[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         طرق تنظيف النجف       آخر رد : جود.....  ]        طرق تنظيف البوتجاز والفرن       آخر رد : جود.....  ]        يوميات مهندس مدني !!!!!!!       آخر رد : $3N3$C3NT  ]        لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت       آخر رد : $3N3$C3NT  ]        مغتربون .. ولكن // ماذا تذكرت؟؟؟       آخر رد : *The Lord*  ]        الطرق الطبيعية للتخلص من الصراصير       آخر رد : جود.....  ]        نقل عفش       آخر رد : جود.....  ]        خدمات تنظيف بالكويت       آخر رد : جود.....  ]        همسات على جدران الزمن .................. (عطر)       آخر رد : *The Lord*  ]        أكتب شعورك : بكلمة واحدة       آخر رد : ali k@m  ]        ماذا تقول لمن يخطر على بالك الآن ...       آخر رد : *The Lord*  ]        أشدُّ الهلاك من أهلِك       آخر رد : *The Lord*  ]        الساحة الجماعية لطلاب الصيدلة (جميع السنوات)       آخر رد : ....{SalaM}....  ]        اترك رسالة لشخص ... دون ذكر اسمه ...       آخر رد : gentleman  ]        حصريا تحميل كتاب امنيتي ان اقتل رجلا برابط مباشر       آخر رد : بنات الخليج  ]        مساعدة في مادة بحوث       آخر رد : salma............  ]        طلب مساعدة       آخر رد : Darkman9  ]        مشكورين - ادارة الاستثمار والمحافظ       آخر رد : amerali  ]        جيد - محاضرات مبادئ التمويل       آخر رد : amerali  ]        ما معنى تعويم العملة؟       آخر رد : الاسطورة22  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث 29-11-2017



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..
مواضيع مميزة..
طرق تنظيف النجف
طرق تنظيف البوتجاز والفرن
يوميات مهندس مدني !!!!!!!
لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت
مغتربون .. ولكن // ماذا تذكرت؟؟؟
الطرق الطبيعية للتخلص من الصراصير
نقل عفش
خدمات تنظيف بالكويت
همسات على جدران الزمن .................. (عطر)
أشدُّ الهلاك من أهلِك
الساحة الجماعية لطلاب الصيدلة (جميع السنوات)
حصريا تحميل كتاب امنيتي ان اقتل رجلا برابط مباشر
مساعدة في مادة بحوث
طلب مساعدة
ادارة الاستثمار والمحافظ



  ملتقى طلاب جامعة دمشق --> الـمـنـتــديـــات --> المنتديــات العــامــة --> ملتقى التسـالي والفرفشــة
    اسبوعا لكل عضو نعبر فيه عن حبنا....
عنوان البريد :  
كلمة المرور :  
                    تسجيل جـديد


صفحة 70 من 76 <- 68 69 70 71 72->

مشاركة : 691


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

16-11-2010 05:42 PM




أسبوع لكل عضو نعبر فيه عن حبنا..

أنا بلشت من 20 10 تقريبا..
لهيك برأيي

كمل هالكم يوم..
يلا فرصة أخيرة للأسئلة..
وهيك بصير شهر لكل عضو..!!

المحبة من الله إي والله !!







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 692


سجى طراونه

جامعـي جديــد





مسجل منذ: 22-10-2010
عدد المشاركات: 17
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

19-11-2010 07:08 PM




شيماء من الأشخاص الي احتلوا مكانة بقلوبنا
بجرئتها ونصحها للغير ووقفتها معهم ...
وقوة طرحها لمواضيعها وردودها أُثبتت جدارتها في التعبير عن ذاتها ...!
والقدرة على الاستمرارية في العطاء للمنتدى وأعضاؤه من أهم مميزاتها ..

أسئلتي ... خفيفه !

- المنعطف الذي ساهم في تغيير حياتك  ... فتح لك جوانب كانت مقفله!؟ وأشعركِ بعدهُ أنك تفهمين الدنيا اكثر الان ؟

- سلسلة نجاحاتك التي تفتخري بها .. تم تحقيقها ؟

- امور في نظام حياتك تطبقيها .. الناس تعتقد انها خطأ ... وإنتِ بقناعاتك واثقه انها صحيحه !
في هذه الحاله كيف تستطيعين اقناعهم بصحة الامر  .. وكيف تحاولين تغيير منظور تفكيرهم ؟

-الى أي درجه بهمك كلام الناس .. عن تصرفاتك ؟ عن دراستك ؟ وعن قدرتك لاختيار صديقاتك المناسبين بالمكان والوقت المناسبين ايضا  ؟ وعن شكلك ؟


-لو حكمتي البلاد يوماً .. ماذا ستقولين ؟

-كلمة لأمك ؟ وأخرى لوالدك ؟ وواحدة للسيد ياسر !

-هل تشعرين أنكِ بحاجه الى ان تصرخي في مكان لا يسمعك أحد فيه .. ولماذا ؟
وإن فعلتي بماذا ستصرخين ؟

-ما رأيك بـ الحياه ؟

-هل شعرتي بوحده يوماً ؟ ... برغم وجود جميع محبيك بجانبك ؟


- ماذا تعني كلمة أحبك برأيك ؟

-كيف تستطيعين الخروج من صدمة عاطفيه ؟ .. بالنسيان ؟ هل هو الحل ؟

-بجمله كيف تستطيعين التعبير عن حبك للغير ؟


-بأي درجه من درجه من درجات الايمان انتِ الان ؟

-شيماء .. واثقه من نفسها لدرجة تنصيب نفسها كعضو في جامعة الدول العربيه ؟ ماذا ستفعلين ؟

أين يكمن جرح شيماء ؟ .. إن كان هنالك في ثناياكِ أحد الجروح ..التي لا نخلو منها نحنُ جميعاُ .. بتجربتك وبرأيك .. هل سيألتم يوماُ ؟



أخيرأآآآ


- أين أنتِ الآن ؟ .. وأين تنظر أعينكِ ؟

وهل ستسرقكِ منّا مشاغل الحياه يوماً ؟؟؟؟!





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 693


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

19-11-2010 08:15 PM





اقتباس
شيماء ......................
........................ جدارتها في التعبير عن ذاتها ...!
والقدرة على الاستمرارية في العطاء للمنتدى وأعضاؤه من أهم مميزاتها ..


أوف أوف ..كل هاد؟ ما شاء الله حولي    ههه


اقتباس
أسئلتي خفيفة!!

واضح :)


اقتباس
المنعطف الذي ساهم في تغيير حياتك ... فتح لك جوانب كانت مقفله!؟ وأشعركِ بعدهُ أنك تفهمين الدنيا اكثر الان ؟


السنة الماضية
سنة القعدة بالبيت..سنة خلتني فكر بكتير أمور وعيد ترتيب أولوياتي وجرب كل شي كان بدي جربه من قبل..سنة الثقافة بالنسبة إلي السنة الذهبية لحد الآن


اقتباس
سلسلة نجاحاتك التي تفتخري بها .. تم تحقيقها ؟


سلسلة النجاحات
بداية إنيختمت القرآن صف سادس
إجازة التجويد عاشر
وبدء الدعوة العام الماضي..بشكل موسع..
والسنة بدءتحفيظ القرآن بالتجويدوإن شاء الله السنة الجاية بكون خرجت شي عشر مجازات

هاي يلي بفخر فيها لحد الآن وكلها بتوفيق من الله


اقتباس
امور في نظام حياتك تطبقيها .. الناس تعتقد انها خطأ ... وإنتِ بقناعاتك واثقه انها صحيحه !
في هذه الحاله كيف تستطيعين اقناعهم بصحة الامر .. وكيف تحاولين تغيير منظور تفكيرهم ؟


في البداية الشي يلي مقتنعة أنه صح والناس مو مقتنعة فيه
رح يكون شرعا صحيح عرفا موصحيح ..


لهيك بقنعهم بصحة الأمر شرعا!!..وهالشي بكفي لأنه نحنا مو عباد للتقاليد يلي مالها أساس من الصحة!

أما منظور التفكير ممكن يتغير ممكن لأ..أنا بوضح فكرتي وبثبتلهم صحة يلي عم ساويه بس..إذا هنن ما حبوو يتبنوا أفكاري هنن أحرار..بس أن يلي مقتنعة فيه رح ساويه  ..بلا شك


اقتباس
الى أي درجه بهمك كلام الناس .. عن تصرفاتك ؟ عن دراستك ؟ وعن قدرتك لاختيار صديقاتك المناسبين بالمكان والوقت المناسبين ايضا ؟ وعن شكلك ؟



*تصرفاتي ..مابهمني كتير..غير إذا كان نقد بناء..مونقد لأجل النقد وبس..بس غالبا ما بغير كتير لأنه شخصيتي متميزةوتصرفاتي متميزة ولهلأ تصرفاتي أساس نجاحي بكتير أصعدة..
*دراستي ..ماحدا إله فيها بنوب..لأنه على قولة رفقاتي ..ما بينخاف عليي..من صغري اتعودت على نظام معين..ما استعنت بأمي مثلا ولا عندي اتكال على حدا وعلاماتي دايما full..الحمد لله
وعلى فكرة من أهدافي..يصير إلي مركز بوزارة التربية والتعليم لغير طرق إعطاء المناهج لأنه صراحة فاشلة

*إختيار صديقاتي سمعت كتير بس بالأخير ما بصح إلا الصحيح وبيطلع اختياري صحيح ..لهيك بطلت الناس تحاكيني بهالقصة..بس لا عيب من الاستماع للآراء..
* شكلي..أنا إلي خطموضة خاص فيني ما بتبع حدا باللبس ولا بتبع أسلوب معين ولا بسمع لحدا بنووووب..:) كالعادة يعني هه



اقتباس
لو حكمتي البلاد يوماً .. ماذا ستقولين ؟


لن أقول شيئا والله..
عندها سأفعل وسأفعل الكثير..بإذن الله

أول ما سأفعل..البطانة السيئة بلاقيلهن تصريفة معتبرة ترد كرامة الشعب المهان


اقتباس
كلمة لأمك ؟ وأخرى لوالدك ؟ وواحدة للسيد ياسر !


ماما..الله يعينك..

بابا..اسمعني يا بابا أكتر ما تسمع للناس!

ياسر..والله ما بعرف شوجابك لهالثلاثيةالتحفة! بس هيك سجى بدها..بقلك..مودائما القرار الأول صح!


اقتباس

هل تشعرين أنكِ بحاجه الى ان تصرخي في مكان لا يسمعك أحد فيه .. ولماذا ؟
وإن فعلتي بماذا ستصرخين ؟


كنت بحاجة..
بس اتعلمت شغلة..
لوفي شي مدايقني مارح يفيدني اصرخ لحالي..
لا بدي اصرخ ويسمعني الكل..والغلطان بده يعرف بشو غلطان..

أحيانا ..بتحاور مع كتير أجانب..بتمنى امسكهن إصرخ بوجههن..قلهن
لك مشاااااااااااااااااااااااااااااااان الله إصحوا!!!!!!!!!!

بس برجع بقول هالصرخة لازم تكون إلنا نحنا المسلمين قبل..
وياما صرخت يا سجى..
وسنستمر..أول مرة صرخت كانت بموضوع..حدا محروق مثلي يا جماعة الخير؟

وتبينلي إني محروقة لحالي
ههههه

وشكلي رح انشوى بهالمقلاية على إيدك يا سجى



اقتباس
ما رأيك بـ الحياه ؟


اختبار رائع بكل مراحله..أرقى أسلوب تعليمي لهلأ مرق عليي!



اقتباس
هل شعرتي بوحده يوماً ؟ ... برغم وجود جميع محبيك بجانبك ؟


اي شعرت وكان شعوري خاطئ..مجرد تجربة شيطانية لأفقد الثقة والعزيمة..وباءت بالفشل الحمد لله.. وكان غيرك أشطر يا شيطوني ..ههههه




اقتباس
ماذا تعني كلمة أحبك برأيك ؟


أحبك=أتمنى قربك في الجنة


اقتباس
كيف تستطيعين الخروج من صدمة عاطفيه ؟ .. بالنسيان ؟ هل هو الحل ؟


ممممم
صدمة عاطفية؟؟

بإعادة التفكير ..لأنه كل فعل عليه ردة فعل..وفشل التجربة العاطفية بكون سببه البداية غلط..

بعد إعادة التفكير رح لاقي أنه يلي بلش صح بينتهي صح
ويلي بلش غلط رح ينتهي غلط..
فأنا ليش مصدومة وهالشي متوقع من أول خطوة؟
إذا في صدمة أنا جبتها لنفسي ومن الأول (من جوا) أنا كنت بعرف رح يجي يوم وتجي هالنهاية..

والنسيان مو حل لأنه مجرد التفكير أنه بدي إنسا مستحيل إنسا!!


اقتباس
بجمله كيف تستطيعين التعبير عن حبك للغير ؟


جملة من أنشودة بحبها

إني أحبك يا أخي في الله لا أخشى الملام

بحسها معبرة لكل شي حلو بالدنيا..:)



اقتباس
بأي درجه من درجه من درجات الايمان انتِ الان ؟


ممم
والله..
درجة أعلى من قبل بكتير رغم إني من صغري حافظة للقرآن معتمرة وحاجة..بس الإيمان شي تاني ..ثمين كتير..حسيت بطعمته من قريب..

مابظن درجة إيمان عالية جدا لكن عالية نسبيا..والدليل إني حاليا بقمة السعادة.. :)


اقتباس
كعضو في جامعة الدول العربيه ؟ ماذا ستفعلين ؟


ههههه
آآآآخ بس

عندي رفيقة دنماركية ..يعني أكبر مني بشي 40 سنة..بتقلي إنت لازم تكوني عضوة بشي برلمان..!!
والله يا سجى كنت عملت العمايل..ابتداءا من المحرمة يلي بالشارع..للمفاعل النووي الجديد بالإمارات..

كنت أول شي..قلعت العواينية..وعلى قولة.. هداك تبع عدنان ولينا
الموت للخونة..!!!

أول شي كنت قلتلهن رجاء جلسات مغلقة مابدنا وخطابات مطبوعة مسبقا ما بدنا..هاتو حل والحقوني عالطيارة يلي عم تستنى برا رايحة للقدس ..!!


اقتباس
أين يكمن جرح شيماء ؟ .. إن كان هنالك في ثناياكِ أحد الجروح ..التي لا نخلو منها نحنُ جميعاُ .. بتجربتك وبرأيك .. هل سيألتم يوماُ ؟



جرحي بيوجعني أحيانا..بس بحط عليه ملح..
وبسكته..
لأنه ماعندي وقت ضيع حياتي عليه..
ومارح وقف حياتي لحتى يلتأم لأنه مارح يلتأم!!عالأقل مو قريبا

وحرفيا لما يوجعني..بوقف وبقول بصوت عالي..يلي جوا راسي اطلع منه لأني مو فاضيتلك..

أنا إنسانة همومي عالية مارح توقف عندك لا تحلم


اقتباس
أين أنتِ الآن ؟ .. وأين تنظر أعينكِ ؟

أنا ببداية طريق مستقيم وعر..بس مستقيم وواضح المعالم..
عم اطلع لفوق للنهاية..

صح لسا بالبداية بس المهم إني عرفت بأي طريق بدي إمشي


اقتباس
وهل ستسرقكِ منّا مشاغل الحياه يوماً ؟؟؟؟!


لا أبدا..هالمنتدى من ضمن مشاغلي وضمن الطريق يلي بدي إمشيه

شكرا سجى خانوم لمرورك..
أسئلة صعبة..طوييييلة..

شكرا إلك بس والله اتسليت وعطيتيني فرصة لنظم أموربحياتي

شكرا مرة تانية





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 694


Dr.Bicuspid

عضو ذهبي


o0o( ... Use It ... )o0o




مسجل منذ: 20-02-2010
عدد المشاركات: 2028
تقييمات العضو: 0
المتابعون: 85

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

20-11-2010 12:13 AM





اقتباس
-لو حكمتي البلاد يوماً .. ماذا ستقولين ؟


     


اقتباس
لن أقول شيئا والله..
عندها سأفعل وسأفعل الكثير..بإذن الله

أول ما سأفعل..البطانة السيئة بلاقيلهن تصريفة معتبرة ترد كرامة الشعب المهان


     

جاوبتي كماااااااااان ؟؟؟

مو كأنه عم تتعدوا على حقوقنا يعني    ؟؟؟

إذا نيتكون سليمة .. مو مشكلة 

....................

يلا مرينا ومرينا .. خلينا نسأل سؤال ..

- شيما هل تغير كل شيء إلى ما يناسبها ؟؟ أم أنها أحياناً تحاول التلائم مع الوضع ؟؟

والسلام عليكم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 695


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

20-11-2010 12:27 PM





اقتباس

شيما هل تغير كل شيء إلى ما يناسبها ؟؟ أم أنها أحياناً تحاول التلائم مع الوضع ؟؟



إذا الوضع غلط
لا بغيره ما بتأقلم معه..
إذا الوضع صح..
وجديد..
لا بتأقلم معه..بس طبعا إلي طريقة بالتأقلم وبتتطلب تغيير بعض الأمور

يا هلا بدكتورنا..

ماشاء الله كله دكاترة وصيادلة ودكاترة أسنان..

ماحدا من غير كليات سألني كأنه !!

أستاذ أبي وين التعدي إذا حكمنا:)))





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 696


ابو البين

جامعـي اســتثنائي





مسجل منذ: 06-03-2009
عدد المشاركات: 595
تقييمات العضو: 4
المتابعون: 22

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

20-11-2010 02:32 PM




السلام عليكم ...

انا بصراحة ولا مرة شاركت بالموضوع .. فكرتوحلوة والله ..

اليوم حطيت حالي واعدت اقرءالاسئلة من اول ما نحطيتي بالمقلاية لهل.ء...

وحبيت شارك بكم سؤال ..من باب الفضول ..

هلء انتي في مرة انحطيتي بموقف وانفصلتي من المنتدى وتحت شعار

المنتدى للمعرفة لا للتعارف

ياترى هل شي ما سببلك احراج كونك داعية؟؟

ويا ترى كان ظلم هل قرار ولا بتستاهلي؟؟

وحسب ما فهمت انو الدردشة هي يللي كانت السبب وراء هل قرار ..يعني مو انو مسجات عل

خاص فهل يعني تسليمك لادارة الدردشة بتعتبريه بمتابة الاعتزار هاد في حال كان القرار ظالم ..؟؟


باعتبارك داعية ..معلوماتك الفقهية والعقائدة المفروض تكون كبيرة .يا ترى بتشمل (با ترى بتشمل

الاختلاف بالطوائف ئصدي مثلا بين (السلفيين والصوقيين )..يعني باختصاراذا عندي كم سؤال

خرج استفيد منك بهل الخصوص؟؟

وبالنسبة لنظرتك للمدخينين ..يعني معئول ساويتي كخة وما بيستفاد منو ولا بليرة ..

هوو بالنهاية الانسان المدخن مبتلى ابتلاء كبير ومو سهل ..ان شاء الله الله بعافي بكل مبتلى ..
وبالاخير لاحظت برد من الردود


اقتباس
بحب كتير أشياء بشخصيتي.. ويلي ما بحبه قليل بس أهمه شوفة الحال..هاي نقطة ضعفي ومميك شيطاني عليي!! بس كمان عم تتروض هالنفس وعم كسرها لتبطل تشوف حالها


منيح يللي بتعرفي انو هون ممسك الشيطان عليكي لانو حلوة الثقة بالنفس بس موضوع شوفة الحال موضوع كتير خطير



لا يدخل الجنة عبد في قلبه مثقال ذرة من الكبر الراوي: عبدالله بن سلام المحدث: الألباني - المصدر: إصلاح المساجد - الصفحة أو الرقم: 170
خلاصة حكم المحدث: صحيح


ان شاء الله ربي بخلصك منها وبتمنى من كل قلبي التوفيق بحملتك الدعوية ..


بعتذر اذا كانت  ئسئلتي ومداخلتي غليظة عليكي شوي .. وبامكانك ما تجاوبي اذا دايئتك ..

سلام








ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 697


Dr.Bicuspid

عضو ذهبي


o0o( ... Use It ... )o0o




مسجل منذ: 20-02-2010
عدد المشاركات: 2028
تقييمات العضو: 0
المتابعون: 85

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

21-11-2010 06:26 PM





اقتباس
أستاذ أبي وين التعدي إذا حكمنا:)))


شو بعرفني !!!

يمكن لو لازم تحكموا كان من الأولى تحكم بنت خير الخلق "صلى الله عليه وسلم"

مهيك ؟؟؟

يعني أنا ما بعرف بهالأحكام هي والله .. بس يللي بعرفه هو عدم صلاحية المرأة للحكم وبس !

ومو خرج نفتح نقاش عن هالشي هلأ ... :)

السلام عليكم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 698


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

22-11-2010 08:52 AM





أهلا وسهلا
أخي أبو البين زميلنا بقسم الرسول القدوة

هلء


اقتباس
انتي في مرة انحطيتي بموقف وانفصلتي من المنتدى وتحت شعار

المنتدى للمعرفة لا للتعارف


نعم :)



اقتباس
ياترى هل شي ما سببلك احراج كونك داعية؟؟

ويا ترى كان ظلم هل قرار ولا بتستاهلي؟؟


طبعا سببلي إحراج لأنه مارح اقعد اشرح الموقف للكل

برأيي كنت بستاهل لأني ببساطة نقضت قانون من قوانين المنتدى وهو تبادل الإيميلات..ووقتها بعتت رسالة للحجي ياسر..
قلتله أنا بتشكرك كتير لأنك حامي هالمنتدى تمام :)

بس طبعا شو نيتي من وراء تبادل الإيميلات..بحتفظ فيه لنفسي..وأكيد الله شاهد


اقتباس
فهل يعني تسليمك لادارة الدردشة بتعتبريه بمتابة الاعتزار هاد في حال كان القرار ظالم


لا ما اعتبرته بمثابة إعتذار..
وللعلم..كان مكتوب برسالة الطرد..
والله لو أن فاطمة بنت محمد سرقت لقطع محمد يدها..

وصراحة هالرسالة كانت بحد ذاتها بتحمل كتير معاني بالنسبة إلي..

تسليمي الإدارة بالنسبة إلي كنت بستحقه..كوني صرت خبيرة بكل خفايا وألاعيب الدردشة..مابعرف شو رأي ياسر وليش سلمني الإدارة غير لأني فاضية كنت!!
بس بالنسبة إلي كانت فرصة صفي حسابات مع ناس بتستاهل..واحمي بنات المنتدى وشبابهن من أكبر مصيبة بالنت!!
يعني ساعدني كداعية :))

يا ترى بتشمل (با ترى بتشمل


اقتباس
الاختلاف بالطوائف ئصدي مثلا بين (السلفيين والصوقيين )..يعني باختصاراذا عندي كم سؤال

خرج استفيد منك بهل الخصوص؟؟


والله أنا ما بحتاج اتعمق كتير بهالأمور لما منحكي بموقع أجنبي وعن الإسلام بصورة عامة..
لأنه بالنهاية نخنا ما بدنا نفوتهن بمتاهات ونخربطهن بدنا نعطيهن صورة الإسلام النقية من أي تدخلات..
بس بالنسبة للصوفيين والسلفيين..صار عندي فكرة واضحة..وصار فيني دافع عن فكرتي..وفهم الناس الخربطة يلي صايرة..
خصوصا أنه ببلد الخليج بيعتبرو بلاد الشام صوفية كفرة..وهنن سلية..وعلى طول في نقاشات بهالأمور..للأسف بروح فيها مشايخ بالنص!!

عكلن اتفضل اسأل برسالة خاصة ::))


اقتباس
وبالنسبة لنظرتك للمدخينين ..يعني معئول ساويتي كخة وما بيستفاد منو ولا بليرة


مستحيل أخي يستفاد من هالإنسان بشي عظيم..إلا إذا ترك الدخان..
مستحيل..عطيني مثال لشخص أدى خدمة للبشرية وكان مدخن!!

هو اي الله يعافي كل مبتلى..ما هو حتى الفاسق مريض!!

(ماعم قول المدخن فاسق عفكرة)


اقتباس
ان شاء الله ربي بخلصك منها وبتمنى من كل قلبي التوفيق بحملتك الدعوية


هو الحمد لله يلي أنا بعرف أنه هي نقطة ضعفي..هاي الخطوة الأولى..ومثل ما قلت من قبل..في تحدي حالي بيني وبين شيطاني بعدة أمور منها شوفة الحال.. المشكلة بس شيطاني قوي مثلي هههه
ادعولي إنتو بس..

وشكرا لمرورك أسئلتك حلوة !!

:) تحيتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 699


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

22-11-2010 08:56 AM





اقتباس
يمكن لو لازم تحكموا كان من الأولى تحكم بنت خير الخلق "صلى الله عليه وسلم"

مهيك ؟؟؟

يعني أنا ما بعرف بهالأحكام هي والله .. بس يللي بعرفه هو عدم صلاحية المرأة للحكم وبس !

ومو خرج نفتح نقاش عن هالشي هلأ ... :)


اي بهاد الحق معك حق
:)

بس هو احتمال..
ممكن ما كون أنا الحاكمة ...ممكن كون من بطانة حاكم !! ههه صعبة بس إحتمال..وممكن بيوم يصير الشعب يقرر والحاكم ينفذ..!!

شو رأيك وقتها بيتحقق حلمي؟





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 700


THE ANGEL

جامعـي مبـدعـ




مسجل منذ: 16-11-2009
عدد المشاركات: 214
تقييمات العضو: 0
المتابعون: 4

غير موجود
اشــترك بالتحديثات
رسالة مستعجلة

رد مشاركة : اسبوعا لكل عضو نعبر فيه عن حبنا....

23-11-2010 06:27 PM




مرحبا شيماء...أنا آسفة كتييير أجيت متأخرة ع الموضوع...بس هلأ حتى شفته...

أنا ولا مرة شاركت بالموضوع وهي أول مرة...انشالله أعرف أسأل وما خبص متل العادة...


أول شي شيماء...ليش تركتينا وتركتي جامعة دمشق من بعد السنة الأولى...؟


تاني شي...لما دخلت للموضوع وقرأت ردودك...عرفت ولأول مرة أنك داعية...أنا بدعيلك بالتوفيق وانشالله يا رب بتحققي النجاح يللي بتتمنيه بهالمجال...بس سؤالي:
شو طبيعة الأشخاص يللي بتتوجهي ألهم بدعوتك...؟

وليش بتحسي أنو لازم تدعيهم...؟

وكيف بتئدري تقنعي شخص غير مسلم بالانضمام للدين الإسلامي...؟


تالت شي...ليش عندك موقف عدائي جداً تجاه الشخص المدخن...؟

نزار قباني كان مدخن...بس كمان كان ورح يبقى من أعظم الشعراء العرب وأكثرهم عبقرية...

هدول أسئلتي...بتمنى ما يكونوا أزعجوكي...وشكراً سلفاً على أجوبتك...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

التعليق باستخدام الفيسبوك
صفحة 70 من 76 <- 68 69 70 71 72->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة