[x]

"وقـل اعمـلوا فسـيرى الله عـملكم ورسـوله والمؤمنـون"


..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الهندسة المدنية

مشاريع وأعمال حالية.. وإعلانات
دلـيــل الفـصـل الثـانـي-السنة الثانية 2011/2012... كلية الهندسة المدنية
أسماء المقبولين في الدراسات العليا-كلية الهندسة المدنية
نتائج الامتحان المعياري...كلية الهندسة المدنية
أسئلة الفحص المعياري ( اختصاص عام ) 2011-2012 كلية الهندسة المدنية
دليــل الفصل الأول - السنة التانيــة 2011/2012....كليــــة الهندسة المدنيــــة
... أجوبة الأستاذ المهندس حسام بلوط ...
مقابلة مع الأستاذ المهندس حسام بلوط
مجلة الهندسة المدنية 3
تعريف وقوانين القسم الصحفي ... بسم الله نبدأ ...
دليل السنة الأولى-كلية الهندسة المدنية 2010-2011
مواضيع مميزة..


.:: يـا الـلـــه مـالنـــا غيــرك يـا الـلـــه ::.




  ملتقى طلاب جامعة دمشق --> كلية الهندسة المدنية --> قسم طلاب كلية الهندسة المدنية --> السنة الثالثة
    ملخص مواد السنة الثالثة....مجد
عنوان البريد :  
كلمة المرور :  
                    تسجيل جـديد


صفحة 1 من 4  1 2 3->

.ملخص مواد السنة الثالثة....مجد


The Dark Dragon

عضو ذهبي


الحمد لله




مسجل منذ: 07-02-2008
عدد المشاركات: 2376
تقييمات العضو: 129
المتابعون: 26

غير موجود
اشــترك بالتحديثات
رسالة مستعجلة

ملخص مواد السنة الثالثة....مجد

04-09-2009 03:30 AM




بسم الله الرحمن الرحيم


بعد أن من الله عليّ بالترفع من السنة الثالثة الى السنة الرابعة....وتطبيقا لمعاهدة عيلة المدني....التي تنص بأنه على الكبير مساعدة الصغير"طبعا قصدي دراسيا"

أحببت أن أقم لكم موضوعي هذا...وأعتذر عن تأخري

موضوعي باختصار يتلخص في شرح لمواد السنة الثالثة "فصل أول" من منظوري الخاص ومن تجربتي الشخصية....طبعا مع بعض التوسع في وجهة النظري تجنبا لبعض "الانتكاسات" من طلاب السنة الثانية

ما رح طول عليكن ورح بلش اذكر المواد


1- مادة التجهيزات الفنية الكهربائية والمكيانيكية


أو ما ستتداولونها اختصارا بمادة "التجهيزات"
اااااااااخ من التجهيزات....ثم اااااااااااه من التجهيزات
ببساطة منهج التجهيزات منهج غير انساني
هي مادة اساسية في الفصل الأول وستقومون باذن الله بتقديمها كأول مادة امتحانية خلال فحص النظري"يعني مو بكيفكن"
مادة التجهيزات فينا نقسمها ل 3 أقسام

القسم الأول:قسم العملي
ويشرف عليه المهندس منصور والمهندسة "ما بعرف شو اسمها"
أنا تجربتي كانت عند الأستاذ منصور.....بصراحة هو شخص جيد...ضحوكي...ما كتير بيدقق عالحضور...ولا بيدقق اذا كتبت وراه بالعملي او لأ....وطبعا لمادة التجهيزات القسم العملي يوجد نوطة عند ابو محفوظ للمهندس منصور بقلم أحمد العواد على ما أذكر...وهي نفس المسائل اللي بيعطيها المهندس بمحاضرتو...وأحيانا بيزيد مسألة بالمحاضرة....ومو أكتر

بشكل عام القسم العملي للمادة سهل وممتع وما في منو اي خوف وبيفيدكن بقسم النظري لانو بامتحان النظري بيجي مسائل


أما المهندسة اللي ما بعرف شو اسمها.....فالله يعين اللي رح يجي عندها...وهالكلام عم احكيه مو عن تجربة شخصية ....لأ من تجربة شي 20 حدا من رفقاتي


القسم الثاني: قسم النظري للتجهيزات الكهربائية
وفيه بتاخدو عن دارات التيار المستمر والمتقطع وطبعا شغلات نظرية كتير

القسم الثالث: قسم النظري للتجهيزات الميكانيكية
او التدفئة والتكييف متل ما رح يسميه البعض


بصراحة اذا بدكن تاخدو بتجربتي بهي المادة يمكن تدعوا عليي بعد الفحص
يعني انا درست المادة تقريبا بخمس ايام وقبل الفحص بس...بالوقت اللي غيري دارسها بنص السنة وتركلها قبل الفحص 8 ايام

بس الحمد لله ترفعت معي من اول دورة

هلأ انا ما بخفيكن اني شفت وسمعت عن طلاب الدفعة اللي بعدنا انو لساهن ماشيين على نظام البكالوريا.....يعني دراسة ثم دراسة ثم دراسة.....يعني انا ما عم سب حدا بس هاد الواقع اللي انا شايفو

لذلك هي المادة هيك بدها لتضمنها....يعني فيها حفظ بطريقة ولا ممكن تتوقعوها

وخاصة انو بيوم الفحص الصبح....من كتر ما رح تحفظو....رح تخطلط معكن الامور ببعض....وما تعرفو كل سؤال انو هني نقاط تعدادو



2- الهيدروليك 3


يعني هي استمرار لسلسة الهيدروليك...برأيي المادة سهلة جدا جدا وصغيرة جدا وما في منها خوف
بس يعني بنص السنة رح تواجهو مشاكل مع الدكتور "مرعي" لانو بيحب التفقد والأسئلة الفجائية خلال المحاضرات....واكتر شي بيحبو هو بهدلة الطلاب واحراجن قدام رفقاتن...وكمان الدكتور مرعي جبلنا سؤال ملغي من المنهج بالفحص....ومع هاد المعدلات كانت عالية بسبب اقسام الدكتورين نخلة وزينو وهني سهلين وغير مملين


3-مواد البناء 2


يعني هي باختصار من اصغر مواد السنة التالتة....محاضراتها قليلة بس.....متل ما تعودتو الحفظ فيها ما بيعرف لا حبيب ولا عدو....وهي كانت جزء من مواد بناء 1 بالزمانات
بشكل عام المادة معتة.


4- الهيدرولوجيا والهيدروجيولوجيا


وهون رح تفوتوا بمعمعة...وخاصة اللي مو متعودين عاللغة الاجنبية او اللي بيكرهوا المصطلحات الطويلة......يعني حتلاقي الناس مو عرفانة تفرق بين ال 2
مو لانو المادتين بيشبهو بعض....لأ بس مشان المصطلحات
هلأ هني فينا نقول مادتين بمادة وحدة
قسم الهيدرولوجيا بيعطيه الدكتور محمد هشام التجار.....وهو دكتور محترم وفهمان شو بدو وبيحب الطالب يستفيد...بس انا ما حضرتلو كتير
وقسمو يعني طويييييييييييييييييل بس سهل
يعني رح تهلكو مشاريع....يعني هي وظايف عادية بس بيسموها مشاريع

كل اسبوع أواسبوعين2 في مشروع.....ورح تلاقي نص الناس مو فهمانة الله وين حاططها.,....بعدين بتفهمو كل شي

يعني المادة بامتحان النظري بتجي من المشاريع....الا اذا حب الدكتور يجرب قدرتكن على الحفظ....فبرأيي ما بينجح غير كل طويل عمر

اما مادة الهيدروجيولوجيا.....فهي يمكن 7محاضرات..ما بذكر منيح....بس يعني للي بيحب الرياضيات وبيلقطها عالطاير المادة كلها معادلات ما فيها شي.....طبعا فيها حفظ بس مو كتير
وبيدرسها الدكتور شبلاق




5- ميكانيك التربة 1

المادة سهلة وصغيرة نسبيا....بتحكي متل مو مبين اسمها عن التربة....وبتعتبر مدخل لهلقسم...في الها قسم عملي المفروض انو يفيد بالنظري....بس على زمانا ما اجا منو شي

بيدرسها شي 4 دكاترة.....ما حضرت منها غير اول محاضرة...وهي كتير مهمة



6- ميكانيك الانشاءات 1



وهي نحنا درسناها بالانجليزي....ما بعرف اذا رح تضل الخطة مطبقة عليكن.....ولا اعلنوا فشلها

المادة كتير كبيرة كما.....وكأفكار....بتلاقي المهندسين كل شوي بينكشولك فكرة من ديرة
المشكلة اللي رح تواجهوها بقسم الانشاءات بشكل عام هي انو ما في تنسيق بين اساتذة العملي ودكاترة النظري

يعني ليش الدنيا سايبة عندن ما بعرف...واللي بياكلها.....هو انتوا يا حلوين



هالمادة للاسف حملتها اول مرة وتاني مرة

ويعني بجد تاني مرة بجيب بال70....بس كأنوا الدكاترة ما جاي عبالن يصلحو....وعن جد شلفو العلامات تشليف وانا مسؤول عن كلامي


المادة رح تاخدوها فيها قص وعزم وقوى محورية....يعني متل المقاومات...وبالاخير بتصيروا بوكيمونات بالمخططات


القسم النظري بكل الدورات اللي قبلنا ما كانو يستفيدوا منو بوتكة......اللهم شي مسألة بعشر علامات


اما على زماننا.....فهوهو......كبو العملي.....ومسكو ام النظري وجابوه كلو بالفحص






وبالنهاية بتشكركن لقرايتكن وبانتظار تعليقاتكن واستفساراتكن....ومتل ما قلتلكن هي كانت تجربتي الشخصية

وعذروني للكاتبة بالعامية وقلة الترتيب والتلوين لاني مستعجل



4m MAJD's Emp!re
MAJD®......The Dark Dragon


مجد







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


M..KH

جامعـي مبـدعـ





مسجل منذ: 10-12-2008
عدد المشاركات: 243
تقييمات العضو: 0
المتابعون: 3

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

04-09-2009 04:11 AM




أول شي شكراً كتير إلك عالموضوع يلي أكيد تعبت عليه..


ولفت نظري كتير شغلات يمكن أرجع وأستفسر عنها بس أكتر شي ويلّي ما قدرت أجله:


اقتباس
السنة الثانية اللي برأيي الشخصي...هي أحلى سنة بالكلية للتسلاية....بحكم موادها الخفيفة


   

يعني السنة التانية  يلي كانت تسلاية بنظرك  طلعت عيوننا  وحسيتها أصعب من الأولى بكتيييييييييييييييير وبعتبر حالي بمعجزة من معجزات حياتي وبألف يا ويلاه  نفدت منها   


فكيف السنة التالتة يلي لهلأ  مافي حدا إلا وحكالي عن صعوبتهاوأنو يلي بيوصللها ما بقول عن شي قبلها صعب     

الله يجيرنا و يكون معنا.....





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


CONCRETE

جامعـي اســتثنائي





مسجل منذ: 22-10-2008
عدد المشاركات: 975
تقييمات العضو: 0
المتابعون: 52

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

04-09-2009 01:39 PM




مجد ,,,,,,,,,,,,,الله يعطيك ألف عافية و مشكوررررررررررررررررررررررررررررر

على النصائح لأن عنجد الواحد لازم يتعلم من تجارب الأخرين و يتعلم من أخطائون ومن نجاحاتون طبعا ً

يعني الواحد بياخد فكرة عن الاساتذة العملي و يعرف يظبط و ضعواا عن جد أنا بعد هي المواضيع من أهم المواضيع

برجع بتشكرك مرة تانية أخي و إلي عودة للموضوع



اقتباس
نوعذروني للكاتبة بالعامية وقلة الترتيب والتلوين لاني مستعجل


معقولة أنت شو عم تحكي !!!!!!
سلامممممممم1




أشهد أن لا إله إلا الله وأن محمد رسول الله

أنت غير مسجل لدينا.. يمكنك التسجيل الآن.

مشاركة : 4


Mo7amad

عضــو فضـي

يا اللـه مالنا غيرك يـا اللـه




مسجل منذ: 03-09-2008
عدد المشاركات: 1992
تقييمات العضو: 81
المتابعون: 32

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

04-09-2009 08:30 PM




مشكور أبو الجود على المجهود.............

كان عندي مشاريع كتير بقلب السنة

شايف أنو لازم ألغيها وأتفرغ للحفظ..........

وحاجة تقول السنة التانية تسلاية (بلاماتاكل عين )


سلاااااااامات





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


EngKey

جامعـي مبـدعـ





مسجل منذ: 11-07-2008
عدد المشاركات: 428
تقييمات العضو: 0
المتابعون: 20

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

04-09-2009 09:20 PM




هلا مجد
صاير تضارب على مواضيعي
موضوع حلو
تطبيقاً للمعاهدة.......
تحياتي الك





لكل زمن دولــــــــة ورجال


أنت غير مسجل لدينا.. يمكنك التسجيل الآن.

مشاركة : 6


OMAR.SCH

عضو ذهبي






مسجل منذ: 12-08-2009
عدد المشاركات: 2095
تقييمات العضو: 57
المتابعون: 14

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

04-09-2009 10:15 PM




يعني يا سيد مجد كفين ووفيت و عملت يلي عليك الله يعطيك العافية على المجهود

بس هي شغلة انو السنة التانية كانت تسلاية يعني اسمحلي فيها يعني ع شوي كنا قعدنا بالسنة التانية سنة تانية على كل الواحد منا بيشتغل غير لما ينحط بالموقف

وبالنهاية بتشكركن لقرايتكن وبانتظار تعليقاتكن واستفساراتكن....ومتل ما قلتلكن هي كانت تجربتي الشخصية

وعذروني للكاتبة بالعامية وقلة الترتيب والتلوين لاني مستعجل

بالعكس نحنا لازم نتشرك على هالشغل و انشا الله بالتوفيق

موفقيييييييييييييييييييييييييين




الضمير




راحـــــــــة البال




مخافــــــــــــــــــــــة الله


أنت غير مسجل لدينا.. يمكنك التسجيل الآن.

مشاركة : 7


The Dark Dragon

عضو ذهبي


الحمد لله




مسجل منذ: 07-02-2008
عدد المشاركات: 2376
تقييمات العضو: 129
المتابعون: 26

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

07-09-2009 03:48 AM






اقتباس


أول شي شكراً كتير إلك عالموضوع يلي أكيد تعبت عليه..


لا شكر على واجب...يعني واجبنا نساعد بعض


اقتباس
ولفت نظري كتير شغلات يمكن أرجع وأستفسر عنها



تكرم عيونك بانتظارك



اقتباس


يعني السنة التانية  يلي كانت تسلاية بنظرك  طلعت عيوننا  وحسيتها أصعب من الأولى بكتيييييييييييييييير وبعتبر حالي بمعجزة من معجزات حياتي وبألف يا ويلاه  نفدت منها 



والله يا اختي انا قلت انو هالشي رأيي الشخصي....مو أكتر


ولا تزعلي رجعي اقري النص بتلاقي الجملة محذوفه





مجد





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


The Dark Dragon

عضو ذهبي


الحمد لله




مسجل منذ: 07-02-2008
عدد المشاركات: 2376
تقييمات العضو: 129
المتابعون: 26

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

07-09-2009 04:00 AM





اقتباس



مجد ,,,,,,,,,,,,,الله يعطيك ألف عافية و مشكوررررررررررررررررررررررررررررر


اهلين ابو الزوز...ومتل ما قلت واجبنا



اقتباس

برجع بتشكرك مرة تانية أخي و إلي عودة للموضوع



اهلا وسهلا فيك وباي استفسار عندك




مجد





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


The Dark Dragon

عضو ذهبي


الحمد لله




مسجل منذ: 07-02-2008
عدد المشاركات: 2376
تقييمات العضو: 129
المتابعون: 26

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

07-09-2009 04:07 AM





اقتباس



مشكور أبو الجود على المجهود............. 

كان عندي مشاريع كتير بقلب السنة

شايف أنو لازم ألغيها وأتفرغ للحفظ.......... 

وحاجة تقول السنة التانية تسلاية (بلاماتاكل عين  )


سلاااااااامات


اهلين ابو صالح



هلأ مشان الجملة.......والله حذفتها



يعني...مشان الفصل الاول اذا انت من جماعة اللي بيدرسوا كل يوم بيومو.....بقى الغي مشاريعك



مجد





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


The Dark Dragon

عضو ذهبي


الحمد لله




مسجل منذ: 07-02-2008
عدد المشاركات: 2376
تقييمات العضو: 129
المتابعون: 26

غير موجود
اشــترك بالتحديثات
رسالة مستعجلة

رد مشاركة : ملخص مواد السنة الثالثة....مجد

07-09-2009 04:12 AM





اقتباس


هلا مجد
صاير تضارب على مواضيعي 
موضوع حلو
تطبيقاً للمعاهدة....... 
تحياتي الك


اهلين فيك يا مازن

المهم بالمواضيع انو الشباب يستفيدو

وهلأ رح شوف موضوعك تبع السنة الرابعة


مجد





ملتقى طلاب جامعة دمشق




أنت غير مسجل لدينا.. يمكنك التسجيل الآن.
صفحة 1 من 4  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة