مرحبا أنا طالب سنة 1 كلية العلوم قسم الكيمياء بس حابب أعرف عن مجالات عمل طالب الكيمياء بعد التخرج غير التدريس بالتفصيل إذا ممكن.........





                                ولكم جزيل الشكر        

Hero
أول شي أهلا وسهلا فيك
تاني شي الفرع يلي اخترتو كتير حلو ومستقبلو منيح
يعني فيك غير التدريس  , تشتغل بمعامل صناعية متل صناعة الصابون و الشامبو .....
وفيك كمان بمعامل صناعة الأدوية , وممكن بمخابر , أو بمناطق يلي بيحللو فيها المواد قبل ما تنعرض بالسوق

طبعا أكيد في شي أكتر لأني أنا ما اتبحرت بهل الموضوع كتير كوني سنة تالتة كيميا . طبعا غير اذا كملت شي اختصص و اشتغلت فيه متل مثلا التغذية او ادارة كيميائية.
على كل حال الله يوفقك ويوفقنا

السلام عليكم :


أول شي أهلا" وسهلا" فيك يا أخ " Hero - 1990 " أول شي بدي قلك أنو الفرع يلي اخترتو فرع كتير حلو وممتع وأكيد ما رح تندم ...... طبعا" إذا فايت فرع الكيمياء عن رغبة .... المهم بما أنو أنا طالب قبلك بهالفرع ومع أنو أنا لسه سنة تانية بس بظن إني بقدر ساعدك ..... الكيماء فرع ممتع وأكيد ألو كتير مستقبل .... بالسنة التالتة أنت بتختص وبتختار بين أحد فرعين إما كيمياء تطبيقة أو كيمياء بحتة ..... أما الكيمياء البحتة فيكون مجال العمل فيها بعد التخرج  بالتدريس حصرا" ..... أما الكيمياء التطبيقية فيكون مجال العمل فيها هو بمعامل الأدوية والمنظفات والأغذي و وهو شغل كتير حلو ورواتبو مبها شي .... وإذا بدك في اختصاص تالت بس بحلب ( عم يقولو أنو بدن يفتحوا عنا كمان بس عطيني عمر ....) هو كيمياء حيوية و مجال العمل فيها بعد التخرج هو العمل بالمخابر للتحاليل الطبية والكيميائية وغيرو وهو شغل كمان منيح كتير ومالو كتير متعب .... هلق يمكن كمان اختصاص الكيمياء التطبيقية بيكمل بالعمل بالمخابر بس هي المعلومة الأخيرة مو أكيدة ..... وهاد طبعا" إذا مالك مفكر أنو بعد ما تخلص كيمياء 4 سنين أنو تكمل بأي جامعة خاصة صيدلة بعد ما تعادل الشهادة لأنو هي الشغلة ممكنة كمان .... هلق أنا بعتقد قلت كل شي ببالي .... بس إذا في شي لسه بدك تعرفوا عن الكلية أو عن المواد أو عن الدكاترة أو عن العملي أو عن أي شي بيخطر ببالك أنا بالخدمة ..... بس أنت بعات على هالموضوع رد وفيه أي سؤال وأنا رح تابع هاد الموضوع مشان جاوبك إذا في شي سؤال ...... وسامحني للأطالة عليك ..... وشكرا"  ....




سلام

عنجد بشكرك كتير وفيك تقول إني طمنت أنا سجلت الكيميا عن رغبة مع أنو كتير خوفوني أنها صعبة بس ما اقتنعت والسؤال أنو هي بجد صعبة بما أنك درستا ئبلي ؟؟؟والعمل بالمخابر إيمتى ببلش بالفصل الأول ولا التاني ؟؟
ونظام الأمتحانات كيف مؤتمت أم عادي؟؟؟


وبشكرك كتير عم عذبك معي وبتمنى التقيك بالكلية يا سيد غياث

hero
هلأ الكيمياء أكيد مالها سهلة ولا هي بهل الصعوبة الفظيعة , بس كتير حلوة اذا فهمتها و تعمقت فيها

ومشان العملي عندك انت بالسنة الاولى  بكل فصل مادتين عملي وحدة فيزياء ووحدة كيمياء كتير حلوين وسهلين

ومشان الفحص كلو  نظام تقليدي , ما عدا الانكليزي بكل السنسن مؤتمتة , وفي كمان كم مادة متل ك2 و ف2 بالسنة الاولى
تقبل مروري

السلام عليكم :


أول شي مرحبا أخ " Hero - 1990 " أنا اسمي غيث مو غياث ....... وبالنسبة للأسئلة يلي سألتهن فبحب أشكر الأخت ماجدة كتير على جوابها الجميل والمفيد وبحب أعطي جوابي كمان:

أولا" دراسة الكيمياء مالها صعبة متل الناس ما بيقولو .... بس الناس للأسف آخدة فكرة عنها أنو هي دراسة تعجيزية ... بس الحقيقة مو هيك أبدا" .... الدراسة بالكيمياء مو سهلة بس كمان مو معقدة أهم شي فيها الدوام والحضور لأنو إذا حضرت المحاضرات بنفسك وفهمت من الدكتور مية بالمية ما بيبقى شي معقد أبدا" أبدا" ....... وتانيا" بالنسبة للعمل بالمخابر ببلش بالسنة الأولى ابتداء" من الفصل الأول( بس لا تخاف هو حلو كتير وسهل كمان ) وهو بيبدأ هي السنة يوم الأحد  27/  9  /  2009  وطبعا" حسب أنت أنو فئة بالعملي  ...... ومشان الفحص فإن  الأنكليزي فهي مؤتمة طوال السنين الأربعة  ومعظم ( وليس كل  ) المواد الباقية عادية ( إلا ما ندر ) .... وبالأخير بدي قلك الله يوفقك وان شاء الله بكرة بتشوف بعينك كل يلي عم قولو وبتدعيلي ..... وأنا كمان بتمنى شوفك بالكلية واتعرف عليك .......وأنا ما زلت عند عرضي أنو إذا عندك أي سؤال بخصوص الكلية من قريب أو من بعيد فأنا جاهز دائما" وبانتظار المزيد ......  أنت ما عليك غير أنو ترد عالموضوع وتكتب فيه أية أسئلة بدك ياها وأنا بالخدمة ......وآسف للأطالة




سلام

أول شي بحب لأشكر السيد غيث والآنسة ماجدة على جوابهم الشافي عن أسئلتي وأكيد إذا بدي أي مساعدة فأكيد أول حدا بتذكرو هو أنتو .................
أنتو حدا رائع بالحياة بتمنى التقيكم شخصيا............
                                                    وكل الشكر ألكم
                                                                   
                               
                                                            ســـــــــــــــــــــــلام

السلام عليكم :

تسلم يا أخ " hero - 1990 " ونحنا يعني أنا والآنسة ماجدة ما عملنا إلا الواجب ..... وأنا أكيد إلي الشرف بالتعرف عليك .....وشكرا"


سلام

أول شيبحب أباركلك بدخولك الجامعة
ودخولك عالم جديد هو الجامعة  أما بلنسبة للكيميا نشالله  تبقى حاببها للسنة الرابعة
وخليك متفائل التفائل حلو

اقتباس

ومشان الفحص فإن  الأنكليزي فهي مؤتمة طوال السنين الأربعة

لانكليزي فقط في السنة الولى والثانبة مؤتمتة فقط
والسنة الأولى من  سنيتين صارت أتمتة لأنو تغير الدكتور
أنا  قدمتها لمادة انكليزي السنة الاولى مو أتمتة عادي

مرحبا
انا طالبة سنة رابعة كيمياء تطبيقة وحابة باركلك على دخولك هالفرع
وبالنسبة للصعوبة فما في شي سهل بس مالو مستحيل وان شاالله تكون الدراسة ممتعة وخصوصا بالعملي مع انو بالسنة الأولى رح يكون سهل ومختصر
اما بالنسبة للمواد المؤتمتة فالانكليزي رح يكون مؤتمت بالاولى والتانية بس
مع وجود بعض المواد الكيميائية المؤتمتة متل الكيمياء اللاعضوية 3 بالسنة التالتة
وغيرها
يمكن طولت شوي بس ان شاالله كون فدتك بشي وانا جاهزة لاي استفسار او سؤال
سلام