[img]والله مالي عرفانة كيف بدي بلش هالحديث لأنو عنجد شي مو طبيعي ؛ يعني صاير الواحد ماعم يميز بين البنت والشب إلا بالصوت (هدا اللهم إذا كانوا عم يحكوا بصوتهم العادي),هو صحيح إنه هالظاهرة ماعادت جديدة بس كلمالها عم تزيد بشكل أبداً مو حلو, عنجد يا جماعة شي مرة صارت معكم إنه يمر شخص ما تعرفوا شو جنسه؟؟!! أنا من جهتي صارت معي ع الأقل ثلاث مرات, لأ والأحلى من هيك لما بتشوف الشب ملبق الخاتم مع الطوق والحلق والأسوارة (يعني اكسسوار كامل ) أو البنت لما بتعمل شعرها سبايكي وبتحط هالسلاسل والجنازير على بنطلونها الجينز فبتطلع شغغغلة وبيضل السؤال: ليش هيك ؟ وشو الفكرة من هالتصرفات
وطبعاً أكيد أنا ماعم اشمل أبداً, مافي شك إنه في كتير عالم لا زالوا محترمين حالهم ومحترمين الهيئة يلي خلقهم فيها رب العالمين لأنه عز وجل قال: "لقد خلقنا الإنسان في أحسن تقويم" والله يستر ما يصيروا هالعالم عملة نادرة بمجتمعنا, على كل منقول الله يسترنا ويستر علينا ويتلطف فينا بالدنيا والآخرة قولوا آمين. [/img]
والله الحق معك
بس أنا بقول إنو هالأشخاص يللي عم تحكي عنهم أكيد أكيد مريضين نفسيا
لأنو كيف الواحد بيليق على حالو (يترجل أو يتستت)
بس كل شي منقدر نقوله إنو الله يهدي الجميع ويهدينا معهم
وليش مصعبي على حالكها القصة يعني نحن منحكم على الشخص من المظهر بس ؟ مع احترامي لكل الأراء انا بسميها حرية شخصية ولطالما نؤمن با الحرية فيجب اننقف عند هذه المسائل المهم ما بداخل هذا الجسد واذا متير قارقك هاالمنظر في عندك حلين يااما تقتنعي انو هذا مرض سايكيولجي او تدعيلن لها الشخاص با اللي انت بتشوفيه وخلصونا من ها العقد رررررررررررووح
ملتقى طلاب الجامعة... منتدى غير رسمي يهتم بطلاب جامعة دمشق وبهم يرتقي...
جميع الأفكار والآراء المطروحة في هذا الموقع تعبر عن كتّابها فقط مما يعفي الإدارة من أية مسؤولية WwW.Jamaa.Net