في كمان معالجة للقرحة اسمها المعالجة الثلاثية أو متل ما بسموها الدكانرة المعالجة العمياء
ووقتها الدكتور من دون ما يعمل تنظير للمعدة بيعطي 3 أدوية
الأول مضاد حيوي متل كلاريترومايسين
التاني للطفيليات والجراثيم اللاهوائية متل ميترونيدازول(فلاجيل من شركة أوبري)
التالت مثبط لمضخة البروتون متل لانسوبرازول
الفكرة أنو شو ما كان مسبب القرحة المفروض يتعالج بهالطريقة
أول دوائين بينعطو لمدة 14 يوم والدواء التالت لمدة شهر صباحاً ومساء وبعدها لمدة 6 أشهر حبة وحدة باليوم
نسبة نجاح هالمعالجة ممكن توصل حتى 90% (على ذمة الدكتور)
بس من سيئاتها أنو بتسبب ألم شديد بالمعدة عند بداية المعالجة عند بعض الأشخاص
مو بس هيك بعض الدكاترة بيعطوها إذا شاكين أنو الشخص عندو قرحة هضمية من دون ما يعملو تنظير وهاد يلي صار معي ضليت عم آخدها 6 أشهر وما استفدت وبعدها عملت تنظير وطلع ما معي قرحة ولا شي
آل وجع معدة من منشأ عصبي
ناتج عن التوترات وكترة التعصيب
فصرت آخد بس رانيدين عند الضرورة
أو دامتيل(مو متذكرة شو تركيبه)
بس كمان هو لألم المعدة الناتج عن التوتر
أنا بعرف أنو صاير معظم الدكاترة عم يعملوا تنظير بطعمة و بلا طعمة لأنو أسهل للتشخيص و بيوفي أكتر يعني هيك ما بقي غير يفوت الدكتور بجلالة قدرو لمعدة المريض ليعرف شو مرضو- هي إذا عرف-
اقتباس
لهالدرجة التنظير مشكلة
أي هومشكلة بالنسبة للمريض (صعب التقبل و غالي و خاصة بالمشفى)
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net