[x]

"وقـل اعمـلوا فسـيرى الله عـملكم ورسـوله والمؤمنـون"


<< المشـاركات الأخيرة : >>         الساحة الجماعية لطلاب الصيدلة (جميع السنوات)       آخر رد : ..3>..  ]        تداخل دوائي خطير ممكن ان يكون قاتل       آخر رد : *ZAID*  ]        صيدلي....ماذا فعلت بعد التخرج؟       آخر رد : ....{SalaM}....  ]        لجوء أو ماذا       آخر رد : phmab  ]        الديلتيازيم و دعم التوافر الحيوي للسيكلوسبورين       آخر رد : pharm bites  ]        لمة عيلة الصيدلة بعد الغياب       آخر رد : ....{SalaM}....  ]        بتبقى ذكرى ما بتنتسى..       آخر رد : ....{SalaM}....  ]        ساحة الخريجين.....صيدلة       آخر رد : iron_man  ]        سنة ثالثة صيدله       آخر رد : ..3>..  ]        ...معلومة عالماشي يا صيدلي...       آخر رد : ..3>..  ]        طبختنا لليوم :)       آخر رد : ....{SalaM}....  ]        شعورك بآية "صحيحة"       آخر رد : ....{SalaM}....  ]        عش كيمياء الدواء       آخر رد : ....{SalaM}....  ]        لنرسم لوحة فنية معاً...       آخر رد : نور الهداية  ]        مشروع ترجمة موسوعة التكنولوجيا الصيدلية الجماعي...       آخر رد : نور الهداية  ]        للصيادلة الفضوليين فقط.......       آخر رد : phmab  ]        .::صورة... وبيت::.       آخر رد : phmab  ]        ♥♥♥مساعدة خطيرة وضرورية و اخوية♥♥♥       آخر رد : ..3>..  ]        مطلوب شهادة صيدلة       آخر رد : **فراشة الحب**  ]        كلية الصيدلة...السنة الرابعة.......الفصل الأول...دليل الطالب       آخر رد : مصطفى..............ح  ]    
...مركز رفع الصور والملفات...
النتائج الامتحانية لجامعة دمشق 2015-2016 - آخر تحديث اليوم . 11:56 AM



..لمحة عن كليات جامعة دمشق و فروعها... شاركنا تجربتك وكلمنا عن اختصاصك



المحـاضـرات
برنـامج الـدوام
برنـامج الامتحــان
النتـائج الامتحـانيـة
أسـئلة دورات
أفكـار ومشــاريع
حلقــات بحـث
مشــاريع تخـرّج
"وقـل اعمـلوا فسـيرى الله عـملكم ورسـوله والمؤمنـون"
كلية الصيدلة

مواضيع مميزة..


مواضيع ننصح بزيارتها .:Pharmacy:. عش متعة الصيدلة .:Pharmacy:. تقنية الويكي: معاً نحو محتوى عربي رقمي علمي نصنعه معاً .:Pharmacy:. ساحة مشروع ترجمة موسوعة التكنولوجيا الصيدلية .:Pharmacy:. تعو نلازم كلنا سوا .:Pharmacy:. معلومة عالماشي يا صـــــــيــــــــدلــــــي .:Pharmacy:. كل شـــي جـــديــــد .:Pharmacy:. مواقع الشركات الدوائية
مواضيع مميزة:
مـنـتـدى تـرجـمــة وتـدقـيـق أقــســام الـمـوســـوعـة
للتواصل مع الهيئة الإدارية في كلية الصيدلة اضغط هنا
ويكـي فـارما

المركز الإخباري الــصــيدلاني

مشروع ترجمة الموسوعة التكنلوجية الصيدلانية

موسوعة العلوم العربية

مشروع المجلة الطبية Medical Journal

مشروع الأختام الجماعية الدورية

  ملتقى طلاب جامعة دمشق --> كلية الصيدلة --> الصيــدلة علــم و عمــل --> منتدى الحوار العام
    الناقم على الصيدلة...لا تفوت بيوجعك راسك
عنوان البريد :  
كلمة المرور :  
                    تسجيل جـديد


صفحة 1 من 4  1 2 3->

.الناقم على الصيدلة...لا تفوت بيوجعك راسك


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 25

غير موجود
اشــترك بالتحديثات
رسالة مستعجلة

الناقم على الصيدلة...لا تفوت بيوجعك راسك

08-02-2009 03:35 PM




أنا ما قلتلك لا تفوت بيوجعك راسك؟؟؟؟؟
طب ليش فتت؟؟!!!

هلأ فتت و مشي الحال...
بصراحة أنا ما كان بدي أعرض هالموضوع بالمنتدى ، بس بعض الأعضاء أصروا علي
أن أذكره بينكم....
الموضوع هو : [ليش أنا ناقم عالصيدلة
ما لح أذكر قصتي الطويلة جداً مع الصيدلة ، و لح أكتفي بس بالإجابة عالسؤال...
( بلالكن وجعة هالراس)
بصراحة أنا يللي مدايقني بالصيدلة ، أنك تدرس فيها 5 سنوات و تأخذ علماً لا يأخذه
عامة الناس ( كيمياء صيدلية ، تكنولوجيا صيدلية ، بيولوجيا ، عقاقير ، صيدلة سريرية ، صيدلة ما بعرف شو ....الخ)
و عند التخرج و بعد أن تكون قد حصلت على ذخيرة علمية وافرة ، تجد نفسك تجلس في بقالية ينقصها البيض واللبن !!!!!!!!
أليس هذا واقعنا؟؟؟!!!
ليش بتلاقي اللي جاب بالباكلوريا 235 و راح فات طب بشري موازي وكان معك بنفس المقعد ، صار دكتور و الناس بتحترمو ، و ألو مواعيد و ألو هيبة ، و صاحب رسالة إنسانية ، و ما حدا بيناديلو غير دكتور ، و ما عاد يتعرف عليك إزا شفتو بالطريق لأنك جبت بالباكلوريا 234 و دخلت صيدلة و طلعت سمان؟؟؟؟!!!
لك مشان الله مو شي بيطقق؟؟؟!!! 
لك مشان الله مو شي بيقهر؟؟؟!!! 
أنا راضي بقضاء الله و قدره ، و بعرف أنو الأمر كله بيد الله ، و يلي مصبرني قوله تعالى صدق الله العظيم
بس الواحد..................... 
على كل حال بيكفي هيك.... وحاجة بلا ما يجعني راسي ووجعلكن راسكن..
آسف عالإزعاج.... 
سلام....


ملاحظة1: أبي و عمي أطباء ( أعلم أنه لا علاقة لذلك بمستقبلي ، لكن المقصود هو أنو عندي معلومات طبية وافرة...)
ملاحظة2 : أكره الكيمياء كره العمى.
ملاحظة3 : شعاري لن يتغير ما حييت.







ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 2


بلسم الآلام

عضــو فضـي

كن جميلا ً ترى الوجود جميلا....




مسجل منذ: 14-11-2008
عدد المشاركات: 1112
تقييمات العضو: 21
المتابعون: 14

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 04:49 PM




والله يا w.o.tبما إنك جايب علامات صيدلة ومابتحب الكيميا وبدك العالم ينادولك دكتور كنت فوت طب أسنان بدل الصيدلة

وأنا متأكدة إنك عم تقول عن الصيدلة إنها بقالية لأنك مابتعرفها منيح

لأنو بالواقع الصيدلة ليست كما يأخذ الناس عنها صورة عامة أنها محل للبيع فقط

ولكن الصيدلة مهنة رائعة ولا يعلم بروعتها إلا من يزاولها وأنا شخصيا دخلت صيدلة

لأنني كنت أرى روعتها من خلال والدي فهو صيدلاني وهذا الأمر جعلني أدخلها عن حب لهذه المهنة ولمزاولتها

وإذاكان بدك العالم تناديلك دكتور فانبسط لأنو أنا من وقت ما وعيت عالدنيا لهلأ بسمع كل العالم عم تقول لوالدي دكتور

وبتصدق إنو بس تكسب الزباين والمرضى بصيرو يأمنوالك أكتر من الأطباءأنفسهم
وبصيرو يعتمدو عليك بكل شي  الله وكيلك هادا الحكي يلي عم احكيه شايفتو بعيني

بقا احمدالله واشكرو على هالنعمة لأنو في ناس طاقق قلبون ع الصيدلة
وإذاكنت إنت الناقم على الصيدلة فأنا عاشقة الصيدلة
وياريت تغير فكرتك عن الصيدلةلأنو إذا ماحبيت الصيدلة مالح تقدر تدرسها لأنها كلها
كيميا





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 3


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 25

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 05:29 PM




بلسم الآلام ...اسم على مسمى.
يعني هو الصراحة ريحتيني شوي من خلال كلامك...
بس ياريت يكون في كلام عملي مشان الدراسة لأنو أنا بنجد بكره الكيميا
وجبت فيها بالباكلوريا من تاني سنة 17 من 20
بس في ملاحظتين على كلامك:
1- أنا شخصياً ما بحب مهنة طب الأسنان كمهنة .....
2- مين قال لك أنو أنا بدي الناس تناديلي دكتور؟؟؟!!!
الألقاب ما بتهمني سواء كنت م.وسيم أو ص.وسيم أو د.وسيم....




أشكر مرورك





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 4


shaima

عضــو فضـي

نحن جيل الصحوة وبنا النهضة تبدأ




مسجل منذ: 15-11-2008
عدد المشاركات: 1507
تقييمات العضو: 22
المتابعون: 10

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 05:35 PM




أخي الناقم على الصيدلة
أنا أحييييك
والله معك حق تعصب
بس يعني هلأ الصيدلي كمان إله إحترامه..إنت يلي بتفرض إحترامك كصيدلي لا تستنى الناس
على كل حال أنا كمان رح إنضم لركب الناقمين بس لأسباب تانية..
أولها وأهمها
تكسير العلامات يلي عم يصير
وأنا بحياتي يمكن ما أخدت إلا حقي كاملا
يا أخي وبقولو الجامعات بالخليج والدراسة هنيك سهلة
والله والله بتمنى إرجع لهنيك عالأقل مافي ظلم وأكل حقوق
أنا هبلة يلي إجيت لهون بس شو بدنا نعمل
بس مثل ما قلت عسى أن تكرهو شيئا...





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 5


*Pharmacy*

جامعـي اســتثنائي





مسجل منذ: 27-10-2008
عدد المشاركات: 703
تقييمات العضو: 2
المتابعون: 4

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 06:31 PM




يا حبيبي يا عمري يا حياتي


حاجة بقى

صرعت سقفنا

كل يوم بشوفك بتقول الصيدلة مو حلوة


يعني فيك تغير شي يلي صار

خلص اتكل على الله

يعني مو ضروري تفتح جروحات الغير


يعني أنا كمان بتعرفني ما بطيق الصيدلة


بس والله عنجد صرت حس أنو أحلى 10000 طب بشري


خلص خليك قنوع



سلاااااااااااااااام





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 6


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 25

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 06:46 PM




شيخ ياسر....
أنا قلت أنو مابدي أنشر هالموضوع عالمنتدى...
بس نشرتو فشة خلق !!!
يعني حرام الواحد يفش خلقو شوي إزا ما في حدا حواليه ، ولو عالأقل لرفقاتو!!؟؟
و أنت كمان وحيد و بتعرف......
على كل...نحنا عم نتناقش ....



أشكر مرورك





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 7


المرهم الشافي

جامعـي نشـيط





مسجل منذ: 14-11-2008
عدد المشاركات: 118
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 06:55 PM




أخي العزيز بما أنك عم  تحكي هالحكي فأعتقد إنك سنة أولى وإذا كنت سنة أولى فمعك حق وأبشرك إنو الفصل الثاني أحلى بكتير من الأول وبعده رح تعشق الصيدلة
أما إذا كنت أكثر من ثانية فمالك إلا القناعة
والله أنا مثلك  ومعك حق لأن مجتمعنا كتير بيظلم الصيادلة  أما بالنسبة للطب  صح فيه جاه واحترام بس لا يغرك  أخي طب بشري وهو أقنعني بالصيدلة وبقلي بيحسد رفقاته الصيدلة لأن تخرجوا وعم يشتغلوا وهو لسا مو عرفان شو ووين بدو يختص وحتى إذا اختص بدو كم سنة ليكسب سيط وسمعة يعني شغلة معتة وفيها مسؤولية





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 8


W.T.O

عضــو فضـي





مسجل منذ: 03-02-2009
عدد المشاركات: 1763
تقييمات العضو: 3
المتابعون: 25

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 07:12 PM




المرهم الشافي

1-أنا سنة أولى ، والله يهنيك على هالبشارة.
2-أنا معك أنو الطب معت و مشواره طويل و فيه تعب.....
بس هدول الصيادلة يللي اتخرجوا بعد 5 سنين....
بزمتك...شو عم يشتغلوا؟؟؟؟
مشان الله جاوبيني.... مندوبين من باب لباب أو من صيدلية لصيدلية
ولا فاتحين بقاليات عم يبيعوا مسبحة و فول؟؟؟؟!!!
ولا مأجرين شهاداتهن ؟؟؟ وعود الحق القانون و التفتيش؟؟؟؟
بزمتك ...هي شغلة؟؟؟!!!!
3 - نسيتي المادة العلمية؟؟؟ شو علاقة الكيميا الفيزيائية ، ولا شو علاقة التسويق
بشي اسمو صيدلة ؟؟؟؟
عم تلاقي الصيدلي عالم كيمياء و بياع فلافل بنفس الوقت!!!!!!!!
لك والله شي بيجنن!!!!





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 9


Roza-9

جامعـي مشــارك




مسجل منذ: 04-12-2008
عدد المشاركات: 58
تقييمات العضو: 0
المتابعون: 1

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 07:40 PM




مرحبا وسيم....
عنجد ليه هيك ناقم عل الصيدلة والله كليتنا بتجنن....
و حاجة بقى نقض فيها..

على كلن اذا الفرع مو عاجبك ليه فتوا؟؟؟

بظن يلي جايب مجموع الصيدلة ادامو خيارات كتييييييييييييييير....
و بعدين مو ضروري يكون مستقبل الصيدلي يفتح صيدلية و يعد فيها
في الا كتيييييير مجالات...

سلام
روزا..





ملتقى طلاب جامعة دمشق




أنت غير مسجل لدينا.. يمكنك التسجيل الآن.

مشاركة : 10


sweetlife

عضو ذهبي


وكان فضل الله عليك عظيماً




مسجل منذ: 24-09-2008
عدد المشاركات: 2209
تقييمات العضو: 142
المتابعون: 24

غير موجود
اشــترك بالتحديثات
رسالة مستعجلة

رد مشاركة : الناقم على الصيدلة...لا تفوت بيوجعك راسك

08-02-2009 07:44 PM




معليش أخي مع احترامي الفائق الك بس خليني أعطيك رأيي بالموضوع
"تجد نفسك تجلس في بقالية ينقصها البيض واللبن !!!!!!!!"
يعني إذا مو عاجبتك شغلة الصيدلية بامكانك تكمل دراسات وتفتح مخبر أو معمل أدوية أو تشتغل بالصناعة الدوائية يعني في أكتر من مجال ليش حاصر حالك بالصيدلية؟؟
"ليش بتلاقي اللي جاب بالباكلوريا 235 و راح فات طب بشري موازي وكان معك بنفس المقعد ، صار دكتور و الناس بتحترمو ، و ألو مواعيد و ألو هيبة ، و صاحب رسالة إنسانية ، و ما حدا بيناديلو غير دكتور ، و ما عاد يتعرف عليك إزا شفتو بالطريق لأنك جبت بالباكلوريا 234 و دخلت صيدلة و طلعت سمان؟؟؟؟!!!"
أول الشي لازم تعرف أنو مو كل مين فات صيدلة لأنو ما طلعلوا طب في كتير ناس جمعوا مجموع كامل ودخلوا صيدلة
بعدين انشالله مفكر أنو كل الدكاترة بتفهم والله من بين 100 واحد لتلاقي واحد شاطر ومتوفق بحياتو
وأنا من خلال مسيرتي الطويلة مع الدكاترة استنتجت أنو3/4 الدكاترة ما بيفهموا شي وكل همون المصاري (مع احترامي للدكاترة الفهمانبن)
بعدين رجاء لا تقول سمان إذا أنت طالب الصيدلة هيك عم تحكي لا عتب عالعوام
ومدام كل هالشي ناقم عالصيدلة ومشتهي تطلع دكتور ويناديك الناس دكتور كنت فوت طب أسنان

"أنا راضي بقضاء الله و قدره"....
مع احترامي الك بس كلامك هاد ما ببين إنك راضي
يعني متل واحد زعلان لأنو عيونو موزرق وهو رضيان بس ليل نهار عم يبكي ويشكي
بقى وين الرضى بالموضوع؟؟

ومدام العيلة كلها أطباء ضروري يعني انت كمان تطلع طبيب
بعدين احمد ربك ألف مرة أنو طلعلك صيدلة لأنو الناس قاتلة حالها عليها وما عم تقدر توصلها
"أكره الكيمياء كره العمى."
عادي وأنا كمان ما كنت حب الكيميا أبداً بس اتأقلمت مع الوضع والدليل إني صرت سنة رابعة وبمعدل جيد جداً
" شعاري لن يتغير ما حييت."
برأيي ضروري تغيرو لأنك هيك صدقني مارح ترتاح بحياتك لا هلأ ولا بعدين
إذا ما كنت على قناعة أنو الفرع يلي فايتو أحسن فرع مارح تنجح
آسفة عالاطالة وآسفة على ردي إذا كان قاسي
بس ضروري وجهة نظرك تتغير
تقبل مروري
   





ملتقى طلاب جامعة دمشق




أنت غير مسجل لدينا.. يمكنك التسجيل الآن.

صفحة 1 من 4  1 2 3->
 








ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية
WwW.Jamaa.Net
MADE IN SYRIA - Developed By: ShababSy.com
أحد مشاريع Shabab Sy
الإتصال بنا - الصفحة الرئيسية - بداية الصفحة