اقتباس

اذا بتسمحيلي شيماء خانم ..

ولو المقلاية مقلايتك 

اقتباس

هلئ انا بشوف هي النماذج كترانة بالمجتمع وبشكل كبير

بالمقابل النماذج المعاكسة كترانة كرد فعل عكسي

اقتباس

طيب برايك التفاحة المنزوعة ما ممكن تعدي التفاحة السليمة ... حتى فيا تعدي صندوق تفاح ...

هاد مثل من الأمثال القديمة يلي بتثبط المعنويات...
والله أخي الكريم من يلي شفته وجربته ..يلي عنده قابلية ينتزع رح ينتزع لأنه أصلا مدود من جوا..بس والله يلي من جوا نظيف وين ما حطوه ما بيتأثر..ولعلمك أخي الكريم بعرف كتير بنات عاديات من جيلي..ملتزمين ضد رغبة أهليهن..محتشمات ضد رغبة أهليهن ..والناس المحيطة فيهن (مدودة) وهنن كل مالهن من حسن لأحسن..!
وفي بنات ملتزمات بيجو عالسكن يلي مافيه مراقبة أهل ومافي محاسبة على شي ورفقاتهن قمة في قلة الأدب ومع ذلك بتلاقيهن راكضين ورا الدين..
والعكس موجود ..بس يا دكتور..إذا بدك تضل تطلع عالناس يلي مو منيحة ..روحت الكل بجريرتهن! الكل صار مو منيح؟ والكل رح ينعدى؟
من قال هلك الناس فهو أهلكهم!

القرآن علمنا ما نعممبكل الآيات بتلاحظ .."ومنهم أمة..".."ومن أهل الكتاب من إن تأمنه...ومنهم من إن تأمنه .." والرسول كان دايما يطلع عالجانب المشرق..إذا أهل الطائف يلي كلهن أذوه رفض يتعاقبو ويطبق عليهن الجبلين..وهاد الرسول..وهالناس كانو كفرة..
نحنا بدنا نيأس؟ ومن المسلمين؟

اقتباس

شو الاساليب والخطط يلي بدك تتبعيا

الأساليب
باختصار هو الإحسان بكل شي..

الطرق والخطط ذكرتها برد سابق لما حكيت عن أهدافي..ولما تتحقق هالأهداف بخطط لأبعد منها..بس مثل ما علمنا الدكتور طارق سويدان يلي بده يوصل لهدف كبير لازم يتدرج بالأهداف وتكون أهدافه محددة قابلة للقياس..
يعني ممكن تشوف أنه أهدافي يلي كتبتها بعيدة عن تغيير وجه العالم ..بس لازم الواحد يتدرج..

اقتباس

وشو المحفزات وشو المنغصات ((ان صح القول )) يلي ممكن تواجهك ...

المحفزات هي محفز داخلي..مجرد سعادتي لوصولي لهدفي هي محفز..
المنغصات دائما موجودة..بس سهلة التجاوز الحمد لله..بس لازم يكون في منغصات..
فيلسوف هندي بقول..

إن لم تواجه مصاعب في طريقك فاعلم أنك في الطريق الخاطئ

اقتباس

برايك مين السبب بهالشي ... ممكن لانو اخدنا الاسلام عن وراثة وبس ... ولا في شغلات تانية اثرت

هو هاد السبب ..أنه أغلبنا مسلمين وراثة ما منفكر ليش نحنا مسلمين..وهاد كان سبب موضوعي خايف حدا يسألك ليش مسلم؟
أما المسلمين الجدد بكونو اقتنعوا وفكرو بكل صغيرة وكبيرة بالدين قبل ما يسلموا..فأكيد إسلامهن دليل فهمهن الكامل..

اقتباس

وبصراحة انا بعترض على كلمة

اقتباس

وأحسن منا بكتير

من اي جهة وعندنا الدعاة والعلماء

نحنا عنا علماء..
بس هنن بيسلموا وبعد كم سنة بصيرو هنن العلماء..
نحنا مولودين عالإسلام وآخر أهدافنا نطلع علماء..
هاد الفرق بيناتنا..

أنا بفخر بعلمائنا وعلماؤهن بس لا هدول ولا هدول رح يفوتوني الجنة ..أنا بشغلي بفوت..!

اقتباس

ليش ما بتشوفي المدخن على انو مريض وانو لازم تكرهي الصفة بالمسلم ..
وكلمة عبد لغير الله ... انت هون كفرتي انسان ...وطالعتي عن الاسلام بهيك كلام ...
وخصوصي في اكتر من 700 مليون مسلم مدخن !!!!!

اي الحمد لله الله معافيك من هالمرض..هو فعلا مرض..بس هالمرض مو مثل أي مرض..كل الأمراض بتجي بدون ما نقصد..بس هالمرض المدخن هو جابه لحاله..وهو مصر يضل مريض!!

القصة مو تكفير..
بس في ناس عابدة للدنيا
عابدة للشهوات
عابدة للمخدرات
عابدة للدخان..

ممكن يكونو مسلمين بس أبدا مو مؤمنين..لأنه ركن الإيمان والعبودرة لله مو كامل..
وهيك ناس..عبدة السيجارة بعمرهن مارح يكونو أصحاب همم عالية ..إذا سيجارة مسيطرة عليه ..!!!

شكرا لأسئلتك الحلوة جدا..استمتعت بالإجابة صراحة

عودة قريبة....

رح ارجع اسأل كم سؤال....بس قبل بدي تردي
ليش ضايع شوي....
ومن وين استمديتي هل احساس!!!!

أسئلتي....لما بتواجهي بحياتك أحد المسلمين عم يقوم بتصرف ما بالعمل أو بالتجارة بشكل مسيء للاسلام أو منافي له سواء كان دكتور بالجامعة أو مدير شركة أو موظف بتجي بتنصحيه؟ ولا بتواجهيه وبتذميه؟ ولا بتكتفي بالحكي عليه ولوم المجتمع؟؟؟

كمان سؤال...انك ما جاوبتيني على موضوع الفتوى على التلفاز.....انتي أيدتي الفتوى واجيتي ضد المجتمع....طبعاًَ ذكرت عسبيل المثال لا الحصر الفتوى بإفطار الصائم في رمضان إن كان عاملا بعمل شاق....لكن لما بتجي فتوى متل إرضاع الكبير مع انها مستمدة من القرآن والسنة وبتنعرض عل تلفاز....متل هل حالة شو بيكون موقفك؟ هل لوم المتفرج؟ ولا لوم القناة الاعلامية؟ ولا لوم المفتي وجامعته؟
وسؤال مستمد من السؤال السابق....ليش التبني حرام؟ مع انو عم يكون الو دور كبير بخدمة المجتمع, إن كان الطفل يتيم, وإن كان الأبوين لا ينجبان الأطفال!
كمان سؤال....ليش المنيكير عأصابيع الايدين بتفسد الوضوء للبنت....علماً أنو مو من أركان الوضوء وصول الماء للأظافر, لأنو غسل اليدين سنة, وانما الفرض بغسل الساعد من المعصم للمرفق!

وسؤال أخير....أيهما ترين الفساد قد غطى معظم أرجائه:
سوريا أم دول الخليج...وما السبب الجهل أم المال....وما هو الحل مبدئياً؟

حلوة كثييييير الفكرة
بس أنا إيمتى دوري




                       

   

يا أهلا بعودتك دكتور أحمد

اقتباس

ليش ضايع شوي....
ومن وين استمديتي هل احساس!!!!

بتتذكر لما بمنتدى أوبرا شاركتووصفت نفسك بالليبرالي؟
بحس عندك فكرةأنه يلي بفكر شوي أو بناقش بالدين هو المتحرر(الليبرالي) بينما هالشي أصلا مطلوب لفهم الدين..والدين مو كبت للحرية..كلمة مسلم تعني ليبرالي تعني متحرر....بحسك مفكر المتدينين محرومين من الحرية ..وأحيانا بحسك ضايع بنقاشاتك والفكرة عندك مووضاحة .. بكفيك لهون

مابعرف يمكن إحساسي غلط!

اقتباس

بتجي بتنصحيه؟ ولا بتواجهيه وبتذميه؟ ولا بتكتفي بالحكي عليه ولوم المجتمع؟؟؟

بنصحه طبعا ودغري بأسلوب عتابي قوي..بين المواجهة والنصيحة..لأن هيك أشكال هي يلي بتشوه سمعة الإسلام بعيون العالم وهالشي بده قوة موبس نصيحة عالهادي!

اقتباس

لكن لما بتجي فتوى متل إرضاع الكبير مع انها مستمدة من القرآن والسنة وبتنعرض عل تلفاز....متل هل حالة شو بيكون موقفك؟

لا عفوا مستمدة من القرآن والسنة كيف بقا وهيمخالفةركن ديني وشرعي أساسي وهو أنه عورة المرأة على الرجلكل جسدها..هاد اسمه تحايل ولف ودوران عالقرآنوالسنة مومستمدة أبدا..

اقتباس

ولا لوم المفتي وجامعته؟

مفتي ومتجاهل أسايات الدين؟؟؟ أي مفتي هاد؟؟

اقتباس

ليش التبني حرام؟ مع انو عم يكون الو دور كبير بخدمة المجتمع, إن كان الطفل يتيم, وإن كان الأبوين لا ينجبان الأطفال!

لأنه في تضييع للأنساب..والنسب شي منمقاصد الشريعة حمايته..
إذا الأبوين لا ينجبو والطفل يتيم..في شي اسمه كفالة يتيم..يربوه بالبيت لوبدهم ويصرفو عليه ويحسو أنه مثل ابنهم بس لا ينسبو إلهن ..صلى الله وبارك..
محلولة

اقتباس

علماً أنو مو من أركان الوضوء وصول الماء للأظافر, لأنو غسل اليدين سنة, وانما الفرض بغسل الساعد من المعصم للمرفق!

الفرض غسل اليدين من أطراف الأصابع إلى المرافق..مين قال غسل اليدين سنة؟
لهيك المناكير ما بصح فيه الوضوء..
ولعلمكفي مناكير حاليا بقولوعليه إسلامي..
يلي قاتلةحالها على شوية ألوان على أصابيعها ومابدها تروح الصلاة تجيب هالنوع!!

(كرأي خاص بس..يلي عقلها بالمناكير بحياتها مارح تعمل شي لهالمجتمع ..الهمة على قدر الهموم يعني مافيها همة أكبر من أظافر!)

اقتباس

أيهما ترين الفساد قد غطى معظم أرجائه:
سوريا أم دول الخليج...وما السبب الجهل أم المال....وما هو الحل مبدئياً؟

بالاتنين في فساد وفي إصلاح..بسوريا صار الفساد بازدياد من نواحي والحمد لله كمان في نواحي دينية اتحسنت ماكانت من قبل..والكل بيعرفها..
وبالخليج حاليا الإصلاح شي واضح جدا..الانفتاح على باقي الدول ونظرة التكبر يلي عم تقل..واستغلال المال بشي مفيد للمجتمع شي ملاحظ..
والتعصب عم يقل كتير..وبنفس الوقت في فساد..
باختصار الصراع هاد مستمر ..وطول مافي صراع معناها لا الفساد غالب ولا الإصلاح غالب..

الحلول متعددة وسبحان الله كل منطقة الله اختبرها بشي..فمثلا اختبر أهل الخليج بالمال..بس لوالمال يجي لأهل الشام لتطلع الناس من دينها..ولو التاريخ المجيد والعلماء الكتار والطبيعة الرائعة تجي لأهل الخليج كمان ليشوفو حالهن ليطلعو عن دينهم..بس نصيحة لأهل سوريا..
لا تشوفو حالكم على أهل الخليج لأنه جد صفة كتير بشعة..ماحدا أحسن من حدا نهائي..

أهلا بالدكتور أكيد لك عودة مو؟

طبعاً الي عودة....

بتذكر اني قلت عن حالي اني ليبرالي وما زلت...
بس أبداً مو للسبب اللي انتي ذكرتيه (ما بعرف من وين بتجيبو الاستنتاجات) "عم احكي متل ما انتي بتحكي وبتنقضي الناس   مرئيلي ياها"

أنا ليبرالي مو لأني بشوف اني فيني ناقش بالدين بينما غيري ما بيئدر....بس ليبرالي, لأنو ما بشوف انو ممكن انتمي لطائفة أو جماعة معينة بالتصرفات, أو اني ملتزم أفكارها , ليبرالي يعني لو يهودي بيقلي انوعدد كبير من الفلسطينيين هنن اللي باعو أراضيهن لليهود اللي باعتينهن الانكليز للأراضي الفلسطينية بقلو معك حق, ما بصف مع المسلم أو العربي, لكونو عربي, وإنما بفكر برأيي بتجرد وبحيادية.لو الأقلية الأرمنية بسوريا بتخوض بقاشات حول وضعهن الحالي بالبلد بخوض النقاش وما بنتمني لتعصب انتمائي! ولعلمك ما كتير بحب ناقش بالمنتدى ولا ناقش أي عربي, لأنو  لغة العربي هي لغة الخوار بدلاً من لغة الحوار...معلش سامحيني عل كلام....
ليبرالي يعني بشوف انو التحرر من أي فئة أو قوم....بيأهلني لادخل بثقافات تانية وجديدة, اطلعني من الجو الروتيني العام بدون ما كون عم احكي بلساني عن لسان قومي

المسلم الصح هو المتحرر والليبرالي يا دكتورنا..وهاد كان اعتراضي..
لأنه كونيمسلمة بحتم عليي قول الحقولوكان ضدي
بحتم عليي اتبع الآية"ولا يجرمنكم شنآن قوم على ألا تعدلوا"

بحتم عليي فكروما اتعصب..

قول مسلم وبكفي هاد كان قصدي :)
تحياتي

هلأ أنا معك....بس لوضحلك اني بنقاشاتي بكون عم احكي عن نقطة محددة
أنا لما قول انو ليبرالي...بقصد فيها كمان انو ماني متمسك بقيود معينة, ولا عامل شروط حظر عحالي...
يعني على سبيل المثال لا الحصر, لما انعزم عحفلة عيد ميلاد مختلط
بطق فتيش ومنلعب ألعاب ومنقطع قالب الكيك سوا...
يعني لو قلتلن مسلم (حاف) رح يقولولك مو المسلم ممنوع عليه الاختلاط
إلا اذا كان للضرورة أو للعمل أو العلم
ونحنا بالنهاية بالجامعة ولا بالمنتدى عم نختلط....
لذلك ما بحب اللف والدوران....أنا مع الاختلاط وضد الفلتان
لذلك بقول اني ليبرالي...بيكفي ليبرالية لهون ولا كمان؟

إي مشان هيك قلتلك ضايع شوي
:)

منختلط بالجامعة بس ما منلعب سوا!!
والمسلم ماله
إمعا..

عكلن شكلك إنت يلي صرت بالمقلاية ههههه

تحياتي

هو من شان هيك ما حبيت كمل النقاش هون...
لو انكن الله يخليلنا ياكن فاتحيلنا الدردشة كنا كملنا هونيك....

بس يلله شو بدنا نعمل العتب عل زمن.....هههه

أنا بالنهاية هي قناعاتي اللي توصلتلا
لذلك بحب دور عل عادات الاجتماعية,,, أكتر من الحكي النظري

تحياتي

شكرا لمشاركتنا قناعاتك يا دكتور..

وشكرا لمرورك..
لو فتح الدردشة بإيدي ماكنت قصرت والله..

تحياتي