اقتباس
وعدت أن أكون معك بالموضوع للآخر واسمع رأي الأعضاء وهاأنا أعود من جديد
والله انك كبيرة يا لوليتا وبنت اصول
اقتباس
عذرا للتاخير لانشغالي ببعض الأمور
لك انتِ على راحتك بتروحي وبتجي ايمتى ما بدك يا مدرستنا العظيمة
اقتباس
قبل أي شي بيسعدني جدا انو نكون اصدقاء ويسلموو على الورد يا مزوء
تأكدي انو لو فيني ابعتلك ورد طبيعي صدقيني كنت بعتلك بس شو طالع بالايد ما في غير ورد الكتروني....كللك ذوق
اقتباس
( بس ما يقولو اجو بيت فستق )
مممممممم
انت مبين عليكي شامية وبدك تتعبيني معك بالامتال الشامية.....شو يعني بيت فستق؟؟؟
اقتباس
قولتك بيعملوها والله لأنو هي الشغلة يلي ما بنقدر بلاها عند اول مناسبة
بس شو بدك بالحكي ولا احلى من هيك
وهات على دبكة يا معلم....والله شكلك مو من الشام اذا بتحبي الدبكة
اقتباس
ههه بصراحة ما قدرت امنع نفسي من الضحك هون, يعني حسستني انو عاملة شي شغلة غريبة
اي ضحكي ضحكي الله يجعل ايامك كلها ضحك
اقتباس
ومهمة وعم تهتف هالجماهير الكادحة باسمي
هههههههههه هلأ هون انتِ اللي ضحكتيني....قال جماهير كادحة....ذكرتيني بحلقات مرايا تبع المدير والجماهير الكادحة اللي عم تهتف وحلقات الدبكة
اقتباس
بعدين ليش لأ ما بتعرف بركي يارب بتصير وزير شي يوم وبتنحل هالمشاكل وغيرها
وزير....ما لقيتيلي احسن من هالشغلة
اقتباس
هوة انشالله ما تضل هالمعضلة معلقة لوقتا يي تخيل
عادي.....هيك شغلات ببلدنا ما بدها تخيل.....واضحة
اقتباس
وعلى فكرة بالفعل هالموضوع انطرح على مدير التربية ووعد يلاقي الحل وعلى ذمة اهل النقابة ودار المعلمين يلي كانو موجودين قال السعي مستمر بهالخصوص, وكمان من فترة وجيزة كان في طلب من وزارة التربية بتحديث المناهج وطلبت الوزارة وقتا من الناس اصحاب الاختصاص وكل من يجد في نفسه الامكانيات انو يساهم بالتطوير وبنقول انشالله خير ما بنعرف شو رح يطلع معون بعدين الله يستر
اي معناها الله يستر....لانو انا بخاف من الحركات الغريبة اللي بيعملوها هون لانو غالبا ما بيعرفو يحسبو
اقتباس
فهي بدك تسمحلي فيا
انا اقل من قارة اوروبا كلها ما بقبل شو مفتكرني قليلة
له يا لولو يعني كوريا الجنوبية هي الدولة رقم واحد بعجلة التنمية التعليمية والاقتصادية....لعلمك كوريا بتصرف 25% من ميزانية الدولة عالتعليم.....تخيلي هالرقم الهائل.....نسبتو الاولى بالعالم
اقتباس
شكرا لمدحك اللطيف وكتير عليي هيك
نو نو نو
بتستاهلي اكتر من هيك
اقتباس
بالفعل وبدون المجاملات المنمقة موضوع يستحق الوقوف والبحث في ردود الأعضاء بتمعن وتأني ووضوح في اثبات الرأي والتدقيق في وجهات النظر وقد كنت خير من فعل
لك جملتك هي اهم من الموضوع كلو.....شو هات خجلتيني كتير.....حرام عليكي....رح تخليني اهري الشعب مواضيع
اقتباس
لك مودتي واحترامي صديقي مجد
لكِ انتي فائق تقديري ومودتي واحترامي....وهنيئا لي بكسبك صديقة عزيزة واعية ومثقفة
واتمنى من الله ان تدوم صداقتنا لان صديقة مثلك...من الصعب ان اجد مثلها
شكرا لك......وعذرا منكِ فلم اجد من الكلام ما تشكرين به
مجد