[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         عيلة المدني       آخر رد : OMAR.SCH  ]        يوميات مهندس مدني !!!!!!!       آخر رد : Night Knight  ]        دليل السنة الأولى-كلية الهندسة المدنية 2010-2011       آخر رد : ريم.................  ]        ملف مخطط الترابط - ملف اكسل لحساب مخطط الترابط - خرسانة       آخر رد : mustafa......  ]        السنة الرابعة... خارطة الطريق       آخر رد : thundering silence  ]        برنـامج الطـاقـة والطـاقـة المستـدامـة       آخر رد : samir fayz  ]        رجاءا الرد       آخر رد : ingeen747  ]        طالب هندسة مدنية من جامعة حمص       آخر رد : OMAR.SCH  ]        طالب جديد في كلية الهندسة المدنية...       آخر رد : bashoura  ]        كاميرات خفية وصغيرة على شكل قلم وساعة ريموت سيارة وميدالية مفاتيح ومنبه 01200094369       آخر رد : dr.bashari  ]        طلب استفسار عن الترفع الفصلي ؟!؟!؟       آخر رد : raed_esmaeil  ]        الكود العربي السوري       آخر رد : sorea  ]        مقاومة مواد 2       آخر رد : ليا.  ]        مساعدة ضرورية       آخر رد : muhm1988  ]        ارسال ايميلات دعائية       آخر رد : الفااروق  ]        مستشار تحكيم       آخر رد : الفااروق  ]        الهيئة الدولية للتحكيم       آخر رد : الفااروق  ]        طلب كتاب ديناميكا المنشآت للدكتور محمد سمارة       آخر رد : kacim yamine  ]        thanks - نصوص وصور تجارب مواد البناء 2       آخر رد : heshmat mahmoud  ]        ساعدوووني ضروري       آخر رد : يامن الرفاعي  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث اليوم . 04:46 PM



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الهندسة المدنية

مشاريع وأعمال حالية.. وإعلانات
دلـيــل الفـصـل الثـانـي-السنة الثانية 2011/2012... كلية الهندسة المدنية
أسماء المقبولين في الدراسات العليا-كلية الهندسة المدنية
نتائج الامتحان المعياري...كلية الهندسة المدنية
أسئلة الفحص المعياري ( اختصاص عام ) 2011-2012 كلية الهندسة المدنية
دليــل الفصل الأول - السنة التانيــة 2011/2012....كليــــة الهندسة المدنيــــة
... أجوبة الأستاذ المهندس حسام بلوط ...
مقابلة مع الأستاذ المهندس حسام بلوط
مجلة الهندسة المدنية 3
تعريف وقوانين القسم الصحفي ... بسم الله نبدأ ...
دليل السنة الأولى-كلية الهندسة المدنية 2010-2011
مواضيع مميزة..


.:: يـا الـلـــه مـالنـــا غيــرك يـا الـلـــه ::.




  ملتقى طلاب جامعة دمشق --> كلية الهندسة المدنية --> قسم طلاب كلية الهندسة المدنية --> السنة الأولى
    هلا بطلاب السنة الاولى
عنوان البريد :  
كلمة المرور :  
                    تسجيل جـديد


صفحة 1 من 8  1 2 3->

.هلا بطلاب السنة الاولى


OMAR.SCH

عضو ذهبي






مسجل منذ: 12-08-2009
عدد المشاركات: 2095
تقييمات العضو: 57
المتابعون: 8

غير موجود
اشــترك بالتحديثات
رسالة مستعجلة

هلا بطلاب السنة الاولى

30-08-2009 10:20 PM




اهلا بطلاب السنة الاولى


السلام عليكم و رحمة الله و بركاته


هي نتائج القبول الجامعي تبينت و كل واحد عرف بالنهاية شو طلعلوا و يلي بهمني بالدرجة الاولى هم الطلاب يلي طلعلون هندسة مدنية
اول شي بحب هني كل طالب تم قبوله بكلية الهندسة المدنية و انشا الله بتكونوا (( و نحن ايضا )) من الناجحين بحياتكم
يلي بحب قولوا الكم يا زملائي بالسنة الاولى هي كم نصيحة و انتم حرين بتقبلها او لا ؟؟
اول شي حابب قلكم انو كلية الهندسة المدنية (( و هاد بنظري )) احلى كلية بكل جامعات العالم و بدون مبالغة رح تسالوني ليش طبعا و حسب خبرتي البسيطة لانوا تقريبا نهتم بدراسة كل الامور التي تهتم بالحياة

بالنسبة للنظام الدراسي رح حطكم بالصورة للمواد يلي رح تاخدوها بالسنة الاولى وشرح بسيط لكل مادة :

عدد المواد يلي رح تاخدوها بالسنة الاولى هي 15 مادة و طبعا علامة النجاح بالمادة 60 و في مواد لها امتحانين عملي و نظري و في الغالب العملي من 30 و النظري من 70 اهم شي تحصر عملي مشان تاخد علامة ويجب ان تكون حوالي 20 وطالع (( حسب اجتهادك و حظك )) .


المواد هي بالفصل الاول :

اولا : الهندسة الوصفية :

المادة لها قسمين الهندسة الوصفية يعطيها الدكتور جمال معماري بمحاضرات النظري و اهم شغلة تحضرها و ما تقطعها لانوا الدكتور له اسلوبه في اعطائها لذلك نصيحة احضروها بالنظري مشان تفهموها و القسم الثاني هو الرسم الهندسي و فيها بتاخدوا المناظير الايزومترية واستنتاج الواجهات و المساقط و المقطع منها
و بعدين بتصير العملية اصعب شوي فبتاخدوا مسقط وواجهة لتستنتجوا المنظور (( الشكل الفراغي للمبنى )) و هاد السؤال يلي رح يجيكم بالامتحان و هاد الشي يلي رح تشتغلوا في بالعملي .
لازم اهم شي قلم رصاص بنصكم نوعية rotring  و بريات من النوع نفسه و مثلث وصفية و محاية و مسطرة دوائر ومسطرة القطوع و انتبها اذا ما كانت  rotring          فلازم يكون فيها القطع  60  و مسطرة منحنيات و دفتر رسم  canson

ثانيا الميكانيك الهندسي :

احضروا العملي اهم من النظري مشان المسائل لانو بالعملي تحل نسبة جيدة من المسائل يعني اكتر من النظري .
علم يدرس توازن الاجسام يعني كيف بتحسبوا ردود الفعل و قوى الاحتكاك و العزوم و اهم شي تجيبوا الة حاسبة علمية و انا من جهتي بنصحكم تجيبوها ماركة      Casio fx 991 es  وحط خطين تحت Es من الحلبوني لانو اغلبية المكتبات امام الكلية يبيعونها بسعر 1000 او 1200 ليرة و هي بالحلبوني سعرها بالكتير 800 ليرة .
و الامتحان النظري للمادة عبارة عن ثلاث او اربع مسائل مسالة قوى و مسالة اطارات و مسالة جوائز شبكية و مسالة احتكاك .

ثالثا الفيزياء :

قسم العملي تقريبا ما لو علاقة بالنظري بدكم دفتر فيزياء عملي و الة حاسبة و ديروا بالكم على اول محاضرة عملي اكيد بيجي منها سؤال بالامتحان العملي و التجارب يلي بتاخدوها يعني حلوة بس المهم كل تجربة اكتبوها على الدفتر مشان علامة العملي .
النظري بيعطي الدكتور محمد علي الحجي (( على الاغلب )) و الدكتور كتير جنتل و بيبخل بالعلامات بالفحص النظري لذلك لا تخافوا منه و بيعطي قسمين الاول قوانين نيوتن و السوائل و الضوء و الثاني كهرباء مثل قوانين اوم و الحقل الكهربائي و الحقل المغناطيسي و النظائر

ملاحظة سمعت انو الدكتور رح ينزل كتاب جديد و بس لشوفوا ممكن حطلكم الشغلات الهامة فيه

رابعا : الرياضيات :

لها قسمين عملي و نظري و كمان النظري من 70 و العملي 30
بالنظري بيعطي الدكتور طالب عمران و يلي بيعطي بالنظري هو التحليل من تكامل و تفاضل و سلاسل و نشر و نهايات التوابع بتنحل عليه مسائل بالعملي
بالنظري بيعطي الدكتور معن الازهري و اذا عطى هي السنة فبتكونوا كتير محظوظين لانوا الدكتور كتير فهمان و يلي بيحضر بيفهم المحاضرة على الاكيد لانو الو اسلوب رائع بسرد الموضوع و شرح الافكار و هو بيعطي الجبر من كثيرات الحدود و اصفار كثير الحدود و كيفية ايجادها و بعدين بيعطيكم المحددات يلي اخدتوها بالبكلوريا بس هون المحدد من الدرجة    و ليس من الدرجة الثالثة كما في البكالوريا و اكيد بيجيب منو سؤال بالامتحان و بعدين بيعطي المصفوفات و كيفية ايجاد المقلوب لمصفوفة مهما كانت درجتها و قسمه ما بينعطى بالعملي بس على الاغلب تكونوا مطالبين فيه بالامتحان العملي .
ملاحظة صغيرة انا حسب سمعت عن الدكتور معن انو هي السنة بدو يعطي بجامعة خاصة و قدم طلب اجازة بلا راتب (( مدري مع راتب مو مهم )) مشان يعطي بجامعة خاصة قولوا ان شاالله تكون الخبرية يلي سمعتها كذبة .


خامسا : اللغة الاجنبية :

سهلة كتير على يلي كان فهمان باللغة بالبكلوريا لانو بتعتمد على جميع النكشات يلي كانت تواجهنا بالبكلوريا متل الافعال يلي ما بتقبل الاستمرارية ....... الخ و بالنسبة للكتاب ما بدكون ياه انا من جهتي رفعت المادة بالدورة الاولى بدون حضور و بدون كتاب 92 لذلك لا تخافوا طبعا الحكي للغة الانكليزية و يلي كان شاطر بالانكليزي بالبكلوريا .
فالكتاب و الحصور غير هامين لترفيع المادة (( على ايامنا و ايام السنة الماضية ))


سادسا : الثقافة :

بتجيبوا الكتاب و بتنسخوا بذاكرتكم لترفعوها بس ما فيها ظلم و اكتر من هيك ما بحسن انفعكم .


سابعا : المعلوماتية :

المحاضرة الاولى هي نظري و بيجي منها بالامتحان سؤال تعاريف و نظري و بعدين بتاخدوا انظمية العد العشرية و الثنائية الثمانية و الست العشرية و كيفية التحويل من نظام الى اخر و بعدين الانترنت و تطبيقاتو كمان نظري و بيجي منه بعض التعاريف و بعدين اهم شي بالمعلوماتية الخوارزميات و اكيد جاية منها سؤال بالامتحان لا يقل 15 الى 20 علامة و بعدين قواعد المعطيات و كيفية انشاء الجداول و بيجي عليها سؤال بشي 10 علامات و اهم شي زملاء انو بالامتحان تحلوا الخوارزميات مشان ما يكسر علامتكن بالفحص اوكي ؟؟؟

وانشا الله قريبا رح نزللكم بعض المحاضرات يلي ممكن ناخدوها
و نصيحة اخوية جيبوا و بعيدا عن الدعاية و التجارة اهم شي و اهم من الحصور و اهم من كل شي تجيبوا اسئلة الدورات المحلولة من مكتبة ركن الهندسة

يالله انشا الله الف مبروك مرة تانية و منحكي بها لموضوع غير يوم انشا الله
بس لاتنسوا تدعولي شي دعوة حلوة متلكم !!!!
موفقييييييييييييييين







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


CONCRETE

جامعـي اســتثنائي





مسجل منذ: 22-10-2008
عدد المشاركات: 975
تقييمات العضو: 0
المتابعون: 41

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

30-08-2009 10:46 PM




الله يعطيك العافية عمر

بضيف شوية نصائح بخصوص اساتذة العملي

من شان مادة التصميم فأحسن استاذ عملي هي المهندسة قاسمية عميل جهدك تنقول لعندها 

الميكانيك الهندسي كل الاحتمالات ممكنة من عدا المهندسة وسوف مع احترامي

الفيزياء
كل دكاترة العملي ممتازين إلا إذا كنتوا  منحسوين وأجت لعندكون د. كلتوم

الرياضيات

الاساتذة العملي كلون ممتازين و بيعطوا علمات و رح تتعرفوا علىاستاذ عطائي و رح تنبسطوا منوا


الأنكليزي

للآسف أنا ما بعدها مادة
ونصيحة مني لا تشتر ي الكتب و لا تحضر

الثقافة

حاول ترفعها من أول دورة لأن إذا ما رفعتها رحت بخبر كانا


المعلوماتية

ضروري ومهم جدا ً جداً تحضر نظري و العملي تبعها سهل بس مالو ممتع و الاساتذة ظراف


أخرشي تمنياتي لجميع الطلاب أن لا يندموا على خيارهم هذا

و إن شاء الله رح تستمتعوا كتير بهالفرع


سلامممممم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


cute_bety

جامعـي جديــد





مسجل منذ: 23-06-2009
عدد المشاركات: 29
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

31-08-2009 03:06 AM




الله يعطيكن العافية شباب ...بجد نيالن طلاب السنة الاولى عليكن ....
يا ريت وقت كنت انا سنة اولى كنت بعرف هالموقع
بس مشان الثقافة ......انا حملتا اول دورة ...بس تاني دورة طلعت معي 100
بقا لا حدا يخاف وكليتنا بتجنن
موفقين





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


M..KH

جامعـي مبـدعـ





مسجل منذ: 10-12-2008
عدد المشاركات: 243
تقييمات العضو: 0
المتابعون: 2

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

31-08-2009 04:26 AM




شكراً  كتير للأخ MEMO.CSH  يلي فتح هيك موضوع  واللي كتير مهم لطلاب السنة الأولى ...

بس بحب ضيف كم شغلة:
بالنسبة للثقافة فبنصح الطلاب أنو ما يتعبوا حالهن ويدرسوا كل الكتاب ..
كل شي لازم يعملوه هو أنهم يحفظوا فقط تعدادات الكتاب بس بشكل منيح  ومافي داعي لأي شي تاني وبضمنلهن يرفعوها إذا مو 100 فبالتسعينات
وطبعاً مافي شي صعب لأنو هالتعدادات صرلنا عم ناخدها من الصف الخامس


هادا طبعاً إذا ضل الدكتور نفسو يلي بيعطي (الدكتور ماهر ملندي ) أما إذا تغير فشي تاني...




وبالنسبة للمعلوماتية
كمان شي كتير كتير ضروري أنو الخوارزميات تنفهم  ومو بس تنحفظ لأنو بالسنة التانية في برنامج الVisual Basic اللي  مبدأ الشغل فيه نفس الخوارزميات تقريباً وبرأيي أنو الخوارزميات أساس لإلو والطلاب يلي علقت معهن المعلوماتية كمان رجعت علقت البرمجة (مادة السنة التانية)..



وكمان بأكد أكتر وبنصح بأسئلة الدورات هية مهمة بكل السنين بس بشكل خاص بالسنة الأولى باعتبار الطالب بالسنةالأولى ما بيعرف شي عن أسلوب الأسئلة  والأشياء المهمة اللي لابد يجي منها ..

وإن شاء الله تكونوا من الناجحين بهالكلية وتعيشوا فيها أمتع الأيام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


Zizo Chelsea

جامعـي مبـدعـ





مسجل منذ: 31-08-2009
عدد المشاركات: 286
تقييمات العضو: 5
المتابعون: 1

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

31-08-2009 05:41 AM




مرحبا شباب صبايا
أنا كمان طالب جديد
بتمنى كون مسرور لاختياري هذا الفرع
وان شاء الله منشوف أيام حلوة بالكلية
تقبلو مروري....





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


**عمر**

جامعـي مشــارك





مسجل منذ: 30-08-2009
عدد المشاركات: 95
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

31-08-2009 10:26 AM




يا أخي شكرا كتير الك ,يعني والله هال المنتدى ما في منو ,انا طالب جديد
بس في الي طلب
يعني باعتبار انو نحنا جداد على الجامعة رح يكون عنا اسئلة كتيرة وانت بتعرف هال الشي
يعني مو بكرة بس تبلش الجامعة ما عاد نشوف ولا واحد منكن
ومشكور يا اخي على هال الشرح الحلو





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


pure_m

عضــو فضـي




مسجل منذ: 01-11-2008
عدد المشاركات: 1118
تقييمات العضو: 17
المتابعون: 19

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

31-08-2009 12:36 PM




عمر ماتاكل هم .. نحنا موجودين هون على طول حتى بفترة الامتحانات مشان نساعد بعض ...


رح اعطيكن شوي من خبرتي بالسنة الأولى ..


أهم شي انكن بالفصل الأول تحملوا المضووع جد .. يعني درسوا منيح ..


بالفصل الأول رح يكون عندكن 7 مواد و بالفصل التاني 8


مواد الفصل الأول :


انكليزي 1 .. كتير سهلة و انا رفعتا 96 .. اخر الفصل بينزل بالركن نوطة صغيرة كتير للأزمنة .. خدوها ودرسوها ولا تفتحوا الكتاب بالمرة ..و اذا ما بتشتروه بيكون احسن ..


ثقافة : مادة سهلة .. و خصوصي انو نحنا من الابتدائي مدري الاعدادي مناخد قومية .. ركزا عالتعدادات و ماتحفظوا كل الدورس .. بتذكر اني حفظت بس 4 دروس .. و رفعتا من اول دورة


الميكانيك 1 : آآآآآآآخ من الميكانيك1 .. قدمتا دورتين و لسا ماترفعت فيها .. و السبب أنو معي 9 من 30 بالعملي ... يعني الشغلة شبه تعجيز ..

مادة كتير مهمة و حلوة .. بس لازم تنتبه عالدقة كتير .. يعني محل ما بتخربط حتى لو برقم بتروح عليك المسألة كلها ...

بيعطيكن هي المادة الدكتور هشام المما و الدكتور غلاييني ..


الدكتور هشام هادي كتير و رايق .. و بيضل بيقلك زميل .. يعني بيحسسك بقيمتك كتير ... بس طبعا بيبهدل الطلاب عالنااااااعم كتييييير ...

الدكتور غلاييني للأسف ماحضرت عندو شي ولا بعرف شكلو ..


حاولوا تحضروا العملي و تنتبهوا كتير .. و في استاذ عملي كتير حباب هو الاستاذ طويل.. ( مابعرف اسمو الأول )

أما اذا طلعتو عند الانسة قصار انتبهوا كتير منيح و ركزوا معها ...

والله انا ركزت معها و درست و قدمت مذاكرات ووظايف و امتحانات وبالاخير اخدت 9 من 30




الرياضيات 1

مادة حلوة كتير .. ركزوا فيها عالتحليل يلي بيعطيكن ياها الدكتور عمران .. هاد الدكتور هادي كتير و صوتو واطي .. يعني اذا مالقيت محل بأول صفين لا تحضر أحسن لانك مارح تسمع شي ولا رح تشوف شي لانو خطو كتير صغير

القسم التاني هو الجبر .. بيعطيكن ياها الدكتور معن الأزهري ..

هاد الدكتور بيشرح حلو و محاضرتو حلوة .. بس انا مدري ليش كنت خاف منو    وماحضرتلو غير محاضرة وحدة


القسم التالت نسيت شو هو .. يمكن التحليلية ..

هاد القسم بيجي باخر الفصل و غالبا الطلاب مابيحضروه بيعطيه كمان الدكتور عمران ..


انا رفعت هي المادة من اول دورة 63 .. يمكن لو حضرت شي محاضرة كنت رفعتا أكتر


بالنسبة للعملي مارح يعطوكن الا قسم التحليل .. اعتمدوا عليه اكتر من قسم التحليل النظري لانو فيو مسائل وتمارين

اساتذة العملي كلون مناح تقريبا .. في المهندسة يارا السبع كتير منيحة و كمان المهندسة داغستاني





المعلوماتية :

المعلوماتية سهلة .. فيها اقسام نظرية بيجي عليون حوالي 25-35 علامة

وفي قسم انظمة العد

وفي قسم الخوارزميات ..


هي المادة حملتا 59 لأني ماشفت كم سؤال متل الولاد الصغار 

ورح قدما معكن الفصل الجاية 



الفيزياء :

مادة حلوةكتيييييير و بسيطة .. بتشبه يلي اخدناه بالبكالوريا .. بس مابعرف اذا البكالوريا السنة كانت رموزها بالانكليزي ..

أول ما فتنا على الفيزياء ضعنا كتير بسبب الرموز .. لأنو بالجامعة رموز الفيزياء انكليزي .. و بالبكالوريا خلوا رموز الفيزياء عربي مع انو غيروا رموز الرياضيات للانكليزي ..


الدكتور اللي بيعطيها هو الدكتور حجي .. محاضرتو مملة مع انو بيحاول يمزح كتير اذا كان رايق .. أنا ماحضرتلو غير محاضرة وحدة ..

ورفعت المادة 60    مدري كيف اجا الحظ معي وقتا

بحب بشركن انو هاد الدكتور مابياكل حق حدا .. أنا كان لازمني 40 علامة لرفع المادة .. و كنت فعلا كاتبة ب 40 او 42 علامة ..

والحمدلله الدكتور كان صاحب ضمير و عطاني 40 علامة و رفعت المادة



بقسم العملي عالاغلب بتعطيكن المعيدة ندى .. كتير حبابة بس بتحب الالتزام .. خليك ملتزم معها مشان ما تاكل بهدلة




الهــنـــدســـــة الـوصــــفــــــيـــــــــة :


هي المادة اللي بتعتمد كتير عالتخيل .. و انا كل الفصل الأول ماكنت اعرف اتخيل .. و حملت المادة 35    ( الله لا يبهدل حدا )


كان معي 18 بالعملي ..

أصحكن تعملوا متلي ... أنا ماتعبت عالمادة .. حطيت ببالي اني مارح افهما و مااشتغلت فيها. . كنت انقل الوظايف من رفقاتي و بالاخير مافهمت المادة


بس بالفصل التاني رفعت المادة الحمدلله ...


المادة حلوة بس شغلوا خيالكن منيح

الدكتور اللي بيعطيها هو جمال معماري ..انا شخصيا كتير بحترمو .. محاضراتو حلوة و قصيرة ..





هدول كل مواد الفصل الأول .. حسيت حالي حكيت كتيييييييييييييييييييييير بأى رح اسكت و بالفصل التاني منحكي على المواد البقيانة ..

وسامحوني اذا طولت عليكن 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


EngKey

جامعـي مبـدعـ





مسجل منذ: 11-07-2008
عدد المشاركات: 428
تقييمات العضو: 0
المتابعون: 13

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

31-08-2009 12:49 PM




موضوع جميل وهام صديقي MEMO.CSH
تستحق كل الشكر على الجهد المبذول
والتحية لكل الاضافات التي زادت الموضوع أهمية
تحياتي لكم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


Zizo Chelsea

جامعـي مبـدعـ





مسجل منذ: 31-08-2009
عدد المشاركات: 286
تقييمات العضو: 5
المتابعون: 1

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

01-09-2009 01:31 PM




شكرا لك زميل MEMO.CSH 
ولكل من أضاف على هذه النصائح

موضوع مفيد كتير
وبتمنى تستمروا معنا بهيك مواضيع
منستفاد من خبرتكن 

سلاممممممممم

الزميل زياد





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


OMAR.SCH

عضو ذهبي






مسجل منذ: 12-08-2009
عدد المشاركات: 2095
تقييمات العضو: 57
المتابعون: 8

غير موجود
اشــترك بالتحديثات
رسالة مستعجلة

رد مشاركة : هلا بطلاب السنة الاولى

01-09-2009 05:32 PM




ولو اهلا و سهلا فكم انتو متل اخواتنا و لازم نساعد بعض

و رح نستمر بهيك مواضيع و اكتر من هيك بس اصبروا شوي

يالله موفقييييييييييييين يا احلى طلاب هندسة مدنية





ملتقى طلاب جامعة دمشق




أنت غير مسجل لدينا.. يمكنك التسجيل الآن.

صفحة 1 من 8  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة