[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         يوميات مهندس مدني !!!!!!!       آخر رد : $3N3$C3NT  ]        لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت       آخر رد : $3N3$C3NT  ]        مغتربون .. ولكن // ماذا تذكرت؟؟؟       آخر رد : *The Lord*  ]        الطرق الطبيعية للتخلص من الصراصير       آخر رد : جود.....  ]        نقل عفش       آخر رد : جود.....  ]        خدمات تنظيف بالكويت       آخر رد : جود.....  ]        همسات على جدران الزمن .................. (عطر)       آخر رد : *The Lord*  ]        أكتب شعورك : بكلمة واحدة       آخر رد : ali k@m  ]        ماذا تقول لمن يخطر على بالك الآن ...       آخر رد : *The Lord*  ]        أشدُّ الهلاك من أهلِك       آخر رد : *The Lord*  ]        الساحة الجماعية لطلاب الصيدلة (جميع السنوات)       آخر رد : ....{SalaM}....  ]        اترك رسالة لشخص ... دون ذكر اسمه ...       آخر رد : gentleman  ]        حصريا تحميل كتاب امنيتي ان اقتل رجلا برابط مباشر       آخر رد : بنات الخليج  ]        مساعدة في مادة بحوث       آخر رد : salma............  ]        طلب مساعدة       آخر رد : Darkman9  ]        مشكورين - ادارة الاستثمار والمحافظ       آخر رد : amerali  ]        جيد - محاضرات مبادئ التمويل       آخر رد : amerali  ]        ما معنى تعويم العملة؟       آخر رد : الاسطورة22  ]        واســـتغفروا الله إنَّ الله كَان غَفوراً رحيماً ... مليونية استغفار       آخر رد : محمد الفارس  ]        حلّوووووووووووووووووووا عنّــــــــــي ..!!!!       آخر رد : محمد الفارس  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث 29-11-2017



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"

مشاريع وأعمال حالية.. وإعلانات
برنـامج امتحان الفصل الأول نهائي/قسم المكتبات - 2013/2014
غاز السارين Sarin gas ( الأعراض, العلاج والارشادات )
أحكام فقه الجهاد
تـعـلـيـمـات فـي حـال اسـتـخـدام الآسـلـحـة الـكـيـمـاويـة
الى طلاب كلية التربية ... بجامعة دمشق
ان كانت لديك اية مشكلة تقنية نحن بالخدمة ان شالله (( العدد الثالث 2012- 2013))
منح دراسية من الاتحاد الأوروبي للسوريين
شروط القيد في درجة الماجستير بكلية التربية
عريضة لعميد كلية الاقتصاد ليتم اعادة مواد يومي 27-28
سوريا بخير..



  ملتقى طلاب جامعة دمشق --> الـمـنـتــديـــات --> قسـم جـامعــة دمشــق --> منتدى جامعة دمشق
    لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت
عنوان البريد :  
كلمة المرور :  
                    تسجيل جـديد


صفحة 32 من 34 <- 30 31 32 33 34->

مشاركة : 311


حكم

جامعـي جديــد




مسجل منذ: 19-01-2012
عدد المشاركات: 15
تقييمات العضو: 2
المتابعون: 6

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

19-01-2012 04:11 PM





مرحبا
أنا عضو جديد
خريج حقوق وماجستير قانون جنائي

تعينت معيد بقسم القانون الدولي بـ الـ 2010 على مرسوم السيد الرئيس .. وبعدين درست لغة بلد الإيفاد .. وخلصتها .. ونجحت بامتحان اللغة .. وحالياً قيد التحضير للسفر ..


بتصور فرع الحقوق مو فرع حفظي بصمي متل ما الأغلبية بتفكر .. بالعكس الحقوق فرع عملي مؤسس على علاقات قانونية ومبادئ مرنة وسلسة كتير ..


قدامي مشوار طويل .. بس مثير وفيه مغامرة وتجربة ..


بتمنى تقبلوني صديق جديد إلكم ..








ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 312


Y4$$3R N3T

عضــو ماسـي






مسجل منذ: 12-03-2006
عدد المشاركات: 4985
تقييمات العضو: 610
المتابعون: 89

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

14-07-2012 06:59 AM




^ up ^






ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 313


g.nahiim

جامعـي جديــد




مسجل منذ: 19-08-2012
عدد المشاركات: 3
تقييمات العضو: 0

غير موجود
اشــترك بالتحديثات
رسالة مستعجلة

أجمل و أوسع شرح قرأته عن كليتي الحبيبة

19-08-2012 02:08 AM




الأخ أبو عبيدة : بداية كل عام و أنت بأف بخير
أشكر لك جزيل الشكر على هذا الشرح المستفيض و المليء بالمعلومات عن كلية العلوم
أرجو لك كل التوفيق و جزاك الله خيرا و نفع بك كل الطلاب
أما عني فأنا خريج علوم فيزيائية و كيميائية عام 1990 و درست بنفس الكلية و و درسنا معظم المواد التي تحثت عنها مع الأخذ بعين الاعتبار أننا درسنا فرعين لا فرع واحد و هو الفيزياء و الكيمياء و عانينا
من صعوبات مع الدكتور طاهر تربدار و توفيق قسام و مكي الحسني و صلاح يحياوي و فخري كتوت و بسام معصراني و غدير زيزفون و  آخرون منهم من رحمه الله و منه لازال حياً نفعنا الله بعلمهم آمين
أخيرا أنا درست الفيزياء و الكيمياء  بعشق و تخرجت و تزوجت و لا زلت أدرس و أتابع كل ماهو جديد
و السلام عليكم و رحمة الله و بركاته .







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 314


نور-nour

جامعـي جديــد




مسجل منذ: 27-05-2012
عدد المشاركات: 7
تقييمات العضو: 0

غير موجود
اشــترك بالتحديثات
رسالة مستعجلة

كلية الفشل

19-08-2012 05:06 PM





انا برأيي انو كل يلي دخلو حكو كلام ايجابي كتيير والله مابعرف اذا كانت المشكلة بظروفي بس طوال عمري كانت ظروفي صعبة وكنت دائما من الاوائل من صف التاني للبكالوريا وكل الظروف كنت اقوى منا
يعني بالتاسع جمعت 276/290 والبكالوريا 228/240
بس وقت بلشت دراسة بها الفرع لحد ما خلصت واناشفت الدكاترة كلون أنانيين باستثناء أربعة فقط واذا بشهدلك مليون طالب درسو قبلي وبعدي رح يصوتو لنفس الدكاترة والباقيين مو لانون مو فهمانين بس لانون انانيين واذا ما بيعرفولك شي واسطة أو...ما بينطشوللك بنوب ودائما بحاولو يخبو عنا المعلومات وكأنو اذا عطوك شي معلومة بينقصو شقفة و في شويت طلاب يا حرا م هنن ما بيفرأو عنا كتيير بس مضطرين بظروف هالكلية انو يعملو هيك يعني بيتحولو لتجارمحاضرات وبالاخير بيصيبون شي من الغرور وبفكرو حالون احسن من كل الطلاب مع انو بحد علمي انو الطلاب بالكلية الوحدة بكونو مجمعين نفس المجموع بالبكالوريا يعني نفس مستو الذكاءونفس التفكير ع الاغلب وطبعا بعد ماتتخرج بتكتشف انك تغيرت كتيير وللاسف للاسوء وانك مجرد مهندس فاشل فاشل وحتى لقب المهندس بتضحك على حالك في ومابعرف ليش من اول سنة ماغيرت هالفرع وقت سألت وحدة من رفقاتي بزمناتي انو شو رأيك روح على شي معهد اشرفلي قالتلي لك شغلة صحتلك يلااااا المهم  ع عيون العدا وفعلا كتيير من الناس بينظرو للفرع انو مرتب بس انا ببكي على كل لحظة فيييييي يمكن تعتبروني ناقمة بس عنجد هالفرع بالذات يلييي حابب يفشل من جوا وعمليا ونظريا ويضحك على حالو يفوتو لانو رح تلاقي مين يدفشك للهاوية واذاكان حظك حلو بيطلعلك مارد من الدكاترة  الاربعة يلي حكيت عنون وبتعيش بحلم متل الكذب بكل بساطة انامبسوطة كتيير انو اول مرة بفش خلقي      بس بعتذر منكون مارح اذكراسم الكلية والله مابعرف ليش عم ابكي    سلام لكل الطلاب ولعمو ابو    م  .. ف .. ظ      بالذات
  طبعا قبل شي عشر سنين يمكن هالكلية ماكانت هيك                               
                                           
                                                                         
     
                                                       








ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 315


Adam....

جامعـي اســتثنائي





مسجل منذ: 27-09-2010
عدد المشاركات: 840
تقييمات العضو: 82
المتابعون: 19

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

22-08-2012 01:47 PM




هي كم كلمة كتبتا من كم يوم للإجابة عن بعض التساؤلات عن كلية الهندسة الندنية بدمشق....أرجو أن تكون مفيدة :




أهلا بكم في كلية الهندسة المدنية بدمشق .....كليتنا الحبيبة من أوائل كليات الهندسة في سوريا ومن أعرقها إن لم تكن الأعرق....كلية ذات تاريخ عريق أخرجت للوطن والعالم مهندسين أكفاء ساهموا في بناء البنى التحتية ولهم أثر لا يخفى على أحد ...لن أكثر من المقدمات وسأدخل في صلب الموضوع فهو الأهم في هذه المرحلة

كما تعلم عزيزي طالب العلم....فإن توجهات الأفراد تختلف بإختلاف طبيعتهم وأسلوب تفكيرهم...وبالتالي فإن إختيارك يجب أن يكون مدروساً بدقة حتى تدخل في مجال تستطيع أن تضع بصمتك فيه وتحبه....وتتأقلم معه مستقبلاً
وبالتالي يجب عليك أن تحدد توجهاتك ..هل هي أدبية حفظية (وإن درست في الفرع العلمي..فبعض الناس لديه هذه التوجهات ويميل للحفظ والثقافة أكثر من التحليل )....فإن كنت كذلك أنصحك بالتفكير بالصيدلة أو الطب..إن إستطعت لذلك سبيلاً

أما إن كنت من هواة التفكير والتحليل وترى أن الفهم من طبيعة عقلك...أكثر من مجرد حفظ وتلقين المعلومات...فقد إهدتيت  إلى الإختيار الصحيح ....والحقيقة أن كل الهندسات تعتمد على التفكير والتحليل...والعلوم التجريدية كالرياضيات وعند دراستك لأي هندسة ستفهم أخيرا الهدف من كل هذه الرموز الرياضية والمعادلات والمصفوفات التي درستها وكثيرا ما سألت نفسك أين هذا من خلق الله 0_0

بإختصار فما يتطلبه الدخول في أي فرع هندسي بشكل عام :


1 – التفكير التحليلي والمنطقي والإهتمام بالفهم أكثر من غيره
2 – حب البحث والإطلاع فكما تعرف ..في الهندسة في كل يوم جديد
3 – القدرة على تحمل المسؤولية..فأيا كان فرعك الهندسي .. ستكون مسؤولا عن عملك
4 – الهدف الحقيقي...وهنا أوكد على هذه الصفة...فليس من المعقول أن تدخلها بلا هدف متعلق بها
وكثير منا في الواقع قد إختارها مرغما أو بالأحرى هي إختارته
5 – كنت مستعداً لأن تنصدم ...أقرأ كامل النص لتعلم مقصدي 



لكن ماذا عن الهندسة المدنية حصرا دون غيرها من الهندسات ؟
وهنا سأبد الحديث عما كنت تبحث عنه.... كلية الهندسة المدنية ...هي كلية جدّية ..والعلم فيها ليس مضيعة للوقت كما هو في بعض الكليات الأخرى للأسف ....في كليتنا الحبيبة ستتعلم..مواضيع كثيرة...من الأبنية والإنشاءات بمختلف أنواعها وهي محور تعلمك ...إلى المشاريع المائية كالعبارات والقنوات...إلى الجسور والسدود.....وإلخ...وبشكل عام الهندسة المدنية هي أم الهندسات....فانت كمهندس مدني في أي مشروع مستقبلا ستكون قائداً للمهندسين ...لذا فخلال دراستك ستمر على بعض الهندسات الأخرى بشكل بسيط حتى تفهم مبادئها وتستطيع التعامل معها في المستقبل وبالتالي فإعام يا عزيزي أن الهندسة المدنية ليست كغيرها ....

بإختصار الصفات المطلوبة منك لتدرس الهندسة المدنية تحديدا :

1 – القدرة على تحمل ضغوط الدراسة التي ستتفاجأ بأنها ليست سهلة ولن تحظى بوقت الفراغ الذي يحظى به زميلك من كلية الحقوق مثلاً
2 – رغم كثرة المواد الرياضية ..والتحليلية كالرياضيات والإنشاءات ومعظم مواد المدنية إلا أنك ستتفاجا بكمية المواد الحفظية المرعبة في بعض الأحيان 
3 – أن تكون قائدا....وأنا أعني ما أقول....في الحقيقة..المهندس المدني في الواقع العملي ..والعمل ..هو قائد عملية البناء والمشرف عليه وهو يتحمل أكبر مسؤولية في المشروع وبالتالي أن يكون قادرا على قيادة كادر العمل هي صفة جوهرية
4 – إستعد للتعب وبذل الجهد..فالدراسة متعبة وتحتاج للمتابعة

ماذا عن الكادر التدريسي ومستوى التعليم ؟.

وهنا أقول..وأنا أعلم ان قليلاً من زملائي يوافقني....لكني أرةى أن الكادر التدريسي هو من أحسن وأفضل كوادر جامعتنا ودكاترة الكلية راقيين ومحترمين ...بمعاملتهم وبمستوى تدريسهم...وبمساعدتهم للطالب والوقوف معه
هذا من ناحية الأخلاق والتعامل...اما من ناحية القدرة التدريسية...فكما أتوقع أنكم تعلمون فالتدريس ليس أمراً يتعلمه المرء بل هو خبرة وممارسة والأهم موهبة قد لا يملكها الكثير من الدكاترة ذوي الخبرات والمعلومات الهندسية الكبيرة
أما بالنسبة للمهندسين...فالحمد لله معظمهم وليس كلهم..متعاون ومحب لعمله ...وبشكل عام لوقارنا بين سمعة كادر كليتنا وكليات أخرى..لرأينا الفرق الجلل...

ماذا عن الحياة الإجتماعية والأصدقاء ...يقولون : "الجامعة غير المدرسة" فما صحة هذا ؟


وهنا الصدمة الكبرى...فإن كان في كليتنا عيب فهو أنها كالكتلة الخرسانية الصماء..0_0...فهي ليست مجمعاً للعلاقات الإجتماعية والقصص والتسالي كما هو الحال في كليات أخرى كالحقوق والأداب......بل هي بحق مجمع أكاديمي ..يهتم سكانه (الأحياء والأموات-أعني ما أقول- 0_0) بالعلم والدراسة والإمتحان والعلامات وقليلا ما تسمع حديثا بموضوع أخر...فطلابنا يتصفون بالجدية والوعي ...والإيمان أيضاً ^_^
وستنصدم أيضا حينما تكتشف أن كل ما كان أصدقائك وأهلك يقولونه عن متعة الحياة الجامعية ما هو إلا وهم قد إخترعوه من مخيلتهم أو ولّى زمنه .....وإن كنت تبحث عن هذه الحياة...فإذهب إلى كلية الأداب أو الحقوق..وتمتع بالحياة الدنيا 0_0

ما صحة القول بأن المدنية ليست للبنات ؟
في الحقيقة...وبعيدا عن الرومنسية والخيال...ففي هذا الكلام شيء من الواقع إذا نظرنا إلى المهندس المشرف و المنفذ والمسؤول ....فهو بحاجة لمخالطة العمال والتكلم بلغتهم والقدرة لأن يكون صارما...ووهذه الصفات نادرا ما نجدها عند الجنس اللطيف ^_^......لكن لا بد من ذكر ان معظم البنات اللائي يدرسن الهندسة المدنية بعملون في قسم الدراسات الذي لا يحتاج إلا لمعرفة العمل على الحاسوب وقراءة المخططات وإجراء المكالمات وبالتالي فهو عمل مكتبي وسهل..
أتوجه بكلامي للجميلة ^_^ التي تخشى دخول المدنية لما سمعته من ذكورية الفرع 0_0

أريد جوابا حقيقيا...ما مستقبل المهندس المدني .؟
لربما هذا هو السبب الرئيسي لإختيارك الفرع فأنت بدراستك الجامعية تطمح للعمل بشهادتك وخبرتك
المهندس المدني دائما مطلوب وفرص العمل متوفرة دوما سواءا بالقطاع العام أو الخاص أو شغل المخالفات من تحت لتحت ^_^...ولا غنى عنه في كل الأوقات ..فدائما هناك عمار وبناء ولن ينتهي مستقبلا أيضا
أحمل مافي عمل المدني هو أنه واقعي وملموس...وممتع...فانت ترى ما درسته على الورق....تراه يصبح واقعا..فتشعر بالفرح....تخالط الناس ...فعملك لا يقتصر على الدراسة والحساب....تكتسب الخبرات...أعمالك متنوعة...يوما تبني عبارة وأخر عمارة ....تكتسب صداقات كثيرة...فأنت تتعاون مع مهندسين من كل الأختصاصات ...وتخالط أصحاب المهن في الورشات والمحامين في المعاملات ...وأصحاب المال..في المقاولات....نستطيع القول..أن طريق الدمنية هو طريق معبد للمزيد من النجاحات ...إن شاء الله
ولعل أجمل مافي عمل المهندس المدني...هو أنه ما إن يكتسب الخبرة الكافية في العمل....(الأمر الذي قد يتطلب على الأقل 5 سنوات بعد التخرج)....يستطيع أن يفتتح مكتبا هندسيا ويصبح سيد نفسه ...وما أجمل أن تكون سيد نفسك عن ان تكون موظفا ملتزما بقوانين قد لا ترضاها و أمور لا تحياها

ماذا عن المواد والإختصاصات والدراسات العليا ...وإلخ :؟

أشك أنك سألت هذا السؤال يا صديقي...فنا همك بهذا حاليا...لا أعتقد أن هناك فائدة من معرفة أسماء المواد أو خصائصها...أكثر من أن تعلم ما نوع المنشأت التي ستتعامل معها....
المدنية مثلها مثل كل الفروع هناك دراسات عليا وإختصاصات ما بعد التخرج كثيرة ...لكن لا تكلف نفسك عناء التفكير فيها..قبل أن تتخرج وتخوض غمار المدنية...فلا طائل من ذلك
اما إذا أصررت على ذلك ..فأذهب إلى منتدى المدني...(المشرف على الإنقراض أسفا)
http://civ.jamaa.net

يمكنك قرءة خبرات الطلاب عن المواد...وقد وضعوا مشكورين دليلا لكل سنة مع نصائح..ولا تتردد بسؤال أي منا

أرجو أن أكون قد وفقت في الإجابة عن أهم تساؤلاتكم





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 316


*Hope*

عضــو فضـي

Think twice ... Act Wise




مسجل منذ: 08-02-2010
عدد المشاركات: 1256
تقييمات العضو: 199
المتابعون: 16

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

22-08-2012 03:59 PM




السلام عليكم


حأتحدث عن فرع الصيدلة إن شاء الله



بدايةً مدة الدراسة هي 5 سنوات ... بعدها ممكن يختص الطالب بالماجستير ...
وفي عدة فروع للماجستير ممكن تتغير من سنة لسنة ... واللي بدو يختص لازم
يحط ببالو المعدل من البداية ... والسنوات الأولى هي فرصة لأنو بعدها بتصعب
الأمور شوي


الخيارات اللي موجودة عند الطالب (عحد علمي حالياً) هي: الصيدلية - العمل
بشركة أدوية - الدعاية - المخبر (بعد التخصص وفي عدة اختصاصات للمخابر)


من بداية السنة التانية بيصير على الطالب أنو يلازم (يتدرب) بصيدلية خلال
فترة الصيف ... والملازمة تعتبر مادة بس ما بتنحط علامتها لسنة التخرج بعد
ما يكون الطالب تعلم الأشياء العملية بالصيدلية


بالنسبة للدراسة فهي متدرجة بتبلش بمواد عامة وبعدها بتصير خاصة للصيدلة
... المواد مو صعبة كتير للي بيتابع وبيشتغل وممكن ينجاب فيها علامات ...
بس الطلاب بيشكو بكل فرع في عملي من عدم العدل أحياناً بعلامات العملي
وبالتالي علامة العملي ممكن تأثر عالعلامة النهائية


معظم المواد  أسلوب الأسئلة فيها هو الأتمتة (بس كم مادة بالسنة الأولى
ومادة بالتانية ممكن تكون كتابية وممكن الدكتور يغير رأيو ويعملها أتمتة)


الكيمياء إلها أكبر نصيب بهالفرع ... وكيمياء الدواء هو العنوان الرئيسي للصيدلة وباقي المواد مكملة لإله


اللي بدو يدخل الفرع بدو من البداية ما يحط آراء وحكي الناس ببالو ... وما
بدو ياخد بعض الصيدليات مثال لمستقبلو ... لأنو هو بيحدد إذا كان حيكون
صيدلي مخلص لمهنتو ويشتغل بشهادتو ولا حياخد الشهادة ويتاجر فيها ويسلمها
لأيادي ما مؤهلة لإلها


وحسب التجربة بالملازمة ... فالناس أول ما الصيدلي يفتح الصيدلية بتاخد
عليه فكرة متل باقي الصيدليات ... أما بعد ما يكتشفو أنو اللي موجود هو
صيدلاني فهمان شو عم يعمل فبتوثق فيه ...  ومثلاً اللي حالتهم المادية ما
بتسمح يروحو لعند الطبيب كل شوي بعد ما انتهى تشخيصو للمرض ممكن يسألو الصيدلاني عن الدواء ويتابعهم بعد ما كسب ثقتهم وممكن يقدر يوصف علاج
مباشرةً للحالات الخفيفة اللي عندو فكرة عنها ... وبالنهاية: الصيدلي =
الدواء والطبيب = التشخيص

فلكل واحد دور بيكمل التاني ... أكتر
حدا بيفهم بالتشخيص هو الطبيب وأكتر حدا بيفهم بالدواء هو الصيدلاني  ... فلكل واحد دور وما بيحق لحدا يعتدي
عمهنة حدا ولا يقلل من قيمتها



والصيدلاني ممكن يحترم مهنتو ويخليها مهنة إنسانية ... وممكن ما يحترمها ويخليها تجارة وأكيد بهالحالة حيفقد ثقة الناس


وفي موقف مر حأذكرو كمثال: في مريضة بتشتري الدواء من صيدلية ... وبتجي
لعند الصيدلية اللي لازمت فيها بس مشان تشرحلها عن هالدواء وكيف تاخدو
والصيدلانية بتتقبل هالشي برحابة صدر لأنو هاد هدفها من مهنتها ... أما
هديك الصيدلية فعلى ما يبدو اللي قاعدين فيها مو صيادلة وهاد اللي بيعملو اللي هدفهم تجاري من مهنتهم
في رقابة وتفتيش لمنع وجود غير الصيدلي بالصيدلية بس دائماً المخالفين
بيقدرو يتهربو وأبسط شغلة بيسكرو الصيدلية وقت بيسمعو أنو جاي التفتيش ...
لهيك هالشي مستمر لهلأ!

إن شاء الله يجي جيل يحترم مهنتو ويغير الفكرة السيئة الناتجة عن نماذج ما
محترمة مهنتها ومنتشرة كتير ... وبالتوفيق للجميع إن شاء الله








ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 317


لغد أفضل

جامعـي جديــد




مسجل منذ: 07-12-2011
عدد المشاركات: 3
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

23-08-2012 02:47 AM





مرحبا أنا لمى
سنة تالتة كلية العلوم السياسية يمكن فرعي غريب شوي بالنسبة للبنات أنا هيك فكرت أول ماسجلت بس بعدين اكتشفت إنو هالفرع بالذات شامل بالعلوم والمعارف وبيصقل الشخصية بشكل قوي وخلق هالفرع عندي بظل هالظروف تصميم أكبر إني كمل الطريق يلي بديت فيه خصوصا إنو بوابة الوظايف فيه مفتوحة
بتمنى اني كون قدمتلكم شي من الفايدة بالملومة المطوبة والله يوفقكم باختياراتكم
تحياتي





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 318


نسرين الداية.

جامعـي جديــد





مسجل منذ: 23-08-2012
عدد المشاركات: 1
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

23-08-2012 06:21 PM




السلام عليكم


أنا طالبة تاريخ في السنة الثالثة


في الحقيقة فرع التاريخ فرع ممتع جداً في مواده ومقرراته


يبدأ في السنة الأولى بتاريخ قبل الميلاد لعدد من الدول العربية


وفي السنة الثانية يبدأ التاريخ الاسلامي والثالثة الأندلس والمماليك وحتى تاريخ أوربا


ممتع بكل معنى الكلمة ... نعاني في كلية الآداب بمختلف أقسامها إلى ظلم الأساتذة دكاترة المواد لأنهم يظلموننا في العلامات للأسف ولا يعطوننا حقنا .. بالكاد ننجح في المادة ومن الصعب جدا أن نحصل على علامة جيدة .. خاصة أن نظام الأتمتة ملغي في الآداب


لكن الفرع جميل جدا وممتع لكل من يستهويه التاريخ والبحث في حقائقه . خاصة أن التاريخ معرض جدا للتشويه والكذب فيكون مهمة طالب التاريخ أن يتحرى الحقائق من أمهات الكتب والمصادر


بالتوفيق للجميع :)





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 319


نور-.

جامعـي جديــد




مسجل منذ: 27-08-2012
عدد المشاركات: 1
تقييمات العضو: 0

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

27-08-2012 09:47 PM




مرحبا انا نور هي لسنة اخذت البكلوريا وتعبت عحالي كتير طول السنة وخاصة اخر ثلاث اشهر وكنت حاسبة علاماتي وتوقعت الصيذلة وماكنت احلم الابها لان قعلا كنت بستحقها وبحصل عليها لو حصلت على علاماتي الحقيقية لكن ومع الاسق انصذمت ذا عاى علاماتي وتحطمت كل احلامي بصيذلة حتى الهنذسات يلي كنت حاول اقنع حالي بها قبل نتائخ مشان اذا ماطلعلي صيذلة ماقرت احصل عليها مع انو انا من الصق الاول وانا من الاوائل للبكلوريا وما تراخع مستواي ابا ولا باي سنة وكل تعبي مشان اوصل لحلمي بس يمكن هيك نصيبي بس مع ذلك انا لسا عنذي احلامي وقررت باذن رب العالمين اذخل الكيمياء اذا رب العالمين اكرمني بها انو ارسها وكمل بها ذراسات عليا وذكتوراة اذا الله راذ لي انتو شو بتحبو تساعذوني انا حابة اسمع رايكم (اعتذر عن الاخطاء الاملائية لانو الكيبورذ عنذي به احرق عطلانة ) 





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 320


*Hope*

عضــو فضـي

Think twice ... Act Wise




مسجل منذ: 08-02-2010
عدد المشاركات: 1256
تقييمات العضو: 199
المتابعون: 16

غير موجود
اشــترك بالتحديثات
رسالة مستعجلة

رد مشاركة : لمحة عن كليات جامعة دمشق و فروعها... تفضل كلمنا قليلاً عن اختصاصك ..لو سمحت

28-08-2012 11:53 AM





السلام عليكم

أهلين نور :) ... ولا يهمك ... ما في شي بيضيع ... المهم أنو وين ما كنتي تتفوقي وتفيدي غيرك بس ما المهم وين تكوني ... وأنتي ما بينخاف عليكي إن شاء الله طالما كنتي متفوقة قبل ما شاء الله ... وأكيد هاد الخير لإلك ومع الأيام بيبين معك هالشي

السعادة ما منلاقيها دائماً بالهدف اللي كنا منحلم في ... فيمكن لو درستي اللي حطيتيهم قبل ببالك فما كنتي حتنبسطي فيهم أو بمهنتهم لأنو الشغلة فيها طريق طويل ما هدف ووصلناه ... والخيارات قدامنا كتيرة وما لازم نحصر حالنا بحلم واحد بس

بالنسبة لفرع الكيمياء فهو حلو ... وكتير قريب للصيدلة (في كتير مواد متطابقة) ... وطالما أنك بتحبيه فإن شاء الله بتقدري تتفوقي وتستمتعي فيه

حطي ببالك أنو ما في فرع أعلى من فرع ... كلهم بدهم تعب وشغل ... وكلهم ممكن الواحد يستفيد ويفيد منهم أو ممكن أنو يضيع شهادتو وما يستغلها بالشكل الصحيح

فشو ما درستي أهم شي أنو تحبيه وتشتغلي عليه وتعطي حقو ... وهيك ما بتكوني غير رضيانة إن شاء الله لأنو رب العالمين لما بيلاقي الواحد بدو يشتغل ويأنجز بيسرلو أمورو وبيوفقه وبيرضيه :)

***

بالنسبة لمشكلة الكيبورد ففي حل مؤقت ممكن تعمليه:

إبدأ -> البرامج الملحقة -> سهولة الوصول -> لوحة المفاتيح على الشاشة

حل تاني أنو نتسخي الأحرف اللي ناقصتك (من هالصفحة مثلاً) وتلصقيها على مستند تحتفظي في عسطح المكتب ... وكل ما بدك حرف بتنسخيه وبتلصقي وين ما بدك

الله يخترلك الخير ... وبالتوفيق إن شاء الله









ملتقى طلاب جامعة دمشق




أنت غير مسجل لدينا.. يمكنك التسجيل الآن.

التعليق باستخدام الفيسبوك
صفحة 32 من 34 <- 30 31 32 33 34->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة