو او بالاحرى طنشتو بالبيت مشان ما تشتغل عليه الحسابات اثناء ساعات الدوام  (بس على مين على بابا يا ماما ايه هي الحجة صارت قديمة كتتير )

لانو هلق هل المحاسب الشطور رح يطلعلنا بحجة خنفشارية حديثة الا وهي :

"اخي انا عبد المامور ومعلومكن بسبب الازمة الاقتصادية العاليمية طلع الجحي قرار انو القبض يوم 6 الشهر مو 1 ايوا بقى لا حدا يفتح تمو بحرف انا متل ما بقلي الجحي بشتغل هلق هلق يدقلي بقبضكم انا ما عندي مشكلة جداولي ظابطة وكلو جاهز ومحسوب بالورقة والقم "

بس السؤال الذي يطرح نفسو هلق يا حلوين هو :الجحي وين يا حزكن ..... انا بقلكم ...الحجي عند مرتو الجديدة يلي تزوجها من اسبوع بعد ما طرقها لزواجتو القديمة جوازة تانية  وطلع معها على تركيا وبدو يعدلو هنيك شي 15 يوم بتعرفو عرسان جداد (وعقبال العزابية !)

وبالختام  مالنا غيرانو نقول ........لله في خلقه شؤون .........ودمتم بحفظ الله ورعايته 

ولكم تحياتي lovelyface






Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 2


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : سياسة التطنيش الغير موروثة !

29-10-2009 05:04 PM




يسعد مساكن جميعا


بتعرفو شو احلى شي بالوجود


انو تكتب موضوع وتوصل منو رسالة ,,,,,,,,,,,,,,,,,,,وبالفعل الكل يفهمها ويعمل فيها  

مثلا :

هي تاني حلقة عن التطنيش ...................والحمد لله كلو طنشو الموضوع وبجدارة 

يعني لهلق 25 مشاركة وولا واحد رد       



احسنتم ..............................ثابروا والى الامـــــــــــــــــــــــــــــــــــام


lovelyface




Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 3


Mo7amad

عضــو فضـي

يا اللـه مالنا غيرك يـا اللـه




مسجل منذ: 03-09-2008
عدد المشاركات: 1992
تقييمات العضو: 81
المتابعون: 32

غير موجود
اشــترك بالتحديثات
رسالة مستعجلة

رد مشاركة : سياسة التطنيش الغير موروثة !

30-10-2009 08:05 AM





اقتباس
انو تكتب موضوع وتوصل منو رسالة ,,,,,,,,,,,,,,,,,,,وبالفعل الكل يفهمها ويعمل فيها


هههههههههههههههههههه


أكيد هدف الموضوع  مو إرساء التطنيش بل محاربته


التنطنيش أنواع

إما مطنش = غير مهتم = غير مبالي = أو مابتفرق معه

على قولت شو ماجرى ضنجرة ................  كبرها بتكبر وصغرها بتصغر


أو مطنش عكس حساس  عكس يلي بدقق على أتفه الأمور


التطنيش بالحالة الأولى مصيبة ويمكن من أكبر مصايبنا حاليا

يعني لما بتحاول تهتم ببعض الأمور وتتقنها بقلك البعض..... يازلمة :حتمسكلي ياها حنبلية  (!)


أما التطنيش بالحالة التانية .....فهو أمر مطلوب

وعدم وجوده يدل على حالة مرضية


مثال الإهتمام بالمباريات يشبه النوع الثاني


ومثال الموظف يشبه النوع الأول



وبالنهاية التطنيش ممكن يكون إيجابي وممكن يكون سلبي



موضوعك هادف ................. أرجو لكي التوفيق 


وبإنتظار مواضيع جديدة ..........


سلاااام .....





يا الله مالنا غيرك يالله


أنت غير مسجل لدينا.. يمكنك التسجيل الآن.

مشاركة : 4


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : سياسة التطنيش الغير موروثة !

30-10-2009 12:44 PM





اقتباس
وبالنهاية التطنيش ممكن يكون إيجابي وممكن يكون سلبي



شكرا لك على المرور الطيب وبالنسبة الى :


اقتباس

اقتباس
انو تكتب موضوع وتوصل منو رسالة ,,,,,,,,,,,,,,,,,,,وبالفعل الكل يفهمها ويعمل فيها


هههههههههههههههههههه


أكيد هدف الموضوع مو إرساء التطنيش بل محاربته



لا انا كنت عم حركش بس مو اكتر

مع تحياتي lovelyface الحركوشة 





Life's a dream we are dreaming


أنت غير مسجل لدينا.. يمكنك التسجيل الآن.

مشاركة : 5


star lover

عضو ذهبي


المغامرون




مسجل منذ: 14-07-2009
عدد المشاركات: 2593
تقييمات العضو: 1
المتابعون: 65

غير موجود
اشــترك بالتحديثات
رسالة مستعجلة

رد مشاركة : سياسة التطنيش الغير موروثة !

30-10-2009 02:55 PM




هي رديت عليك مشان ما تقول
انو سياسة التطنيش ماشية
مشاركتك غريبة شوي بس اذا قراها الواحد
بتمعن بياخد منها عبرة
بحب ضيف انو التطنيش حلو بس كل شي  وله وقته
بكل احترام
تقبل مروري





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


lovelyface

عضــو فضـي

lovelyface




مسجل منذ: 31-10-2007
عدد المشاركات: 1638
تقييمات العضو: 0
المتابعون: 19

غير موجود
اشــترك بالتحديثات
رسالة مستعجلة

رد مشاركة : سياسة التطنيش الغير موروثة !

30-10-2009 08:16 PM





اقتباس
هي رديت عليك مشان ما تقول
انو سياسة التطنيش ماشية
مشاركتك غريبة شوي بس اذا قراها الواحد
بتمعن بياخد منها عبرة
بحب ضيف انو التطنيش حلو بس كل شي  وله وقته
بكل احترام
تقبل مروري


شكرا للرد ورجاء لا حدايفهمني غلط

انا كنت عم حركش وبس

على اي حال نورت شكرا لك

lovelyface




Life's a dream we are dreaming


أنت غير مسجل لدينا.. يمكنك التسجيل الآن.
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة